پاکستان افغان لاریونکوونکي په اروپا کې په خپلو سیاسي استازولیو په برید تورن کړي

د ایف ای اې تحقیقاتي افسر د روف حسن او نورو تورنو کسانو د نورې جسماني سزا غوښتنه کړې ده.

د ايف ای اې څارنوال محکمې ته وويل، چې د تورنو کسانو ټولنیزې رسنۍ لا نه دي ریکور شوي، ایمیلونه یې نه دي خلاص شوي، د پیسو پر ځای خلک واتس اپ ګروپونه چلوي او له هېواده بهر هم خلک په دې کې شامل دي.

د تحقيقاتي افسر وایي، چې په ټولنیزو رسنیو کې د تورنو له ټلیفون څخه جعلي اکونټونه موندل شوي دي، د ټولنیزو رسنیو د ټیم مشري روف حسن کوي، د ټولنیزو رسنیو ټیم ته د روف حسن له خوا هدایت ورکول کیږي.

د ايف ای اې څارنوال وویل: « موږ د ټولنیزو رسنیو تخنیکي ماهر لرو، د ټولنیزو رسنیو اکاونټونو چک کولو لپاره نور وخت ته اړتیا ده.»

د اسلام اباد محکمې د ایف ای اې تحقیقاتي افسر غوښتنه منلې او د روف حسن په ګډون یې د ۹ نوروتورنو جسماني سزا د درېیو ورځو لپاره تمدید کړې ده.

پولیسو روف حسن څلور ورځې وړاندې د پي ټي ای اسلام اباد سکرتریت څخه نیولی وو.

د راپورونو له مخې؛ ګلاب شاه نورزی د سې شنبې په سهار د هغه د کورنۍ له خبرولو پرته په پټه اعدام شوی دی.

۴۳ کلن ګلاب شاه د فراه ولایت اوسېدونکی و.

نوموړی له نیول کېدو او په بندر عباس کې د ایران د اسلامي انقلابي محکمې له خوا د اعدام د حکم له صادرېدو وروسته پنځه کاله په بند کې تېر کړي و.

یوازې څلور ورځې وړاندې د یکشنبې په ورځ د حلب‌وش د بشري حقونو سازمان د کرج په قزل حصار زندان کې د نشه يي توکو د جرمونو په تور د یو افغان د اعدام خبر ورکړ.

د افغانانو د محاکمې او زندان د وضعیت په اړه څه نه دي ویل شوي. دا څرګنده نه ده چې ایا دوی عادلانه محاکمې او مدافع وکیل ته لاسرسی درلود که نه.

د ځینو رسنیو د راپورونو له مخې؛ په ۲۰۲۳ کال کې په ایران کې د اعدامونو مجموعي شمېر ۸۵۳ ته رسېږي، چې له ۲۰۱۵ کال راهیسې تر ټولو لوړه شمیره ښيي. ویل کیږي چې دا شمېره د "ښځې، ژوند، ازادۍ" له مظاهرو وروسته د ۲۰۲۲ کال په پرتله ۴۸ سلنه زیاته شوې ده.

د پاکستان حکومت ویلي، چې دغه اقدام یې د سوداګرو، سیلانیانو د راجلبولو او په سوداګرۍ کې د اسانتیا رامنځته کولو په موخه ترسره کړی دی.

دغه پلان د چهارشنبې په ورځ د پاکستان د لومړي وزیر شهباز شریف په کابینه کې تصویب شو.

د پاکستاني رسنیو د راپورونو له مخې؛ کابینې د وړیا وېزې پلان ترڅنګ د انلاین ویزې غوښتنلیک سیسټم هم تصویب کړ، چې له مخې به یې د ۱۲۶ هېوادونو اتباع له غوښتنلېک وروسته د پاکستان سوداګریزې او سیاحتي ویزې ترلاسه کړي.

ویل کیږي، چې د پاکستان د کابینې پرېکړه به د بهرنیو چارو وزارت له خوا هېوادونو ته رسول کېږي او د کورنیو چارو وزارت به یې عملي کوي.

پاکستان په داسې حال کې د نړۍ ډېرو هېوادونو ته د وړیا ویزې ورکولو پلان تصویب کړ، چې د سرچینو په وینا په دې وروستیو کې افغانانو ته د پاکستان د ویزې بیه ۱۲۰۰ امریکایي ډالرو ته رسېدلې ده.

تر دې مخکې د پاکستان د وېزې د بیې له لوړېدو وروسته د طالبانو د بهرنیو چارو وزیر امیرخان متقی په کابل کې د پاکستان د سفارت له شارژدافیر عبیدالرحمان نظاماني څخه غوښتي و، چې افغانانو ته دې د وېزو په ورکولو کې شفافیت راولي.

د سرچینو په خبره؛ دغه ازبک قوماندان چې کلونه یې د طالبانو پر ضد جګړه کړې، له ترکیې څخه تر شړلو وروسته اوس په ایران کې دی.

د سرچینو په وینا؛ قوماندان ګل محمد پهلوان د ترکیې تابعیت تر لاسه کولو لپاره په انقره او استانبول کې ملکیتونه اخیستي وو.

خو د ترکيې حکومت په دغه هېواد کې د جايداد له اخيستلو سره - سره د هغه د اوسېدو اجازه لغوه کړې ده.

ګل محمد پهلوان چې د فاریاب ولایت په شیرین تګاب ولسوالۍ کې پوځي قوماندان و، د ولسي جرګې د ۱۶ دورې په ټاکنو کې د مارشال دوستم په ملاتړ له بلخ ولایت څخه ولسي جرګې ته بریالی شوی و.

سرچينه وايي، ګل محمد پهلوان په تېر حکومت کې د سيمه ييز قوماندان په توګه کلونه - کلونه د طالبانو پر ضد جګړه کړې وه.

تر دې مخکې د سپټمبر په ۲۲مه د جنبش ګوند ځینو سرچینو تایید کړې وه، چې د ترکیې حکومت د عبدالرشید دوستم اړوند پنځه پوځي قوماندانان نیولي او په استانبول کې یې د کډوالو د ساتنې یوه مرکز ته سپارلي دي.

سرچینې افغانستان انټرنشنل ته دا هم ویلي، چې ترکي پولیسو د افغانستان د جنبش ملي ګوند څلور پوځي قوماندانان اړ کړي، چې له ترکیې څخه د اخراج لیکونه لاسلیک کړي.

د دغه ګوند ویاند احسان نیرو د یکشنبې په ورځ تایید کړه، چې د دې ګوند یو قوماندان عزت الله چې په زیل قوماندان مشهور و، د سرپل په ولایت کې د ناپېژانده وسله والو له خوا له ایرانه تر شړلو وروسته وژل شوی دی.

ځايي خلک وايي، ملا د روزګان په خاص روزګان کې د "ځنځیري قتلونو" په لړ کې وژل شوی دی.

د چنګاښ په ۳۰مه، سیمه ییزو سرچینو افغانستان انټرنشنل ته وویل، چې ناپېژاندو وسله والو د خاص روزګان ولسوالۍ د یوه جومات ملا امام رستم رحیمي په چړو وواژه او په جومات کې دننه ووژل شو.

اوس سرچينې وايي، چې په دې وروستيو ورځو کې طالبانو د شش پر سيمې اوسېدونکي رابللي او يو شمېر يې د پوښتنو ګروېږنو لپاره وړي دي.

د سرچينې د معلوماتو له مخې؛ يو شمېر بنديان تر پوښتنو ګروېږنو وروسته خوشې شوي، خو د سې شنبې او چهارشنبې په ورځو نيول شوي.

شاوخوا ٤٣ کسان دا مهال په توقيف کې دي.

د سرچینې په وینا؛ طالبانو د پنجشنبې په ورځ هم د سیمې یو شمېر اوسېدونکي د پوښتنو ګروېږنو لپاره نیولي دي.

څو سرچینو افغانستان انټرنشنل ته تایید کړې، چې د ښاغلي رحیمي مېرمن له بریده وروسته د لومړي ځل لپاره جومات ته تللې وه.

د سرچينې په وينا؛ د ښاغلي رحيمي مېرمن وايي، بريدګر "پښتانه" وو، خو طالبان د هغې شهادت نه مني او وايي، له دې امله چې ښځه ده، د هغې د شهادت د تاييد لپاره بايد بله ښځه ګواهي ورکړي.

سرچينې زياته کړې، چې طالب چارواکي هڅه کوي چې د شيعه عالم د وژنې پړه پر هزاره ګانو واچوي.

تېر کال یوناما تایید کړه، چې د روزګان په خاص روزګان ولسوالۍ کې د هزاره ګانو پر وړاندې تاوتریخوالی او وژنې روانې دي.

تر دې مخکې د شش پر سيمې اوسېدونکو ويلي وو، چې د رستم رحيمي وژنه په تېرو درېيو کلونو کې د سيمې د اوسېدونکو ٢١مه وژنه ده.

د سیمې اوسېدونکي طالبان د هزاره ګانو په وژنه کې په لاس لرلو تورنوي.

تېر کال په روزګان ولایت کې سیمه ییزو سرچینو افغانستان انټرنشنل ته ویلي وو، چې په تېرو دوو کلونو کې د روزګان خاص ولسوالۍ ۱۴ اوسېدونکي په "منظم او هدفي" ډول وژل شوي دي.