د اسټرالیا سنا د پنجشنبې په ورځ د ۱۶ کلنو څخه د کم عمره کسانو له خوا د ټولنیزو شبکو پر کارولو د بندیز لګولو طرحه تصویب کړه. دا لومړی ځل دی چې په نړۍ کې دا ډول قانون تصویبیږي.
دا طرحه د استرالیا په سنا مجلس کې د ۱۹ مخالفو رایو په مقابل کې په ۳۴ موافقو رایو سره تصویب شوه. دا قانون به لږ تر لږه د راتلونکو ۱۲ میاشتو لپاره پلي نشي.
د دې قانون له پلي کېدو وروسته که ټولنیزې شبکې لکه ټیک ټاک، فیسبوک، اېکس، انستاګراماوسنپ چټپه سیستماتیک ډول له ۱۶ کلنو کم عمره ماشومانو لپاره د کاروونکي اکاونټونو د جوړولو مخه ونه نیسي، جریمه کېږي.
دا جریمه کیدای شي تر ۵۰ میلیون اسټرالیایي ډالرو (۳۳ میلیون امریکایي ډالر) وي.
د اسټرالیا د استازو مجلس د چهارشنبې په ورځ له ۱۶ کلنو څخه د کم عمره ماشومانو لپاره د ټولنیزو شبکو د استعمال د بندیز لایحه د ۱۳ مخالفو رایو په مقابل کې په ۱۰۲موافقو رایو سره تصویب کړې وه.
د اسټرالیا لومړي وزیر انتوني البانیز وویل، چې دا قانون د ټولنیزو رسنیو د "ضرر" سره د مبارزې لپاره اړین و، هغه ټکی چې ډیری کورنیو منلی دی.
البانیزي زیاته کړه: "دا یوه نړیواله ستونزه ده او موږ غواړو چې اسټرالیايي ماشومان یو رښتینی ماشومتوب ولري. موږ غواړو چې د میندو او پلرونو ذهن هم له دې اړخه ارامه وي."
