په نیویارک کې پولیسو د یوه مسلمان د کور له دروازې د طالبانو بیرغ راښکته کړ

وروستیو ورځو کې په ایران کې د افغان کډوالو پر وړاندې اعتراضونه او ناوړه چلند زیات شوی دی.
هغه ویډیو چې افغانستان انټرنشنل ته رسیدلې، یو شمېر لاریون وال ښيي چې پر سړک لاریون کوي او ویل کیږي دا هغه سړک دی چې یو ایرانی پکې وژل شوی دی. ډېری لاریون وال ښځې دي چې تر څنګ یې پولیس هم لیدل کیږي.
لاریون کوونکو د «مرګ پر افغان» او «افغان جنایت کوي، دولت یې ملاتړ» شعارونه ورکول. دا ویډیو لنډه ده او د لاریون کوونکو له خوا مطرح شوې غوښتنې روښانه نه دي.
په دې وروستیو کې، د تهران په ۱۵مه سیمه کې د یو ایراني د وژل کیدو د خبر له خپریدو وروسته، په تهران کې یو شمېر افغان کډوالو افغانستان انټرنشنل ته وویل، چې د تهران په ختیځ کې د سیمې اوسیدونکي له دوی سره ډېر ناوړه چلند کوي.
تېره اوونۍ راپور ورکړل شو، چې یو ایرانی له دریو افغان کډوالو سره په شخړه کې وژل شوی دی.
افغانستان انټرنشنل ته یو بل کډوال د تهران د ۱۵مې سیمې څخه د یوې خبرتیا انځور استولی، چې پکې افغان کډوالو ته خبرداری ورکړل شوی چې سمدستي دې دا سیمه تخلیه کړي.
په دغې خبرتیا کې چې کس یا بنسټ یې څرګند نه دی، افغان کډوالو ته خبرداری ورکړل شوی « که له ۱۵مې سیمې ونه وځئ له ایران څخه به په زوره واېستل شئ.»
‎تسنیم خبري اژانس تېره اوونۍ لیکلي وو، چې د روغتون په بیړنۍ خونه کې د یو ایراني له وژل کېدو وروسته د پلازمېنې پولیسو درې افغان وروڼه د دغه ایرانې د وژل کیدو په تور نیولي دي.
دغه خبری ژانس د یوې مېرمنې له قوله چې درې تنه کډوال کارګران یې اپارتمان ته تللي وو، لیکلي: «زما میړه تهران ته د کار لپاره تللی و او زه په کور کې یوازې وم. دا درې وروڼه چې زموږ ګاونډیان دي، د ودانۍ د لګښت د اخېستو لپاره راغلي وو او په سر کې د ساختماني مسایلو له امله زموږ ترمنځ لفظي شخړه رامنځ ته شوه.»
دغې مېرمنې چې دغه درې افغان کډوال کارګر په فحشا تورن کړي وايي، د دغو کارګرانو له تګ وروسته یې خپل میړه سره اړیکه ونیوله او ساعت وروسته یې لیور ( د میړه ورور) دغو دریو کارګرانو پسې ورغی او ترمنځ یې شخړه وشوه.
په وروستیو میاشتو کې په ټولنیزو شبکو او رسنیو کې د ایران په بېلابېلو ښارونو کې د افغان کډوالو د شتون په اړه نیوکې ډېرې شوې دي.
له دغو نیوکو سره سم، ایراني پولیسو د افغان کډوالو د نیولو او اېستلو لړۍ ګړندۍ کړې ده.

هغوی وايي، چې له زده کړو، ټولنې او سپورټ څخه د ښځو د بې برخې کېدو په وړاندې د نړۍ چوپتیا بښوونکې نه ده.

دغو ښځینه ورزشکارانو همداراز ټینګار وکړ، چې طالبانو د افغان مېرمنو استعداد اوبالقوه ځواک چې د نړۍوالې ټولنې په ویاړونو کې اضافه کیدلې شول، ډالر لري.

د افغان مېرمنو دغه ډله له ښځو سره د طالبانو چلند «له توهینه ډک» بولي او وايي، چې پر افغان مېرمنو لګول شوي بندیزونو «د نړۍوالې ټولنې اخلاقي کمزورتیا ښیي.»

همدا راز، ښځینه ورزشکارانو له نړۍوالې ټولنې وغوښتل، چې د طالبانو له خوا پر افغان ښځو د لګول شویو بندیزونو پر وړاندې کوټلي ګامونه پورته کړي.

دا په داسې حال کې ده، چې شپږ افغان ورزشکاران (درې ښځې او درې نارینه) د ۲۰۲۴کال د پاریس په المپیک کې د افغانستان د ورزشکارانو د استازو په توګه حضور لري. په ورته وخت کې د المپیک د نړۍوالې کمېټې د کډوالو په ټیم کې پنځه افغان ورزشکاران ګډون لري چې ټولټال یوولس افغان ورزشکاران به د سږ کال المپیک سیالیو کې برخه واخلي.

طالبانو له شاوخوا درېیو کلونو راهیسې په افغانستان کې د ښځو پر سپورټ بندیز لګولی دی. طالبانو د ۲۰۲۴کال د المپیک لوبو په درشل کې وویل، چې د دغو لوبو کې ګډون کوونکې افغان ښځینه ورزشکارانې په رسمیت نه پیژني.

د طالبانو د امربالمعروف وزارت د شنبې په ورځ په يوې خبرپاڼه کې ویلي، چې په دې غونډه کې علماوو، قومي مشرانو او ځوانان ګډون کړی و.

په اعلاميه کې ويل شوي، چې د ښځو حجاب يو «الهي امر» دی او د هغې په رعايتولو سره «د نیکۍ مخه خلاصیږي او د بدو کارونو مخه نيول کيږي.»

په خبرپاڼه کې راغلي، چې د طالبانو محتسبانو له شیعه علماوو غوښتي، چې د جوماتونو د منبرونو له لارې دي خپل د مذهب پیروان د امربالمعروف ادارې د سپارښتنونو عملي کولو ته را وبولي.

طالبانو ویلي، چې د غونډې ګډونوالو ژمنه وکړه، چې «وړاندیزونه به په بشپړه توګه عملي کوي.»

طالبانو په افغانستان کې د خپلو حکومتونو په جريان کې د شیعه مذهب پر پیروانو بندیزونه لګولي دي.

په دې وروستیو کې د محرم په ورځو کې طالبانو د افغانستان په یو شمېر ښارونو کې د عاشورا د ماتم مراسم محدود کړل او د طالبانو ځواکونو له ماتم کوونکو سره ناوړه چلند وکړ.

دې ډلې تېر کال هم د شیعه عالمانو هغه غوښتنه رد کړه، چې د پوهنتون په نصاب کې دې جعفري فقه شامله شي.

د افغانستان کرېکټ بورډ د شنبې په ورځ خبر ورکړ، چې دغه يوازنۍ ټېسټ لوبه به د سپټمبر مياشتي په ۹ نېټه پيل تر ۱۳مې به دوام وکړي.

دغه لوبه د افغان لوبډلې په کوربتوب د هندوستان ګريټر نويډا لوبغالي کې تر سره کيږي.

د ګریټر نویډا کرکټ لوبغالی د افغانستان او هندوستان کرکټ بورډ د مشرتابه ترمنځ د هوکړې له مخې افغانستان ته د کوربه لوبغالي په توګه ورکړل شوی دی.

د افغانستان کرېکټ بورډ زياتوي، چې د نيوزيلنډ لوبډله به د سپټمبر مياشتي په ۵مه نېټه هند ته ورسيږي او د لوبې لپاره به تمرينات تر سره کړي.

بورډ وايي، چې افغان لوبډله به د اګسټ مياشتي په وروستيو کې هندوستان ګريټر نويډا ته ولاړه شي او د لوبې د ښه تیاري لپاره به تمريناتي کمپ پیل کړي.

د افغانستان کرکټ بورډ عمومي رییس میرویس اشرف د دې لوبو اړوند وايي: «ډېر خوشحاله یو، چې د لومړني ځل لپاره له نیوزیلنډ سره ټېسټ لوبه کوو، دا د هغو هلو ځلو او خبرو پایله ده، چې موږ د کريکټ نړیوالې شورا په ناستو کې د نورو کرکټ بورډونو له مشرانو سره مطرح کړې وې.»

د یادونې وړ ده چې افغانستان ملي لوبډلې تر دې مهاله ۹ ټېسټ لوبې ترسره کړې چې درې یې ګټلي او په شپږو نورو لوبو کې يې ماتې خوړلي دي.

د شنبې په ورځ هم د دولتي ادارو کاري ساعتونه د سهار تر لسو بجو پورې راکم شوي وو.

دولتي خبري اژانس وویل، چې دا پریکړه د "د وګړو روغتیا ساتنې او د انرژي مصرف اداره کولو په موخه شوې ده."

بیړني خدمتونه د معمول په څیر خپل فعالیت ته دوام ورکوي.

تر دې مخکې په ایران کې د تودوخې او د برېښنا د مصرف د بې ساري لوړوالي له امله په ۱۵ ولایتونو کې رخصتي اعلان شوې وه.

په همدې حال کې د ایران د انرژۍ وزیر وویل، چې د برښنا د مصرف د زیاتوالي له امله د دغه هیواد د بریښنا تولید او د بریښنا رسولو شرایط ډیر ستونزمن شوي دي.

علي اکبر محرابیان وايي، چې د تودوخې د هرې درجې زیاتوالی د برېښنا پر شبکې ۲۳۰۰ میګاواټه فشار راوړي.

د هوا پېژندنې ادارې په وینا، په تهران کې د شنبې په ورځ د پرله پسې دوهمې ورځې لپاره د تودوخې درجه ۴۰ درجو ته رسیدلې.

د سیستان او بلوچستان ایالت دیلغان ښار د جمعې په ورځ د تودوخې د ۵۰ درجو په لرلو سره د ایران تر ټولو ګرم ښار بلل شوی او د یزد ولایت د باغ ښار کې د تودوخې درجه ۴۹.۳ درجو ته ورسیده چې په تیرو ۵۰ کلونو کې یې نوی ریکارډ جوړ کړی دی.

د هوا پېژندنې ادارې مخکې اعلان کړی و، چې د تودوخې درجه به د زمري له ۳مې څخه تر ۷مې پورې لوړه وي.