د ایران په سمنان کې پولیسو ۴۳ کډوال نیولي

په دا مهال د ټولیز امنیت تړون سرمنشي وايي، په منځنۍ اسیا کې د ترهګرۍ د پراختیا خطر لا هم شته.

تاسماګامبتوف زیاتوي چې دغه تړون له افغانستان پېښ ګوښونه او ننګونې لا هم څاري او د مخنیوي لپاره یې خپلمنځي همکاري زیاتوي.

د طالبانو واکمنېدو سره د روسیې په مشرۍ د خپلواکو همګټو هېوادونو او د ټولیز امنیت تړونونه منځنۍ اسیا ته له افغانستان د وسلوالو د ور اوښتو وېره بیا بیا ښيي.

د دې وسلوالو د مخنیوي لپاره ټولیز امنیت تړون د افغانستان هېواد شاوخوا د امنیتي کمربند جوړېدو د پلان لپاره د کارډلې وړاندیز کړی دی.

د خپلواکو همګټو هېوادونو سرمنشي جنرال سرګي لبیدیف د دغه وړاندیز په تایید سره وايي، چې دوی د دغه پلان هرکلی کوي او تمه لري چې د دواړو تړونونو د اړوند څانګو استازي پکې برخه واخلي او په دې ډول د افغانستان شاوخوا امنیتي دېوال جوړېدو لپاره ټولیز پلان جوړ شي.

د تاس خبري اژانس د رپوټ له مخې ښاغلي لبیدیف په مسکو کې د همګټو هېوادونو غونډې ته په خبرو کې وویل: موږ هیلمن یو چې د دې ډلې کار به د نړیوالو ترهګرو ډلو، د نشه يي توکو او وسلو قاچاق او بې قانونه مهاجرت په شنډولو کې مرسته وکړي.

د افغانستان شاوخوا د امنیتي کمربند جوړېدو وړاندې د ۲۰۲۲ کال په جنورۍ کې د ټولیز امنیت تړون په غونډه کې وکړ.

د امام علي رحمان په دې وړاندیز پسې لږ وروسته د افغانستان په تړاو کارډله جوړه شوه چې د دې سازمان بهرنیو چارو وزیرانو ته ځواب وايي.

په دې ډله کې د دې تړون او خپلواکو همګټو هېوادونو سربېره د ملګرو ملتونو استازي افغان سفارت او نور لېواد درېمګړي هېوادونه هم برخه لري.

تر دې وړاندې، د کابل ښار اوسېدونکو د پنجشنبې په ورځ افغانستان انټرنېشنل ته وويل، چې د پنځمې ناحيې اړوند میرویس میدان سيمه کې يې د چاودنې غږ اوریدلی دی. دوی ویلي و، دا پېښه د کابل اریانا هوټل ته څېرمه شوې ده.

د مقاومت جبهه وايي، چې دغه پيښه د طالبانو د خاصو ولايتي قوتونو د موټرو په کاروان د دغې ډلې د بريد په پایله کې رامنځته شوې ده. د جبهې په اعلاميه کې ويل شوي، چې په دې بريد کې د طالبانو دوه موټر ويجاړ شوي او پنځه ميله وسلې د دغې جبهې د ځواکونو لاس ته ورغلي دي.

د طالبانو دغه مخالفه وسله واله ډله وايي، چې په دې بريد کې ملکي وګړو او د دغې جبهې ځواکونو ته زيان نه دى اوښتى.

طالبانو د دې پېښې په اړه څه نه دي ویلي.

د مقاومت جبهه وايي، دا په تېرو ۲۴ ساعتونو کې په کابل ښار کې د طالبانو پر وړاندې د دوی درېیم برید دی.

حسین شرافتي راد وايي، چې د بې اسناده کډوالو نیول او د کال تر پایه یې له ایران ویستل د دغه هیواد له مهمو لومړیتوبونو څخه دي.

ښاغلي شرافتي راد د پنجشنبې په ورځ وویل، چې د ایران له ۱۱ ولایتونو څخه افغانستان ته د نا قانونه افغانانو د ویستلو لاره د دوغارون/اسلام قلعه له لارې تیریږي.

د ایران د کورنیو چارو وزارت د بهرنیو وګړو او کډوالو د چارو د مرکز مشر نادر یار احمدي د تایباد او د دوغارون له پولې څخه د لیدنې په ترڅ کې د پنجشنبې په ورځ د ایرنا خبری اژانس ته وویل: «د ایران د کورنیو چارو د وزارت یو له مهمو پروګرامونو څخه خپلو هېوادونو ته د نا قانونه کډوالو لیږل دي او سږ کال په دې برخه ښه اقدامات ترسره شوي دي.»

نوموړي زیاته کړه، د هغو افغان کډوالو تنظیم چې په قانوني توګه په ایران کې اوسېږي، هم د دغه هېواد د کورنیو چارو وزارت له مهمو لومړیتوبونو څخه دی.

هغه وويل، د ايران حکومت هغو افغانانو ته چې په قانوني ډول دغه هېواد ته راغلي "د تېر په څېر ورته ښه خدمات وړاندې کوي" خو په ايران کې د ناقانونه افغانانو شتون قانوني نه دى او بايد بېرته افغانستان ته ستانه شي.

ایراني چارواکو په رسمي ډول اعلان کړی، چې د روان کال تر پایه به شاوخوا دوه میلیونه نا قانونه افغان کډوال له ایرانه څخه اوباسي. د ایران د انتظامي ځواک د قوماندان د معلوماتو له مخې په روان کال کې څه باندې ۷۵۰ زره ناقانونه افغانان له ایران څخه ویستل شوي دي.

تازه د هند د بهرنیو چارو وزارت ځانګړی استازي جي پي سېنګ افغانستان ته تللی او هلته یې د پخواني ولسمشر حامد کرزي په ګډون د طالبانو د بهرنیو چارو او دفاع وزیرانو سره لیدلي دي.

نوموړي له امیرخان متقي سره په لیدنه کې ویلي، چې په نږدې راتلونکي کې به د چابهار بندر په اړه د سیمې د هېوادونو، افغانستان او هند تر منځ خبرې اترې وشي.

ښاغلي افراسیاب خټک په امریکا کې د تازه سیاسي بدلونونو او د ولسمشر ډونالډ ټرمپ له خوا د امریکا د ولسمشریزو ټاکنو ګټلو ته په اشارې وویل، چې په اسیا کې هم د امریکا سیاستونه د تغیر په حال کې دي او هند غواړي چې په افغانستان کې د طالبانو د وضعیت سربېره د شمالي ولایاتو احوال واخلي.

افراسیاب خټک زیاته کړه، چې د هند او پاکستان رقابت له پخوا افغانستان ته انتقال شوی او د طالبانو په ډلو کې هم دواړو هېوادونو ته تمایلات لیدل کیږي.

نوموړي د حقاني شبکې د مشر په ګډون د دغې شبکې له غړو سره د هند د استازي نه لیدنه له پاکستان سره د دغې شبکې اړیکې په ګوته کړې.

د یادونې وړ ده، چې د هند د بهرنیو چارو وزارت استازي له پخواني ولسمشر حامدکرزي سره له لیدنې پر مهال د افغانستان او سیمې پر وضعیت خبرې کړې دي.

نور احمد اغا له اسلامي مالي بنسټونو وغوښتل، چې له طالبانو سره د «زکات او حلال اقتصاد» په اداره کولو کې همکاري وکړي.

د طالبانو تر کنټرول لاندي د افغانستان مرکزي بانک په یوه خبرپاڼه کې لیکلي، چې دغه غونډه (د لړم ۱۳ مه او ۱۴ مه ) نېټو د بېلابېلو اسلامي هېوادونو د مرکزي بانکونو او اسلامي سوداګریزو بانکونو د نږدې ۳۰۰ استازو په حضور کې جوړه شوې وه.

دغه طالب چارواکي په خپلو خبرو کې په ټولنه کې د فقر کمول او د شتمنیو عادلانه وېش خورا مهم بللی.

نور احمد اغا، د سودي پانکوالۍ د مخنیوي، د اسلامي بانکدارۍ د پراختیا او په افغانستان کې د بانکي نظام د ثبات په اړه د غونډې ګډونوالو ته معلومات ورکړل.

د مرکزي بانک د خبرپاڼې له مخې، نور احمد اغا له اسلامي مالي موسسو او اسلامي پراختیایي بانک څخه غوښتي، چې له طالبانو سره «د ظرفیت لوړولو، تعلیمي پروګرامونو، د زکات او وقف د ښه مدیریت، اسلامي بانکدارۍ ته د دودیزو بانکونو د بدلولو او د حلال، باثباته او قوي مالي او اقتصادي نظام د رامنځته کولو په برخو کې همکاري وکړي.»

دغه کلنۍ غونډه د اسلامي مالي ادارو د محاسبې او پلټنې سازمان (AAOIFI) له خوا د دغه بنسټ په مرکزې دفتر کې د بحرین په پلازمینه منامه کې تر سره شوه.

دغه غونډه، د اسلامي مالي صنعت د مختلفو موضوعاتو او ننګونو او په ځانګړې توګه د محاسبې، پلټنې، شرعي او د اسلامي مالي موسسو لپاره د معیارونو ارزونې په برخه کې د بیاکتنې او نظرونو تبادلې په موخه ترسره کیږي.