کابل کې د چین سفیر: چين په نړيواله کچه د طالبانو ملاتړ کوي
په کابل کې د چين سفير د طالبانو د کرنې، اوبولګونې او مالدارۍ وزارت له چارواکو سره لیدنه کې ویلي،چې بیجنګ په نړيواله کچه د طالبانو ملاتړ کوي.
په کابل کې د چين سفير د طالبانو د کرنې، اوبولګونې او مالدارۍ وزارت له چارواکو سره لیدنه کې ویلي،چې بیجنګ په نړيواله کچه د طالبانو ملاتړ کوي.
د طالبانو د کرنې، اوبولګونې او مالدارۍ وزارت د یکشنبې پر ورځ په يوه اعلاميه کې د دوی د مرستیال وزير صدراعظم عثماني او په کابل کې د چين د سفير ژواووشېنګ د ليدنې خبر ورکړی.
په اعلاميه کې راغلي، چې دواړو لوريو د نشه يي توکو د بديل کښت، کرنيزو محصولاتو ته د بازار موندنې او د چين او کابل د اړیکو د پراختيا په تړاو خبرې کړې دي.
په کابل کې د چین سفير ژواووشېنګ زياته کړې، چې چين ته د افغانستان صادرات ورځ تر بلې زياتيږي: «چين له افغانستان څخه د تازه او وچې مېوې په ځانګړې توګه د انارو او جلغوزيو د صادراتو هرکلى کوي او له همدې امله چين د افغانستان پر صادراتي محصولاتو لوړه ګمرکي تعرفه نه لري».
په کابل کې د چین سفارت تر اوسه د دې ليدنې جزئیات نه دي شریک کړي.
چين او طالبانپه خپلو منځونو کې پراخې اړيکې لري او دواړو خواوو د کانونو د قراردادونو په ګډون په ګڼو برخو کې د همکاریو تړونونه لاسلیک کړي دي.
