ګڼ افغانان وایي، په افغانستان کې د انټرنېټ بیه لوړه، خو څرنګوالی یې ډېر ټیټ دی
په افغانستان کې ګڼ خلک د انټرنېټ له ټیټ کیفیته شکایت کوي او وايي، چې دلته د شته انټرنېټ څرنګوالی د ګاونډیو هېوادونو سره د پرتلې وړ نه دی.
په افغانستان کې ګڼ خلک د انټرنېټ له ټیټ کیفیته شکایت کوي او وايي، چې دلته د شته انټرنېټ څرنګوالی د ګاونډیو هېوادونو سره د پرتلې وړ نه دی.
د کابل ښار اوسېدونکی عتیق الله وايي، په افغانستان کې د وروستیو بدلونونو له امله یې د کورنۍ ګڼ غړي نورو هېوادونو ته کډوال شوي، هغه چې هر کله وغواړي له هغوی سره ټیلیفوني خبرې وکړي، د انټرنېټ د ټیټ کیفیت له امله نه بریالی کېږي.
رومل هغه بل افغان دی چې وایي:« هره میاشت د زرو افغانیو انټرنېټ فعالوم؛ خو هیڅ ګټه ترېنه نه شم اخیستی.»
نوموړي افغانستان انټرنشنل پښتو ته وویل، چې څه موده وړاندې پاکستان ته تللی و هلته د انټرنېټ بیې ډېرې ارزانه او کیفیت یې هم لوړ و؛ خو دلته مخابراتي شرکتونه یوازې له خلکو پیسې شکوي او خدمتونه سم نه شي وړاندې کولای.
د ننګرهار ولایت اوسېدونکی عابد الله عاجز وایي: «زه هره میاشت ۱۰ جي بي انټرنېټ فعاله کوم؛ خو د ټیټ کیفیت له امله یې ترینه ګټه نه شم اخیستلای. موږ په دې اړه زیات شکایتونه هم کړي؛ خو ځای یې نه دی نیولی.»
که څه هم چې د طالبانو تر واک لاندې د مخابراتي خدمتونو د تنظیم ادارې (اترا) د خلکو د دغې ستونزې د هواري په اړه له افغانستان انټرنشنل سره له خبرو کولو ډډه وکړه؛ خو د یادې ادارې ویاند جلال الدین شمس تر دې وړاندې نورو سیمهییزو رسنیو ته منلې وه، چې په افغانستان کې د انټرنېټي خدمتونو کیفیت ډېر ټیټ دی؛ خو ژمنه یې کړې وه، چې په دې برخه کې به خپلې هلې ځلې جاري وساتي او د انټرنېټ بیې به راټیټې کړي.
د اترا ادارې ویلي، چې پخوا د یو جي بي انټرنېټ بیه له ۲۰۰ څخه تر ۳۰۰ افغانیو وه؛ خو اوس دوی د یو جي بي انټرنېټ بیه ۱۱۰ افغانیو ته راښکته کړې ده.
دغه ستونزه د پلازمېنې کابل تر څنګ په نورو ولایتونو کې هم خورا ډېره ده او په لرو پرتو ولسوالیو، کلیو او بانډو کې خو خلک له سره انټرنېټ نه لري او له دې امله له ستونزو سره مخامخ دي.
د تېر حکومت د ملي اردو ځواکونو قومندان جګړن احمد شاه خپلوانو نن د جمعې په ورځ افغانستان انټرنشنل ـ پښتو ته وویل چې نونوړی طالبانو د جلال اباد ښار د اوومې حوزې جنګل باغ سیمه کې نیولی دی.
دوی زیاتوی د تېر جمهوریت د پرځېدو وروسته احمد شاه ایران ته کډوال شو خو د څه مودې تېرولو وروسته له افغان شخصیتونو سره د طالبانو د ارتباط کمېسیون له لارې بېرته افغانستان ستون شوی و.
د احمد شاه کورنۍ له افغانستان انټرنشنل ـ پښتو سره د طالبانو د کمېسون لخوا ورکړل شوی کارت کاپي هم شریکه کړه.
د کارت په بو برخه کې لیکل شوي دي « ددې کارت لرونکی شخصیت د طالبانو سیاسي کمېسون لخوا هېواد ته راستون شوی دی، د اسلامي امارت د عمومي عفوې له مخې دغه کس د پخواني ملکي او نظامي دندو له مله هېڅ اداره ددې کس د نیولو حق نه لري»
د نیول شوي افسر کورنۍ وايی چې اوس د طالبانو دغه کمېسون د دوی شمېرو ته ځواب نه ورکوي.
د نیول شوي پخواني قومندان احمد شاه کورنۍ وايي چې د نیول کېدو وروسته یې په ننګرهار کې د طالبانو امنیتي ادارو ته ورغلي خو هغوي یې له نیولو انکار کوي.
کورنۍ یې وايي:« یو ځل دوه اوونۍ وړاندې طالبانو پر کور چاپه ووهله خو احمد شاه کور کې نه و نو بیا دوه ورځې وروسته یې ونیو، مونږ پوهیږو چې طالبانو وړی دی بل چاسره نظامي موټر نه وي.»
احمد شاه چې اصلي د لغمان اوسېدونکی دی خو تېر حکومت کې په ننګرهار کې د ملي اردو د څلورمې لوا د پنځم کنډک قومندان په توګه یې دنده ترسره کړې ده.
په دې وروستو اوونیو کې د تېر حکومت د پخوانیو مامورینو او نظامیانو د نیولو او وژلو راپورونه زیات شوي دي.
دوه ورځې وړاندې په ننګرهار کې د طالبانو تر واک لاندې له زندان څخه افغانستان انټرنشنل - پښتو ته یو شمېر زنداني د جمهوري نظام سرتېرو ویلي، چې په دغه زندان کې ۲۳۱ د پخواني جمهوري نظام سرتېري او استخباراتي کارکوونکي زندانیان دي؛ خو تر اوسه د طالبانو محکمې ته نه دي وړاندې شوي.
که څه هم د طالبانو واکمنېدو په درشل کې ملا هبت الله خپلو مخالفانو ته ټولبښنه وکړه، خو بیا هم وخت نا وخت د پخواني نظام کارمنان په تېره نظامیان په مرموز ډول وژل کېږي او یا هم د دې ډلې په زندانونو کې شکنجه او ځینې وخت وژل کېږي.
