د ملګرو ملتونو د کډوالو عالي کمېشنرۍ راپور ورکړی، چې د حزبالله او اسراییل تر منځ له تاوتریخوالي وروسته د روان کال له سپټبمر میاشتې راهیسې څلور لکه او ۷۲ زره کسان له لبنان څخه سوریې ته کوچېدلي دي.
الجزیرې خبري شبکې د دوشنبې په ورځ د (لړم ۱۴مه) د ملګرو ملتونو د کډوالو عالي کمېشنرۍ له قوله راپورو ورکړی، چې د روان کال د سپټمبر میاشتې راهیسې شاوخوا ۵۰۰ زره کډوال له لبنان څخه سوریې ته تللي دي.
د راپورونو له مخې په لنبان کې د حزبالله او اسراییل ترمنځ د جګړو له امله خلک د خوړو، پاکو اوبو او درملو له کمښت سره مخ شوي دي.
د دغه راپور له مخې، ۳۲۸۲۹ لبناني کډوال چې د کورنیو جګړو له پیلیدو وروسته یې خپلې سیمې پریښې او ۲۱۶۳۶۹ سوریايان چې خپل هېواد یې د جګړو له امله پریښی لبنان ته تښتیدلي دي.
د الجزیري د راپور له مخې، ډیری کسان د سویلي لبنان څخه د اسراییلي ځواکونوو له سختو او دوامداره بریدونو له امله سوریې ته تښتېدلي دي.
