د منځني ختیځ کړکېچ؛ حزب الله اعلان وکړ چې د اوربند د هڅو ملاتړ کوي
د لبنان حزب الله ډلې د دغه هېواد پر لور د اسراییلي ځواکونو د بریدونو د پراختیا په لړ کې اوربند ته لېوالتیا ښودلې ده.
د لبنان حزب الله ډلې د دغه هېواد پر لور د اسراییلي ځواکونو د بریدونو د پراختیا په لړ کې اوربند ته لېوالتیا ښودلې ده.
په ورته وخت کې د اسراییل دفاع وزیر وايي، داسې ښکاري چې په وروستیو بریدونو کې د حزب الله د پخواني مشر حسن نصرالله ځایناستی هاشم صفی الدین وژل شوی وي.
د حزب الله مرستیال مشر نعیم قاسم په یوه ټلویزیوني وینا کې وویل، چې د اوربند د ټینګولو لپاره د هلو ځلو ملاتړ کوي.
هغه د لومړي ځل لپاره د جګړې درولو لپاره په غزه کې د اسراییل د بریدونو پای ته رسول د مخشرط په توګه وړاندې نه کړل.
نعیم قاسم په خپلو خبرو کې وویل، چې «د جګړې درېدو د تضمین لپاره د لبنان د پارلمان رییس نبیه بريد هڅو ملاتړ کوي».
ټاکل شوې وه، چې هاشم صفی الدین د حسن نصرالله ځایناستی شي.
د اسراییل دفاع وزیر یواو ګالانټد اسراییل شمال قوماندانۍ پوځي افسرانو ته په یوه ویډیويي پیغام کې د حزب الله پر پټنځایونو هوايي بریدونو ته په اشارې ویلي چې « حزب الله بې مشره ډله ده،نصرالله ووژل شو او احتمالا ځایناستی یې هم له منځه وړل شوی دی».
هغه له جزئیاتو پرته وویل، «څوک نشته چې تصمیم ونیسي او ګام واخلي».
