اوکراین وايي جګړې د دوی ۱۵ ملکي هوايي ډګرونه زیانمن کړي دي
د اوکراین لومړي وزیر ډینس شمهال د شنبې په ورځ وویل، چې د ۲۰۲۲ کال د فبرورۍ له میاشتې وروسته چې روسیې په اوکراین یرغل کړی، د دغه هیواد پنځلس ملکي هوایي ډګرونه زیانمن شوي دي.
د اوکراین لومړي وزیر ډینس شمهال د شنبې په ورځ وویل، چې د ۲۰۲۲ کال د فبرورۍ له میاشتې وروسته چې روسیې په اوکراین یرغل کړی، د دغه هیواد پنځلس ملکي هوایي ډګرونه زیانمن شوي دي.
د اوکراین دولتي هوایي چلند ادارې د معلوماتو له مخې، دغه هېواد شل ملکي هوایي ډګرونه لري او د خپل هوایي حریم د خلاصولو لپاره لارې چارې لټوي، چې د جګړې له پیل راهیسي په بشپړه توګه تړل شوې.
هغه اوکراینیان چې غواړي له هېواده بهر سفر وکړي، باید د ځمکې له لارې ګاونډیو هېوادونو ته ولاړ شي او له هغه ځایه بیا په الوتکې کې سفر کولی شي.
ځايي خبري اژانس اوکرينفورم په يو ټرانسپورټي کنفرانس کې د شمهال له قوله وويل: "موږ د خطر ارزونه وکړه او د هوايي دفاعي ځواکونو اړتياوې مو په ګوټه کړې چې په جزوي توګه هوايي حريم خلاص کړو."
هغه زیاته کړه: «امنیتي مسلې او پوځي وضعیت د دې پرېکړې پاتې برخې دي."
شمهال وویل، چې روسیې په تېرو درېیو میاشتو کې د اوکراین پر بندري تاسیساتو نږدې ۶۰ ځله بریدونه کړي، نږدې ۳۰۰ تاسیسات او ۲۲ ملکي کښتۍ یې زیانمنې کړي او یا یې ویجاړې کړي دي.
