د امریکا د بهرنیو چارو وزارت یو ویاند منلې، چې د جورج ګلزمن، محمود حبیبي او راین کاربټ په نومونو درې امریکايي وګړي د طالبانو په بند کې دي. په دې وروستیو کې د طالبانو ویاند وویل، چې دوه امریکایان - یوه ښځه او یوه سړی - د دې ډلې په بند کې دي.
واشنگټن اگزمینر د شنبې په ورځ (د چنګاښ ۲۳مه) راپور ورکړی، چې دغه امریکایي وګړي مدافع وکیل ته لاس رسی نه لري. د طالبانو ویاند ذبیح الله مجاهد په دې وروستیو کې په کابل کې د دوحې له درېیمې غونډې وروسته ویلي و، چې د امریکایي بندیانو د تبادلې په اړه یې د امریکا له استازو سره خبرې کړي دي. ښاغلي مجاهد وویل، چې طالبان به له ګوانتانامو زندان څخه د خپلو ځواکونو د خلاصون په بدل کې امریکايي وګړي خوشې کړي.
د امریکا د بهرنیو چارو وزارت ویاند د بندیانو د تبادلې په اړه د طالبانو وړاندیز په برخه کې پوښتنو ته ځواب ور نه کړ، خو د بندیانو په سمدستي او پرته له قید او شرطه خوشې کیدو یې ټینګار وکړ.
واشنگټن اگزامینر وايي، چې طالبانو ته د امریکايي بندیانو د نومونو افشا کول شاید د هغه ستونزمنې لوبې لومړۍ نښه وي، چې امریکا یې د طالبانو له رژیم سره کوي.
رایان کاربټ د ۲۰۲۲ کال په جولای میاشت کې افغانستان ته د سفر پر مهال د طالبانو له خوا ونیول شو. کاربټ اوس په خرابو شرایطو کې د ځمکې لاندې ساتل کیږي او روغتیایي حالت یې هم خراب ښودل شوی دی.
د افغانستان د ملکي هوايي چلند ادارې پخوانی مشر محمود حبیبي چې یو افغان الاصله امریکايي دی، د ۲۰۲۲ کال د اګست په ۱۰مه د «اې ار اېکس کمیونکیشن» شرکت له ۲۹نورو کارکوونکو سره ونیول شو. د حبیبي د کورنۍ په وینا نوموړی د القاعدې د پخواني مشر ایمن الظواهري له وژل کېدو یوه ورځ وروسته د کابل په شیرپور کې نیول شوی و.
طالبانو دغه شرکت تورن کړی چې د ایمن الظواهري په نښه کولو کې یې لاس درلود.
طالبانو د حبیبي د نیولو په اړه څه نه دي ویلي.
جورج ګلزمن درېیم امریکایی وګړی دی چې د ۲۰۲۲ کال د دسمبر په ۵نېټه د طالبانو له خوا نیول شوی و. د راپورونو له مخې د طالبانو په زندان کې د هغه روغتیايي حالت نازک دی او عاجلې پاملرنې ته اړتیا لري.
د دواړو لوبډلو تر منځ لومړۍ تمریناتي لوبه درې ورځې وړاندې ۱-۴ په پایلې سره د مراکش په ګټه پای ته ورسېده، چې مراکش د فیفا په درجه بندۍ کې شپږم ځای لري.
له لومړۍ لوبې وروسته د افغانستان د فوټسال ملي لوبډلې مشر روزونکي مجید مرتضوي د مراکش پر وړاندې، چې د نړۍ یو له پیاوړو لوبډلو څخه ده د خپلو لوبغاړو له سيالۍ څخه خوښي څرګنده کړه او د لوبڅار تېروتنې یې د لوبې پر پايلي اغېزمنې وبللې.
د چهارشنبې د شپې په لوبه کې افغان لوبډلې په لومړۍ نیمايي کې د مراکش پر وړاندې مقاومت وکړ او لوبه له کوم ګول پرته پای ته ورسېده.
په دې لوبه کې د افغانستان یوازینی ګول مهران غلامي وکړ.
په نړیوال جام کې له ګډون مخکې د افغانستان لوبډلې لپاره د چمتوالي لوبې مهمي دي.
د چمتووالي په وخت کې تخنیکي کارکوونکي کولای شي له ځواکمنو لوبډلو سره په لوبو کې د لوبډلې کمزورتیاوې او قوتونه په ګوته کړي.
د افغانستان د فوټسال ملي لوبډله، چې د ۲۰۲۴ کال نړیوال جام ته د تیاریو په حال کې ده، د مراکش د فوټسال له ملي لوبډلې سره د دوو تمريناتي لوبو لپاره دغه هېواد ته تللې ده.
افغانستان د نړیوال جام په دریم ګروپ کې د ارجنټاین، اوکراین او انګولا له لوبډلو سره سيالۍ لري.
په نړیوال جام کې د افغانستان د لوبو مهال ویش:
افغانستان – انگولا (یکشنبه ٢٥ وږي۱۴۰۳)
افغانستان – ارجنتاین (چهارشنبه ٢٨ وږي۱۴۰۳)
افغانستان – اوکراین (شنبه ۳۱ وږي ۱۴۰۳)
د ۲۰۲۴ کال د فوټسال نړیوال جام به د ازبکستان په کوربه توب د ۲۴ لوبډلو په ګډون د ۱۴۰۳ کال د وږي په ۲۴مه د شنبې په ورځ پيل او د تلې مياشتې تر ۱۵ نېټې به دام وکړي.
دا څلورم ځل دی چې د فوټسال نړیوال جام په اسیا او د لومړي ځل لپاره په منځنۍ اسیا کې ترسره کېږي.
