په ټولنیزو رسنیو کې د ملا هبت الله او حقاني ډلو د ملاتړو تر منځ ناندرې روانې دي

په ویډیو کې لیدل کیږي، چې یحیی عنابي په منبر کې د وینا پر مهال ویلي، چې «حکومت باید دا ښځه د موټر شاته تړلې وی او د خم په لارو کوڅو کې یې ګرځولې وی تر څو هغو ښځو ته، چې ازادي غواړي د عبرت یو درس شي.»

د افغان ښځو د غورځنګ یوې فعالې زرمینې پیراني په دې وروستیو کې یوه ویډیو خپره کړې، چې ښيي طالبانو په زندان کې هغه نیمه بربنډه غورځولې ده.

هغه ویډیو، چې د مېرمن پیراني له افشا کېدو وروسته خپره شوه، لیدل کېږي چې مولوي عنابي وايي: «هغوی چې هغه بربنډه کړې، کور یې اباد!»

د دې ویډیو د ثبتولو دقیق وخت معلوم نه دی.

زرمینه پیراني، چې د پنجشېر ولایت ده په ۱۴۰۰ کال کې په کابل کې د طالبانو پر ضد په لاریونونو کې د عدالت غوښتنې په نوم یوه پېژندل شوې څېره شوه.

د طالبانو ملاتړی دیني عالم یحیی عنابي هم د پنجشير ولایت څخه دی.

یحیی عنابي په خپلو خبرو کې د افغانستان د بشري حقونو د خپلواک کمېسیون پر پخوانۍ غړې سیما سمر او د بامیانو پر پخوانۍ والي حبیبه سرابي هم لفظي بریدونه کړي.

هغه وايي، چې دا ښځه باید د کابل په کوڅو کې لوڅه شوې وی او «سمر، سرابي» ته د عبرت درس ورکړل شي.

د زرمینې پیراني ځواب

د افغان ښځو غورځنګ غړې زرمینې پیراني په ټولنیزو شبکو کې د یحیی عنابي خبرې نشر کړې او ورته يې لیکلي دي: «دوی زما د بدن پر وړاندې جنایت خپل حق ګڼي؛ خو د انسان ژوند او انتخاب نه.»

د دې ملا د څرګندونو په غبرګون کې مېرمن پیراني زیاته کړه: « کاش چې د تړلو دروازو تر شا يې د کابل په چوک کې بربنډه شکنجه او جنسي تېری کړی وی.» ځکه د هغې په وينا دا ډول «جنایات پټ نه پاتې کيږي.»

د ۱۴۰۰ کال د مرغومې په میاشت کې د طالبانو استخباراتو په کابل کې د تمنا پیراني او زرمینې پیراني پر کور برید وکړ.

هغه مهال د دغې کورنۍ څلور نجوني د شپې له خوا په خپل کور کې ونيول شوې.

دوی له ۲۶ ورځو وروسته د طالبانو له زندانه خوشې شول او بیا اړ شول، چې له افغانستانه ووځي.

پخواني ولسمشر کرزي په خپل اېکس پاڼه کې په یو لنډ یادښت کې د امریکا ولس ته نیکې هیلې وړاندې کړي دي.

د ایف بي ای یو پلټونکي په خبري غونډه کې دا ومنله چې د ډونالډ ټرمپ پر ټاکنیزې غونډې برید د هغه د وژلو یوه هڅه وه.

برید کوونکی ۲۰ کلن میتیو کروکس ښودل شوی؛ خو د برید انګیزه لا څرګنده نه ده.

په دغه برید کې لږ تر لږه یو تن وژل شوی او دوه تنه ټپیان دي، چې روغتیايي حالت یې نازک ښودل شوی.

خپله ډونالډ ټرمپ په دغه برید کې یوازې په غوږ ټپي شوي او په روغتون کې تر درملنې وروسته بیرته رخصت شوی.

د افغانستان پخواني ولسمشر حامد کرزي نن د يکشنبې په ورځ پر خپله اېکس پانه ليکلي، چې په افغانستان کې يې د ایران له ځانګړي استازي کاظمي قمي سره د سېمې پر اوسنيو حالاتو خبرې کړي.

کرزي د خپلو نورو ليدونو د خبرو په دوام په تکراري ډول د افغان ځوانانو (نجونو او هلکانو) د زده کړو پر اهميت ټينګار کړی دی.

نوموړي په دې ليدنه کې په يوه هېواد کې «ملي تفاهم د تلپاتې سولې او ټیکاو لپاره» اړين بللی دی.

په خبرپاڼه کې د یکشنبې په ورځ د دغه ولایت د طالبانو د امنيه قومندان عبدالرشيد عمري له قوله ليکل شوي، چې دغه کسان يې د خوست په مرکز، ګربزو او اسماعيل خېلو ولسواليو کې نيولي دي.

عمري زياتوي: «دغو کسانو د هوایي ډزو په ترڅ کې نجونې د دوی له رضایت پرته خپلو ځانو ته نومولې وې.»

په خوست کې طالبانو خلکو ته خبرداری ورکړی، چې د هغو کسانو پر وړاندي جدي اقدام کوي، چې «ناسم او د بشر ضد رواجونه» پالي.

طالبانو له ځايي خلګو څخه د دې رواجونو د مخنيوي په برخه کې د همکارۍ غوښتنه کړې ده.

د ایراني رسنیو په حواله، وحیدي وویل، «د بهرنیو اتباعو له خوا د کورونو اخېستل له قوانینو سره سم دي، چې دا مهال موږ نه لرو، نو د یوه بهرني وګړي په نوم د ملکیت اخیستل اوس داسې موضوع نشته.»

هغه خبرداری ورکړ چې که هغه سیسټمونه او وسایل چې د سمبالولو او څارنې مسولیت لري له دې سرغړونو سره مخ شي، دوی به اقدام وکړي.

احمدي وحیدي په عین حال کې وویل چې د پام وړ شمیر "غیرقانوني" افغانان له ایران څخه اېستل شوي او دا کار په دوامداره توګه روان دی.

د ایران د کورنیو چارو وزیر وايي، یو شمېر افغانان په سیاحتي ویزو ایران ته تللي، خو د دوی ویزې پای ته رسېدلي او په ایران کې کار کوي. هغه وويل: "دا د منلو وړ نه ده."

د ایران اسلامي جمهوریت هره میاشت د هېواد له بیلابیلو سیمو څخه زرګونه افغان کډوال نیسي او افغانستان ته یې استوي.

تر دې مخکې د کرمانشاه د والي دفتر د اتباعو او بهرنیو کډوالو د چارو عمومي ریاست په ۱۶ ولایتونو کې د افغان کډوالو پر تګ راتګ، استوګنې او کار کولو بندیز اعلان کړی و.

ختیځ اذربایجان، غربي اذربایجان، اردبیل، زنجان، کردستان، کرمانشاه، ایلام، لرستان، چهارمحال او بختیاري، کوهګیلویه او بویر احمد، ګیلان، مازندران، سیستان او بلوچستان، هرمزګان او همدان هغه ولایتونه دي چې افغانانو کار کولو بندیز او ممنوع الخروج دي.

د روان کال د تلې په میاشت کې له ۵۴۰ څخه زیاتو ایراني هنرمندانو، وکیلانو، ډاکټرانو، ژورنالیستانو او د مدني ټولنې فعالانو په ایران کې د افغان کډوالو د ځورونې د پای ته رسولو غوښتنه وکړه.