ناروې د افغانستان لپاره ۴.۹۸ میلیون ډالره مرسته اعلان کړه
د افغانستان لپاره د ملګرو ملتونو ځانګړي وجهي (اماني) صندوق د جمعې په ورځ پر اېکس پاڼه پيغام کې ویلي، چې ناروې له دغه صندوق سره د افغانستان لپاره ۴.۹۸ میلیونه ډالرو مرسته وکړه.
د افغانستان لپاره د ملګرو ملتونو ځانګړي وجهي (اماني) صندوق د جمعې په ورځ پر اېکس پاڼه پيغام کې ویلي، چې ناروې له دغه صندوق سره د افغانستان لپاره ۴.۹۸ میلیونه ډالرو مرسته وکړه.
دغه صندوق لیکلي، چې دا مرسته یې د داخلي بې ځایه شویو او ستنېدونکو کډوالو د ملاتړ په موخه کړې ده.
د افغانستان لپاره د ملګرو ملتونو ځانګړي وجهي (اماني) صندوق د جمعې په ورځ (د لیندۍ۳۰مه) له ناروي په مننې سره لیکلي:« د ناروي مننه چې د ۴.۹۸ میلونه امریکايي ډالر (۵۰ میلیونه نارویژي کرنسي) اضافي مرسته وکړه.»
دغه صندوق وړاندې لیکلي، د ناروې له لوري مرسته شوې پیسي به د ډیرې اړتیا په وخت کې، د داخلي بې ځایه شویو، راستنېدونکو کډوالو او زیانمنو افغان ټولنو د ژوند د بیا جوړیدو او د ښه راتلونکي لپاره د دوامداره فرصتونو د رامینځته کېدو په برخه کې کې ولګوي.
تېره اونۍ هم سویډن له یاد صندوق سره د افغانستان د خلګو لپاره د ۹ میلیونه ډالرو مرسته اعلان کړه.
له افغانستان سره دا مرسته په داسې حال کې کیږي، چې درې ورځې وړاندې د خوړو نړیوال پروګرام په افغانستان کې د خپلو ففعالیتونو د دوام لپاره ۷۱۸ مېلیونه ډالرو بیړنۍ مرستې غوښتنه کړې وه.
د خوړو نړیوال پروګرام ویلي و، چې چې په سږني ژمي کې به په افغانستان کې د هرو درېیو کسانو له ډلې یو کس د خوراکي توکو له سخت کموالي سره مخ شي.
د دغه پروګرام د اټکل له مخې، نږدې ۱۵ مېلیونه خلګ یا د افغانستان نږدې درېیمه برخه د ژوندي پاتې کېدو لپاره خوراکي مرستو ته اړتیا لري.
