په هند کې یوې کورنۍ خپله څلور کلنه ماشومه لور پلورلې ده
د هندي رسنیو د راپور له مخې، یوې کورنې خپله ماشومه لور پلورلې ده. پولیسو ویلي، چې د دې نجلۍ مور او پلار د بیهار ایالت اوسیدونکي دي، چې کاریګر او له خراب مالي وضعیت سره مخ دي.
د هندي رسنیو د راپور له مخې، یوې کورنې خپله ماشومه لور پلورلې ده. پولیسو ویلي، چې د دې نجلۍ مور او پلار د بیهار ایالت اوسیدونکي دي، چې کاریګر او له خراب مالي وضعیت سره مخ دي.
د هند پولیس وايي، چې د ماشومې مور او او پلار د ډېرې بې وزلۍ له امله خپله څلور کلنه لور په یوې بې اولاده کورنۍ په ۴۰ زره هندي کلدارو پلورلې ده.
پولیس د پېښې له خبریدو سره، نجلۍ ژغورلې او د نجلۍ د مور او پلار په ګډون یې شپږ کسان نیولي دي.
د پولیسو په وینا، د پلټنو پر مهال د نجلۍ مور او پلار هم پر خپل جرم اعتراف کړی دی.
فلسطیني ډاکټرانو د جمعې په ورځ وویل، چې د اسراییلي پوځیانو برید کې تېره شپه لږ تر لږه ۳۰ فلسطینیان د غزې په تړانګه کې ووژل شول چې ډېرې یې د نصیرات کمپ اوسیدونکي دي.
دغو ډاکټرانو وویل، چې دوی د نصیرات کمپ په شمالي سیمو کې د ۱۹ فلسطینیانو جسدونه موندلي.
ډاکټرانو زیاته کړه، پاتې نور د غزې تړانګې په شمالي او سویلي سیمو کې وژل شوي دي.
اسراییلي پوځ د جمعې په ورځ تازه څرګندونې نه دي کړي، خو د پنجشنبې په ورځ یې ویلي و، چې د دوی ځواکونه په غزه کې د عملیاتي فعالیتونو د یوې برخې په توګه د ترهګرو پر اهدافو بریدونو ته دوام ورکوي.
لسګونه فلسطینیان د جمعې په ورځ هغه وخت خپلو سیمو ته راوګرځیدل چې د خپلو کورنو زیانونه وګوري، کله چې اسراییلي پوځ ترې شاتګ کړی. د ځینو وژل شویو کسانو جسدونه هم ترلاسه شوي دي.
همدا راز ډاکټرانو وویل، چې د جمعې په ورځ یوې اسراییلي بې پیلوټه الوتکې د غزې د تړانګې په شمالي څنډه کې د بیت لاهیا په کمال عدوان روغتون کې د جدي پاملرنې څانګې مشر احمد الکهلوت وواژه.
د کمال عدوان روغتون دوو طبي چارواکو رویټرز ته ویلي، چې الکهلوت هغه مهال د بې پیلوټه الوتکې په یو راکټ هغه مهال ووژل شو کله چې د روغتون له دروازې تېریده.
د غزې د روغتیا وزارت وویل، چې د دې اونۍ په پیل کې د روغتون مسوول او ۱۲ نور ډاکټران هم په ورته بریدونو کې ټپیان شوي وو.
اسراییلي پوځ تر اوسه په دې تړاو څه نه دي ویلي.
کمال عدوان روغتون د غزې تړانګې په شمالي څنډه کې یو له درېیو طبي تاسیساتو څخه دی چې اوس د طبي، سوند توکو او خوراکي توکو د کمښت له امله په سختۍ سره فعالیت کوي.
د روسیې د دفاع وزیر اندري بلوسف د جمعې په ورخ (د لېندۍ ۹مه) له خپل سیال نو کوانګ چول سره په شمالي کوریا کې ولیدل. دا ناسته د اوکرایین له یو پلاوي سره د سویلي کوریا د ولسمشر له کتنې دوه ورځې وروسته ترسره شوې ده.
په وروستیو اونیو کې د شمالي کوریا شاوخوا لس زره سرتېري له اوکراین سره د جګړې لپاره روسیې ته استول شوي دي.
د روسیې دفاع وزیر پیونګ یانګ ته د خپل سفر موخه "د دواړو هېوادونو ترمنځ د پوځي همکاریو پراخول" وبلل.
بلوسوف زیاته کړه، چې د ستراتیژیکو همکاریو تړون په دې وروستیو کې د روسیې د ولسمشر ولادیمیر پوتین او د شمالي کوریا د مشر کیم جونګ اون تر منځ لاسلیک شوی چې د شمال ختیځې اسیا په سیمه کې د ثبات د ټینګښت په لټه کې دی.
د روسیې د دفاع وزیر په وینا، دا موافقه د اټمي مقابلې په ګډون د جګړې د خطر د کمولو او په سیمه کې د قدرت د توازن د ساتلو په هدف شوې ده.
په دې غونډه کې د شمالي کوریا د دفاع وزیر هم ټینګار وکړ،چې پیونګ یانګ د "نړۍوالې سولې او امنیت ساتلو" لپاره له خپلو "روسي ملګرو" سره په ګډه جبهه کې ولاړ دی.
په وروستیو اونیو کې روسیې ته د شمالي کوریا د شاوخوا لس زره پوځیانو د استولو خبرونه خپاره شوي دي.
امریکا د لړم په دویمه نېټه تایید کړه چې د شمالي کوریا پوځیان د اوکراین پر ضد د جګړې لپاره روسیې ته استول شوي دي.
اوکراين د لړم په لسمه نېټه اعلان وکړ، چې د درېيو جنرالانو په ګډون د شمالي کوريا د پوځ ٥٠٠ پوځیان د دغه هېواد د زرګونو عسکرو سره یو ځای روسيې ته استول شوي دي.
د پاکستان دفاع وزیر وايي، اروپايي ټولنې د دغه هېواد له نړیوالې هوايي کرښې یا پي ای اې بندیزونه لرې کړل او له دې وروسته به د دغې ټولنې غړو هېوادونو ته الوت کولی شي.
د ۲۰۲۰ په جون کې د پیلوټانو د جعلي اسناد له امله اروپايي ټولنې ته د پاکستان نړیوالې هوايي کرښې پر الوتنو بندیز ولګېد.
خو د پاکستان د دفاع وزیر وايي، اروپايي ټولنې بیا دغه شریکت ته اجازه ور کړې، چې دې وچې ته الوتنې وکړي.
خواجه اصف نن په خپل ټوېټر کې لیکلي، چې د پاکستان د هوايي چلن وزارت د څو کلنو هڅو په نتجه کې نن دې شریکت د اروپايي ټولنې له ټولو شرایطو سره ځان برابر او بېرته یې د الوت اجازه ترلاسه کړه.
ښاغلی اصف دا هم وايي، چې پر دولتي هوايي شرکت سربېره د ایر بلو په نوم د پاکستان یوه بل خصوصي شرکت ته هم د دې ټولنې غړو هېوادونو ته د الوتنو اجازه ور کړل شوې ده.
د اروپايي ټولنې د هوايي خوندیتوب ادارې د ۲۰۲۰ جون پر ۳۰ د پاکستان نړیوالې هوايي کرښې د پیلوټانو د جعلي سندونو د خبر خپرېدو پسې دغې ټولنې ته د دې شریکت پر الوتنو بندیز ولګاوه.
هغه وخت د حکومت په هڅو پسې د همغه کال د جولای تر ۳ د لنډمهال لپاره التونو ته اجازه ور کړل شوه، خو بیا تر اوسه پرې بندیز و.
هغه مهال د پاکستان د هوايي چلن وزیر د خپل هېواد پارلمان ته خبرو کې منلې وه، چې تر ۱۵۰ پیلوټان سندونه نه لري.
پښتون شاعر انور شاه بورا په یوه ویډیویي وینا کې وايي، پر کور یې د پاکستان د پوځ ډرون الوتکې برید کړی دی. ځايي سرچینو د افغانستان انټرنشنل ته وویل چې په دغه پېښه کې د انور شاه بورا یو کوچنی زوی وژل شوی او د هغه د میرمن په کډون ۶ تنه نور ټپیان شوي دي.
ځايي سرچینو نن جعمې په ورځ «د لیندۍ۹مه» وویل چې دغه پېښه تېره شپه د مومندو ولسوالۍ امبار کې د اتمان خېل په نوم کلي کې شوې ده.
د معلوماتو پر بنسټ د دې پېښې په ژوبلو کسانو کې پنځه ماشومان او یوه ښځه شامله ده.
په یوه ویډیویي وینا چې په هدایره کې د ژول شوي ماشوم د جنازې ادا کولو پرمهال ثبت شوې ده، پښتون شاعر انورشاه بورا وايي چې د ده پر کور ډرون الوتکې برید کړی دی.
انور شاه بورا په دې ویډیويي پېغام کې وویل:« د ماخستن لمانځه باندې ولاړ وم، ډرون د کور پر سر ولاړه وه، کله چې راښکته شوه ټول ښځې او ماشومان یې په تماشه ول چې برید پرې وشو.»
تر دې پيښې وروسته په ټولنیزو رسنیو کې د پاکستان د څارګرو ادارو اړوند په تبلغاتي اکونټونو کې دا یو لاسي بم برید ښودلی شوی دی هغه څه چې انور شاه بورا یې ردوي او له خلکو غواړي چې حققت بیان کړي.
تر دې دمه د پاکستان امنیتي ادارو ددې برید په اړه په رسمي ډول څه نه ډی ویلي.
په وروستیو کې د جګړې له زیاتېدو سره د پاکستان پوځ د پښتونخوا په بېلابیلو سیمو کې ډرون بریدونو ته زور ورکړی دی.
له ډیورنډ کرښې ته څیرمه یوه سیمه یز خبریال لال وزیر وايي چې په دې وروستیو کې د پاکستان پوځ په بېلابېلو سیمو کې دوولس ډرون بریدونه کړي دي.
لال وزیر:« په قبایلي سیمو کې ترسره شوي وروستي ډرون بریدونو کې زیاتره عام خلک په نښه شوي دي او قربانیان هم عام ولس دی.»
وزیر په دې باور دی چې که حالت په داسې ادامه پیدا کړي نو په راتلونکي کې به د سیمې خلک ملي پاڅون وکړي.
د هغه پاکستاني خبریال وکیل چې د عمران خان د پلویانو په لاریون کې یې د مرګ ژوبلې په اړه پلټنه کوله، ویلي چې مطیع الله جان د چهارشنبې په شپه د «ترهکریزو» کړنو په تور نیول شوی دی.
مطیع الله خان د پاکستان په سیاست کې د هغه هېواد د پوځ د لاسوهنو په تړاو له سختو نیوکه کوونکو څخه دی.
دغه خبریال له نیول کېدو ساعت وړاندې په یوې ټلویزیوني خپرونه کې د یو روغتون څخه هغه تر لاسه شوي اسناد او شواهد وښودل، چې د پاکستان د حکومت هغه ادعا یې دروغ ثابتوله چې ویل یې د لاریونوالو د خورولو لپاره یې له جنګی مرمیو او ګولیو څخه کار نه دی اخیستی.
د مطیع الله جان همکار ثاقب بشیر وویل، چې د چهارشنبې په شپه هغه او یو همکار یې د پاکستان د طبي علومو د انسټیټیوت د موټرو له پارکېنګ څخه په یو موټر کې سپاره شول.
دغه خبریال وايي، چې هغه له خپل همکار سره په لاریون کې د وژل شویو کسانو د شمېرو په راټولولو بوخت وو، چې امنیتي ځواکونو سترګې پرې وتړلې او موټر کې یې سپاره کړل.
ښاغلی بشیر وايي هغه درې ساعته وروسته په یو بل واټ کې له موټره ښکته او خوشې کړای شو.
د مطیع الله جان وکیل ایمان مزاري بیا وايي، چې د هغه موکل د ترهګرۍ، د نشهيي توکو د قاچاقو او پر پولیسو د برید په تورونو نیول شوی دی.
د پاکستان امنیتي ځواکونو ښاغلی جان تورن کړی، چې د نیولو پر مهال یې نشهیي توکي کارولي و.
مطیعالله جان د محکمې په یوې غونډه کې پر هغه لګېدلي ټول تورونه «دروغ، بې بنسټه او خندونکي» بللي او ویلي یې دي، چې هغه په اعتراضونو کې د وژل شویو کسانو په اړه په تحقیق لګیا و.
په تېرو ورځو کې، د عمران خان ملاتړي او د پاکستان د تحریک انصاف ګوند پلویان په یو ستر لاریون کې اسلام اباد ته وردننه شول.
د پاکستان حکومت دغه لاریون کوونکي د څلورو پولیسو په وژلو تورن کړي دي.
د تحریک انصاف ګوند هم ویلي، چې د دغه ګوند پر زرګونو غړو مرمۍ ورول شوي او د هغوی لسګونه پلویان وژل شوي دي.
له خبریالانو د ملاتړ کمېټې د مطیع الله جان په «نیول کېدو» اندېښنه ښودلې او د هغه د ژر تر ژره خوشې کېدو غوښتنه یې کړې.