نعماني: که سرمایه لرونکي خپله سرمایه راوباسي یو سړی به هم بې کاره پاتې نه شي
د طالبانو د ښار جوړولو وزیر وایي، چې سرمایه لرونکو خپلې سرمایې ذخیره کړي او که سرمایه دار پیسه راوباسي په افغانستان کې به یو سړی هم بې کاره پاتې نه شي.
د طالبانو د ښار جوړولو وزیر وایي، چې سرمایه لرونکو خپلې سرمایې ذخیره کړي او که سرمایه دار پیسه راوباسي په افغانستان کې به یو سړی هم بې کاره پاتې نه شي.
حمد الله نعماني دا څرګندونې د پنجشنبې په ورځ د صادراتو ملي ورځې په نمانځغونډه کې کړي دي.
ښاغلي نعماني وویل؛ د صادراتو ملي ورځ هغه وخت نمانځو چې د صادراتو کچه ټیټه او د وارداتو کچه لوړه شي.
هغه زیاته کړه، چې اسلام د اقتصاد دروازه خلاصه پریښې ځکه هره ټولنه چې راځي د خپلې ټولنې په امراضو او ستونزو ښه پوهیږي او دغه دروازه باید خپله ورسره برابره کړي.
همدا راز، ښاغلي نعماني له اقتصادي بورډونو او کادرونو غوښتي، چې د صادراتو کچې زياتوالي ته کار وکړي.
