طالبانو له تور نوملړه د دغې ډلې د نوم اېستلو په اړه د روسیې د پارلمان له طرحې هرکلی کړی
د طالبانو د بهرنیو چارو وزارت له تور نوملړه د دغې ډلې د نوم اېستلو په اړه د روسیې د پارلمان له طرحې هرکلی کړی.
د طالبانو د بهرنیو چارو وزارت له تور نوملړه د دغې ډلې د نوم اېستلو په اړه د روسیې د پارلمان له طرحې هرکلی کړی.
دغه وزارت د یوې خبرپاڼې په خپرولو سره دغه اخیستل شوی ګام ښه پرمختګ ګڼلی او زیاته کړې یې ده، چې دغه ګام د طالبانو او روسیې ترمنځ د دوه اړخیزو اړیکو د کچې لوړولو په برخه کې د یو خنډ د لرې کولو په مانا دی.په خبرپاڼه کې راغلي: «د روسیې فډراسیون د پارلمان لهخوا له هغې طرحې هرکلی کوو، چې له مخې به یې د طالبانو غورځنګ نوم په هغه هېواد کې د ممنوعه ډلو له لېسته لرې شي.»د روسیې پارلمان د سې شنبې په ورځ د یوې نوې لایحې د تصویب له لارې دې ته لاره پرانېسته چې د طالبانو ډله د ترهګرو سازمانونو له نوملړه و اېستل شي.دغه لایحه د روسیې د مشرانو جرګې ۱۳ غړو پارلمان ته د تصویب لپاره وړاندې کړې وه.
