موږ ټولو سره داسې پيښ شوي یا پیښږي چې کله ډوډۍ خورو معده مو پړسیږي یا هم نس مو باد نیسي. له خوړلو وروسته بیا دا د اندېښنې وړ نه وي خو تجربه یې ځورونکې ده. دا زموږ ټولو سره پیښیږي لکه دا احساس کوي چې معده د ډیر خوراک څخه ډکه شوې ده.
د معدې او کولمو ستونزه هغه وخت رامینځته کیږي کله چې په معدې یا کولمو کې د باد (ګاز) کچه ډېره شي او معمولاً ناروغ یو څه وخت وروسته ښه کیږي.
مګر ښه خبره داده چې داسې خواړه وخوړل شي چې د نس د باد یا ګازو ستونزه ورسره ښه شي.
څه وخورو چې د نس باد ستونزه ورسره حل شي؟
مالتې وخورئ
مالټې د فایبر او اوبو ښه سرچینه ده چې په معده کې د مایع له ساتلو مخنیوی کوي او د کولمو فعالیت ښه کوي.
مالټې له ویټامین سي څخه بډایه ده، کوم چې په کولمو کې صحي باکتریا ته وده ورکوي او د معدې د سوځیدو خطر هم کموي.
کیلې وخورئ
په کیلې کې د فایبر سربیره پوتاشیم هم موجود دي او پوتاشیم په بدن کې د مالګې کچه تنظیموي او نه پریږدي چې مایع په بدن کې ټولې شي.
یوې څېړنې ښودلې چې د کیلې خوړل د معدې د سوځیدلو احتمال کموي. بلکې څېړنې دا موندلې چې له ډوډۍ مخکې د کیلې خوړل د نس د پړسوب احتمال کموي.
د کارپوهانو په وینا، پوتاشیم او نور غذايي مواد په معده کې د باکتریا د اضافي باد یا ګاز د تولید مخه نیسي.
اناناس وخورئ
په اناناس کې موجود فایبر او د برومیلین په نوم یو انزایم د هاضمې سیسټم لپاره ډېر ګټور دی
یوې څېړنې موندلې چې د اناناس جوس د نس پړسوب کموي ، او معده درد ته نه پریږدي.
پپیتا وخورئ
یوې څیړنې موندلې چې پپیتا د هاضمي سیسټم د ستونزو مخنیوي لپاره ډېره ګټوره ده.
څیړنې موندلې چې هغه خلک چې پپیتا خوري د معدې او قبض په څېر ستونزو سره لږ مخ کیږي.
رومیان وخورئ
روميان هغه مرکبات لري چې په کولمو کې د صحي باکتریا وده ډېروي.دا مرکبات د هغو خلکو لپاره ګټور دي چې د معدې درد لري.
دال وخورئ
دال په پریمانه فایبر لري په داسې حال کې چې په دې کې موجود کاربوهایډریټ د هضم پروسه ورو کوي. مګر د نس پړسوب یا باد خطر کموي.
ګازرې وخورئ
کازر ې پریمانه ویټامین اې لري چې دغه ویټامین د معدي د فعالیت لپاره ډېر مهم دی. یوې څېړنې ښودلې چې د خوړو څخه تر لاسه شوې ویټامین اې په کولمو کې صحي باکتریا په ډېریدو کې مرسته کوي.
پالک وخورئ
پالک هغه سبزي ده چې په پریمانه اندازه فایبر لري. څېړنې ښیي چې د پالک خوړل د هاضمې لپاره ښه او د نس باد یا ګاز کموي. د پالک خوړل په کولمو کې د ځینو صحي باکتریاو شمېر هم زیاتوي.
زنجبیل چای وڅښئ
که چېرې نس مو باد یا ګاز نیولی وي زنجبیل چای مو دا ستونزه ښه کوي او ارامښت درکوي.
زنجبیل د هاضمې سیسټم پیاوړی کوي او د معدې د خرابیدو مخه نیسي.
د زنجبیل چای د معدې، قبض او مثانې او نور لپاره غوره ګڼل کیږي.