د ترکیې د هوايي بریدونو په ترڅ کې د عراق په شمال کې ۱۷ کردي وسله وال وژل شوي دي

اوکرایني ځواکونه تېره سې شنبه د روسیې له پولې تېر شول او د روسیې د کرسک سیمې په ځینو لوېدیځو برخو یې ولکه خپله کړه.

دا برید یو حیرانوونکی پرمختګ بلل شوی، چې ښايي د نومبر په میاشت کې د امریکا له ټاکنو وروسته د احتمالي اوربند په خبرو کې د ګټې اخیستنې لپاره وي.

روسیې چې ظاهراً د دغې برید تمه نه درلوده، د یکشنبې په ورځ د کرسک په سیمه کې لومړۍ کرښه جوړړه کړې، خو لا هم د روسیې د خاورې ځینې برخې د اوکراینې ځواکونو په ولکه کې دي.

په دغه سیمه کې د اوکراینې او روسي ځواکونو ترمنځ د دوشنبې په ورځ هم جګړه روانه ده.

د دغه سیمې په ګاونډ کې د بلګورود سیمه يیز والي ویاچسلاو ګلادکوف وویل، چې د کراسنایا یاروګا ولسوالۍ څخه "په پوله کې د دښمن د فعالیت" له امله د ملکي خلکو ویستل پیل شوي.

پوتین په خپلو خورا مفصلو څرګندونو کې وویل، چې اوکراین "د خپلو لویدیځو بادارانو په مرسته" هڅه کوي چې د احتمالي اوربند تر خبرو مخکې خپل دریځ قوي کړي او د روسیې پرمختګ کمزوری کړي.

پوتین امنیتي چارواکو او سیمه ییزو واليانو ته وویل، چې اوکرایني ځواکونو ته د دوی په یرغل کې درنه مرګ ژوبله اوښتې ده.

"دښمن به خامخا د پام وړ ځواب ترلاسه کوي، او ټول هغه اهداف چې موږ یې لرو، له شک پرته به ترلاسه کیږي."

پوتین وویل، چې اوکراین هڅه کوي چې د روسیې ټولنه و وېروي او په دې توګه ثبات کمزوری کړي. هغه لوړ پوړو چارواکو ته خبرداری ورکړ چې اوکراین به د سرحدي سیمو د لا بې ثباته کولو هڅه وکړي.

د پوتین په غونډه کې د کرسک سرپرست والي الیکسي سمیرنوف وویل، اوکراین په سیمه کې ۲۲ مېشت ځایونه کنټرولوي او د دې برید په پایله کې یې شاوخوا ۱۲ کیلومتره پر ۴۰ کیلومتره پراخه سیمه لاندې کړې ده.

روسیې په کرسک، براینسک او بلګورود سیمو کې سخت امنیت ټینګ کړی دی، په داسې حال کې چې د دغه هیواد متحد بیلاروس ویلي، چې دوی په خپله پوله کې د خپلو سرتیرو شمیر زیاتوي.

دا کار وروسته له هغه کیږي چې مینسک ویلي، چې اوکراین د بې پیلوټه الوتکو پر مټ د دوی له فضايي حریم څخه سرغړونه کړې ده.

د عبدالسلام جسد به د دوشنبې په شپه د نیمروز له پولې افغانستان ته ولېږدول شي.

یوه ویډیو چې افغانستان انټرنشنل ته رسېدلې ده، یو شمېر کسان ښيي چې د یوه تنکي ځوان جسد له حوض څخه اېستل کېږي.

ویډیو چې د شپې ثبت شوې په کې ښکاري، چې پر تن یې کمیس او پتلون دی.

د افغان ځوان خپلوان وايي، له چا سره یې شخصي دښمني نه درلوده؛ خو د ډوبېدو د څرنګوالي په اړه د دوی پوښتنې بې ځوابه پاتې دي.

ایراني چارواکو د پېښې په اړه څه نه دي ویلي.

د افغان ځوان د مړینې خبر په داسې حال کې خپریږي، چې په وروستیو میاشتو کې په ایران کې د "کډوالۍ ضد" نوې څپې راپورونه ورکړل شوي دي.

د ډوبېدو لامل لا هم څرګند نه دی.

دغې ډلې د پاکستان پر ولس غږ کړی چې د «غلامۍ د دې سمبول په له منځه وړلو سره، د حقیقي ازادۍ لپاره عملي ډګر ته رامخته شئ.»

تر اوسه پورې د پاکستان حکومت په دې اړه څه نه دي ویلي، خو په پاکستان کې هر کال د اګسټ ۱۴مه د دغه هیواد د حکومت له لوري د ازادۍ ورځې په توګه نمانځل کیږي.

ټي ټي پي د پاکستان له ولسه غوښتي چې چې ۱۴ اګسټ د قبایلو او بلوڅو په څېر د خپلواکۍ د ورځې په توګه نه بلکې د تورې ورځې په توګه ونمانځي.

تر دې وړاندې د خیبرپښتونخوا په قبایلي سیمو او بلوچستان کې بلوڅو خوځښتونو ویلي وو، چې د ۱۴م اګسټ ورځ به د پاکستان د نورو ولسونو په څېر نه نمانځي او د خپلو حقونو د ترلاسه کولو لپاره به لاریونونه او پرلتونه روان ساتي.

تحریک طالبان پاکستان ډلې د پاکستان ولس ته په دغې خبرپاڼه وریاده کړې چې د پاکستان اوسني چارواکي د دوی ریښتیني خدمتګاران نه دي او یوازې په لوړو مالیو، د برېښنا په پرچاوئ او ګرانۍ یې د دوی ملاوې ور ماتې کړې او دوی یې پوروړي کړي دي.

واک ته په کابل کې د طالبانو له رسیدو وروسته د پاکستان حکومت تل کابل کې طالبان تورن کړي چې ټي ټي پي وسله والې ډلې ته یې د افغانستان په خاوره کې پټنځایونه ورکړي او له هغه ځایه په پاکستان کې د نا امنیو پلانونه جوړوي خو طالبانو د پاکستان دغه دعوې رد کړې دي.

د امریکا د دفاع وزارت د یکشنبې په ورځ د (زمري ۲۱مه) ویلي، چې لوید اسټن دغه امر د اسراییل د دفاع له وزیر یوف ګالانت سره له اړېکې وروسته صادر کړ.

د امریکا د دفاع وزارت په خبرپاڼه کې راغلي دي: «لویډ اسټن د امریکا پر ژمنې ټینګار وکړ چې د اسراییل د دفاع لپاره به هر ممکن ګام واخلي او د سیمه ییز تاوتریخوالي زیاتېدو ته په کتو به په ټول منځني ختیځ کې د امریکا د دریځ او پوځي وړتیاو د پیاوړتیا لپاره پام ډیر کړي.»

امریکا منځني ختیځ ته داسې مهال دیوه نوي اوبتلد استولو خبر ورکړی، چې د جورجیا (یو ایس ایس) اټومي اوبتل د جولای له میاشتې راهیسې په مدیترانې سمندرګي کې دی.

په تهران کې د حماس د سیاسي دفتر د مشر اسماعیل هنیه له وژل کېدو او پر اسراییل د ایران او ملګرو له خوا د بریدونو د ګواښونو له زیاتېدو وروسته امریکا ویلي، چې سیمې ته به نور جنګیالي او جنګي بېړۍ واستوي.

د افغانستان د سیاسي او کونسلي نمایندګانو د انسجام شورا د یکشنبې په ورځ په یوه اعلامیه کې د دې تنکي ځوان شکنجه یوه زړه بوږنونکې او غیر انساني پېښه وبلله.

افغان ډېپلوماتانو له افغان کډوالو سره چلند د اساسي بشري حقونو، اسلام او د ښه ګاونډيتوب له اصولو سره په ټکر کې بللى دى.

په خبرپاڼه کې راغلي: «په تېرو لسیزو کې د میلیونونو افغان کډوالو د کوربه توب د ستاینې په ترڅ کې، موږ پر ایراني چارواکو غږ کوو، چې د دغې غمجنې پېښې په اړه هر اړخیزه او شفافه څېړنه وکړي او په راتلونکي کې د داسې کړنو د بیا تکرار د مخنیوي لپاره لازم اقدامات وکړي.» .

د افغانستان سیاسی نمایندګانو هم په ایران کې د افغان کډوالو د حقوقو او هوساینې د ساتنې لپاره د ایران له اسلامي جمهوریت وغوښتل چې له افغان کډوالو سره د انسانی چلند وکړ.

په دې وروستیو کې داسې عکسونه او ویډیوګانې خپرې شوې، چې د دماوند ښار د ابسارد په کلي کې د ایران اسلامي جمهوریت د پولیسو یو افسر د یوه افغان ځوان لاسونه او پښې نیولي او یو بل افسر یې پر غاړه زنګون وهي.

د افغانستان انټرنشنل د دوشنبې په ورځ د دغه تنکي ځوان د شکنجې یوه ویډیو خپره کړه، چې د افغان او ایراني وګړو پراخ غبرګونونه یې راپارولي دي.