له ایران سره د طالبانو ځایګی؛ طالبان په څلورمه درجه کې مګر حماس په لومړۍ درجه کې ځای لري

د طالبانو د ارګ اېکس پاڼې لیکلي، چې مولوي عبدالکبیر ایران ته په رسمي سفر تللی او دغه لیدنه د سې شنبې په ورځ (د زمري ۹مه) ترسره شوې ده.

د طالبانو ارګ اېکس پاڼه زیاتوي، چې ښاغلي وحیدي وویل، تهران له طالبانو سره په بېلابېلو برخو کې د اړیکو لاپراختیا ته لېوال دی.

ښاغلي وحیدي زیاته کړه، په افغانستان کې د امنیت له ټېنګښت سره پر پوله ډېرې ستونزې حل شوي دي، ایراني چارواکو د یو شمېر پخوانیو ننګونو د له منځه تلو له امله ډاډ ترلاسه کړی او ترڅنګ یې په بېلابېلو برخو کې همکاریو ته زمینه برابره شوې ده.

په دې کتنه کې ښاغلي عبدالکبیر له ګاونډیو هېوادونو سره مثبتې او رغنده اړیکې د طالبانو د بهرني سیاست مهمه برخه وبلله او زیاته یې کړه: «په افغانستان کې د نشه يي توکو کښت او کاروبار صفر ته راښکته شوی دغه چاره نه یوازې د افغانانو، بلکې د ټولې سیمې او نړۍ په ګټه ده.»

مولوي عبدالکبیر وویل، چې په افغانستان کې د مسوول او حاکم نظام په توګه هیچا ته دا اجازه نه ورکوي، چې خاوره یې د ګاونډیانو یا نړۍ پر ضد وکارول شي.

ایران ته د طالبانو د ریاست الوزرا سیاسي مرستیال سفر په داسې حال کې ترسره شوی، چې د ایران په بېلابېلو سیمو کې افغان کډوال د ایران د ځایي خلکو له تند او ناوړه چلند څخه شکایت کوي.

په دې وروستیو ورځو کې د تهران په ختیځ کې یو شمېر افغان کډوالو افغانستان انټرنشنل ته وویل، چې د سیمې خلک د دې سیمې په پارکونو، کوڅو او تمځایونو کې پر افغان کډوالو بریدونه کوي.

په وروستیو میاشتو کې د ایران پولیسو هم د افغان کډوالو د اېستلو بهیر ګړندی کړی دی.

د راپورونو له مخې؛ پولیس ان د قانوني اسنادو سره افغانان نیسي او په زوره یې له دغه هېواده باسي.

د خوړو نړۍوال پروګرام د سې شنبې په ورځ زمري په نهمه خپل اېکس پاڼه کې په یوه یادښت کې لیکلي، چې د ځایي ټولنو په مرسته یې د ساتنې دغه دېوالونه جوړ کړي دي.

د ملګرو ملتونو اړوند دغه سازمان وايي، چې د کرنيزو اوبو رسولو او د اوبو لګولو د کانالونو په جوړولو سره د ځايي ټولنو ملاتړ کوي؛ څو وکولای شي ډېر کرنيز محصولات توليد کړي او د فصلونو په پلورلو سره خپل اقتصادي وضعيت ښه کړي.

ملګري ملتونه وايي، په تېرو څو کلونو کې په افغانستان کې د اقلیمي بدلون د سختو اغېزو له امله اقتصادي ستونزې ډېرې شوې دي.
د نوتردام د نړۍوال شاخص له مخې، چې د اقلیم د بدلون په وړاندې د زیانمنتیا او د مقاومت د ښه کولو لپاره د دوی د چمتووالي پر بنسټ درجه بندي کوي، افغانستان په نړۍ کې د اقلیم د بدلون په وړاندې شپږم ډیر زیان منونکی هېواد دی.
د دې ارزونې له مخې؛ افغانستان اوس مهال د اقلیم د بدلون د خطرونو په شاخص کې له لسو څخه اتم ځای لري.

څو ورځې کېږي، چې د ایران په مشهد ښار کې د دې لوبډلې په ځانګړي کمپ کې د افغانستان د فوټسال ملي لوبډلې تمرینات شروع کړي دي.

مجید مرتضوي په یوه ویډیويي کلیپ کې چې د فوټبال فدراسیون په فیسبوک کې خپور شوی ویلي، چې د مراکش په تمريناتي لوبو کې له ملي لوبډلې سره د حمیدرضا حسیني په ګډون دوه لوبغاړي هم دغې لوبډلې ته بلل شوي دي.

مرتضوي وايي؛ هڅه کوي نړیوال جام ته تر ټولو چمتو او غوره لوبډله ولیږي.

د افغانستان د فوټسال د ملي لوبډلې کپتان مهدي نوروزي هم ويلي دي، چې د روزنې شرایط او اسانتیاوې ښې دي او ملي لوبډله هڅه کوي، چې له پوره چمتووالي سره نړۍوال جام ته ولاړه شي.

افغانستان د نړۍوال جام په درېیم ګروپ کې د ارجنټاین، اوکراین او انګولا له لوبډلو سره سيالۍ لري.

په نړۍوال جام کې د افغانستان د لوبو مهال ویش:

افغانستان – انگولا (یکشنبه ٢٥ وږي ۱۴۰۳)

افغانستان – ارجنټاین (چهارشنبه ٢٨ وږي ۱۴۰۳)

افغانستان – اوکراین (شنبه ۳۱وږي ۱۴۰۳)

د ۲۰۲۴ کال د فوټسال نړۍوال جام به د ازبکستان په کوربه توب د ۲۴ لوبډلو په ګډون به د ۱۴۰۳ کال دوږي په ۲۴ د شنبې په ورځ پيل او د تلې مياشتي تر ۱۵ نېټې یکشنبې تر ورځي به دوام وکړي.

دا څلورم ځل دی، چې د فوټسال نړۍوال جام په اسیا او د لومړي ځل لپاره په منځنۍ اسیا کې ترسره کېږي.

د ښاغلي پزکشیان د لوړې مراسم د سې شنبې په ورځ (د زمري ۹مه) د ایران پر وخت د مازیګر ۴ بجې د اسلامي شورا په تالار کې د بهرنیو پلاويو او ملي او نظامي چارواکو په شتون کې ترسره شول.

پزشکیان په ​​دغه مراسمو کې په خپله وینا کې د ایران د نظام او اساسي قانون د ساتنې له ژمنې وروسته وویل، څوارلسم حکومت به د اسلامي جمهوریت د رهبرۍ له خوا د تصویب شوي لید او عمومي پالیسیو په اساس عمل وکړي.

همدا راز، پزشکیان په خپله وینا کې یو ځل بیا د اسراییل پر ضد دریځ خپل کړ.

له دغو څرګندونو وروسته، په مراسمو کې يو شمېر حاضرو کسانو د بهرنيو مېلمنو په شتون د اسراییل پر ضد شعارونه ورکړل.

د ایران د ولسمشر د لوړې مراسمو ته له کابل څخه د طالبانو د رییس الوزرا سیاسي مرستیال مولوي عبدالکبیر هم ورغلی دی.

د امريکا د بهرنيو چارو د وزارت مرستيال دغه څرګندونې د دوشنبې په ماښام (د زمري ۸مه) نېټه په واشنګټن کې په يوه خبري غونډه کې د يوه خبريال د پوښتنې په ځواب کې وکړې.

یاد خبريال د امريکا د ولسي جرګې د غړې نانسي مېس له خوا وړانديز شوي لايحې ته په اشارې له ښاغلي پټېل ​​څخه وپوښتل، چې ايا امريکا د پاکستان د تحريک طالبان په شان د يو «ترهګريز سازمان» په توګه د طالبانو د معرفي کولو سره موافقه لري؟

د امریکا د بهرنیو چارو وزارت د «بهرنیو ترهګرو سازمانونو» په نوملړ کې د تحریک طالبان پاکستان نوم یاد شوی؛ خو افغان طالبان په دغه نوملړ کې نه دي شامل شوي.

په دې وروستیو کې د امریکا د ولسي جرګې غړې نانسي مېس کانګرس ته یوه لایحه وړاندې کړه، چې له مخې به یې طالبان د «یوه بهرني ترهګريز سازمان» په توګه وپېژندل شي.

د مېرمن مېس د څرګندونو له مخې؛ د دې لایحې یو مهم ټکی دا دی، چې د امریکا هېڅ دولتي اداره نه شي کولای د طالبانو حکومت په رسمیت وپېژني او یا هم په دې برخه کې بودیجه تخصیص کړي.

که څه هم امریکا د طالبانو حکومت په رسمیت نه پېژني؛ خو له افغانستانه تر وتلو وروسته د امریکا پالیسي له طالبانو سره پر اړیکو متمرکزه شوې ده.