د علي وزیر د خلاصون لپاره په سویلي وزیرستان کې لاریون وشو

د پاکستان جیونیوز د جمعې په ورځ راپور وکړی، چې د ایپیکس کیمټې په دغه ناسته کې د کورمې ولسوالۍ د وضیعت د کابو کولو او د امن جرګې پر ورستیو لاسته راوړنو په خبرې شوې دي.

د پاکستان د کورنیو چارو وزیر محسین نقوي د پښتونخوا سر وزیر ګنډاپور ته د کورمې ولسوالۍ د وضیعت د کابو لپاره د هر ډول همکارۍ ژمنه کړې او ویلي دي، چې په کورمه ولسوالۍ کې د روان وضیعت کنټرولول یې لومړیتوب دی.

پر همدغه مهال ایپیکس کمیټي په کورمه ولسوالۍ کې د خونړیو پېښو د مخنیوي، په موخه د خلکو له لورې د جوړ شویو مرچلونو د له منځلو وړلو پرېکړه هم کړېده او ویلي یې دي، چې له خلکو د وسلو د راټولولو په اړه یې خبرې روانې دي.

سرچینو ویلي، چې د ایپیکس کمیټې په دغه ناسته کې په کورمه ولسوالۍ کې د شخصي خلګو له لورې د وسلو پر ګرځولو هم د بندیز لګولو پرېکړه شوي ده.

پر همدغه مهال د خیبر پښتونخوا سر وزیر علي امین ګنډاپور ویلي، چې د کورمې ولسوالۍ د وضیعت کابو کولو لپاره به ټول توان په کار واچوي او په یاده ولسوالۍ کې د روان تاوتریخوالي د کابو کولو پر سر باید هیڅ ډول سیاسي چلند ونه شي.

د کورمې ولسوالۍ په اړه د پاکستان د لوړپوړو حکومتي چارواکو دا ناسته پر داسې مهال کیږي، چې له شاوخوا ۷۰ ورځو را دغه ولسوالۍ ته ټولې غځیدلې لارې تړل شوې، په ښارونو کې د خوراکي او سون توکو د کموالي او نشتوالي له امله خلک له سختو ستونزو او کړاوونو سره مخامخ شویدي.
د ځینو راپورونو له مخې چې د درملو د کموالي له امله د ۲۹ ماشومانو په ګډون ۶۰ کسان په روغتونونو او کورونو کې مړه شوي دي.

د اډياله زندان نه بهر له رسنیو سره خبرو کې د عمران خان خور عليمه خان وویل، چې ګوند له عمران خان څخه د څو ورځو لپاره د سول نافرماني بندولو غوښتنه کړې وه او عمران خان هم ومنله.

د رسنیو د راپور له مخې، عمران خان ویلي: ««زه د هېواد په فکر کې یم، زه به څو ورځې انتظار وکړم، حکومت باید زما دا دوه غوښتنې ومني، هغه خپل خلک له دې غوښتنو سره حکومت ته استولي دي.»

علیمه خان زیاته کړې، چې عمران خان ویلي که یې دوه غوښتنې و نه منل شي، نو د ملکي نافرمانۍ یا سول نافرمانۍ غږ به پورته کړم.

دا په داسې حال کې ده، چې د پاکستان د تحريک انصاف مشر عمران خان د ډسمبر په څوارلسمه نېټه په ټول ملک کې د ملکي نافرمانۍ یا سول نافرمانۍ غورځنګ د پيلولو اعلان کړی وو.

امیر افتاب نن سې شنبې د « د لیندۍ ۲۷مه» یوې خبري ناستې ته وویل چې څلورو مړو شویو پاکستانیانو جسدونه به سفارت په خپل لکښت پاکستان ته وړي او کورنیو ته به یې سپاري.

پاکستانی سفیر وايي چې د ورکو پاکستانیانو د موندلو لپاره د ژغورنې ټیمونه کار کوي خو د ژوندي پیدا کېدو امیدونه یې ختم شوي دي.

د امیر افتاب په وینا د ډسمبر په ۶مه له لبیا پنځه کیښتۍ په لاره وې چې په یوه کښتۍ کې ۸۰ پاکستانیان سپاره وو.

د هغه په خبره، د سورلیو د شمېر د زیاتوالي له امله کښتۍ ډوبه شوې ده.

د پاکستان د ګجرات اوسېدونکي دوه وروڼه چې دې پېښه کې ژوندي پاتې شوي، خپله دردونکې کیسه کوي:« زموږ کښتۍ له کارګو بېړۍ سره ټکر شوې، چې له امله یې کښتۍ ډوبه شوه، ځکه د کښتۍ انجن کمزوری و.»

د پاکستان اېکسپریس ورځپاڼې د معلوماتو له مخې تر دې دمه یوازې ۴۷ تنه پاکستانیان ژغورل شوي دي.

د ۲۰۲۳ کال په جون کې هم د یونان اوبو کې د کښتۍ ډوبېدو له امله تر ۸۷ پاکستانیان او افغانان مړه شوي وو.

هغه مهال پاکستان د خپلو لسګونو وګړو مړینه منلې وه چې پکې ۲۸ کشمیري ځوانان او د یوه کلي اوسېدونکي وو.

پاکستان او افغانستان کې خراب اقتصادي وضعیت او ناامنیو ددغه هېواد زیاتره ځوانان اړ کړی، چې خپل وطن پرېږدي او په مرګونو لارو خپل ځانونه اروپايي هېوادونو ته ورسوي.

د یادونې وړ ده، چې تېر ۲۰۲۳ کال کې د یونان ته څېرمه روم بحیره کې یوه کیښتۍ ډوبه شوې وه، چې ۸۰۰ سورلۍ ناستې وې چې په دې کې ۴۰۰ سوه تنه یې پاکستانیان ول چې له دې ډلې څخه یې یوازې ۱۰۴ تنه ژغورل شوي ول.

هغه وايي، د تحريک انصاف او حکومت ترمنځ په مذاکراتو کې تر ټولو لوی خنډ په خپله عمران خان دی.
هغه د پاکستانۍ رسنۍ ډې نیوز سره په مرکه کې ویلي، چې لومړي وزیر شهباز شریف هم قامي اسمبلۍ ته په وروستۍ وینا کې تحریک انصاف ته د مذاکراتو وړاندیز کړی و.
د رانا ثناالله په وینا، مانا داره خبرې اترې ډېرې مهمې دي او باید پر مخ ولاړې شي؛ خو د مذاکراتو په لاره کې تر ټولو لوی خنډ عمران خان دی.
هفه زیاته کړه، مذاکرات (د نومبر ۲۶مې) ته د ورته پېښو څخه د مخنیوي لپاره اړین دي.
هغه وایي، چې د تحریک انصاف د دویمې کچې غړي د مذاکراتو او خبرو د پیلیدا لپاره لېوالتیا لري او حکومت هم له دوی سره په تماس کې دی؛ خو دوی بې واکه دي.
رانا ثناالله وايي، پوځ د روان کال د مۍ په اتمه د مذاکراتو په اړه خپله تګلاره روښانه کړې ده.
وړمه ورځ بیا د پاکستان د دفاع وزير خواجه اصف هم ويلي و، چې د تحريک انصاف ګوند مشران په یوه خبره نه دي ولاړ.
هغه ویلي و، تحریک انصاف ګوند له یوې خوا پر حکومت د سرغړونو تورونه پورې کوي او بل خوا ته بیا د مذاکراتو وړاندیز کوي چې په داسې وضعیت کې هيڅ ډول مذاکرات پایله نه شي ورکولای.

د تحریک انصاف ګوند مشر او پخوانی لومړی وزیر لا هم د راولپنډۍ په اډیاله زندان کې دی، پر هغه د فساد او درغلیو تورونه پورې شوي دي.
د هغه پلویانو تېره میاشت د اسلام اباد په ډي جوک کې لاریونونه وکړل، چې په تاوتریخوالي واوښتل.

په دغو لاریونونو کې د څلورو پولیسو په ګډون شاوخوا شل کسه وژل شوي او لسګونه نور ټپیان شوي وو.
دا رنګه د تحریک انصاف ګوند ادعا کوي، چې د دوی سلګونه پلویان لا هم په زندانونو کې بې برخلیکه پراته دي.

د پاکستان دې نیوز انټرنشنل رسنۍ د راپور له مخې، د پنجاب د ترهګرۍ ضد ادارې د پاکستان لوړ پوړو چارواکو ته معلومات ورکړي دي چې د ډسمبر پر ۱۶مه، د جماعت الاحرار ترهګریز سازمان ممکن د لاهور، راولپنډۍ او اسلام اباد په ښارونو کې د پېښور پوځي ښوونځي د لس کاله وړاندې برید په شان ترهګریز بریدونه ترسره کړي.

د پنچاب ترهګرۍ ضد ادارې د معلوماتو له مخې، بریدګر لس کسیزه ډله ده، چې شپږ تنه یې ځانمرګي دي او ښايي په اسلام اباد، راولپنډۍ او لاهور کې بریدونه ترسره کړي.

په راپور کې ویل شوي، چې دغه بریدګر ښايي پوځي تاسیسات، د قانون پلي کوونکې ادارې او تعلیمي ادارې په نښه کړي.

امنیتي ادارو ته د یاد خبرداري له ورکولو سره سم حکومت امر کړی، چې په لاهور، اسلام اباد او راولپنډۍ کې ګزمې او څارنه ډيره کړي او همدارنګه په یادو دریو ښارونو کې تعلیمي ادارې هم تړل شوې دي.

بل خوا امنیتي ادارو ویلي، چې په لاهور، اسلام اباد او راولپنډۍ کې یې تعلیمي ادارې د پېښور پر پوځي ښوونځي د برید په یاد کې رخصت کړيې دي او یاده پرېکړه د استخباراتو کمیټې په غونډه کې شوې ده.

په راپور کې ویل شوي، چې د راولپنډۍ پولیسو په ټوله سیمه کې د تعلیمي ادارو په ګډون د ټولو امنیتي او حساسو ادارو د امنیت ټینګښت لارښوونې صادرې کړې دي.

امنیتي سرچینو رسنیو ته ویلي، چې د دوشنبې ورځې رخصتي اعلانولو پرېکړه د احتمالي برید د مخنیوي لپاره شوي ده.