د افغانستان د سولې لپاره د امریکا پخواني ځانګړي استازي زلمي خلیلزاد په سوریه کې د تحریر الشام پر مشر د امریکا له لوري د ټاکل شوي انعام لرې کېدو ته په اشارې ویلي: «ایا طالبان به هم دغې مسلې ته پام وکړي؟»
ښاغلي خلیلزاد پرته له دې چې کوم ځانګړي هیواد ته اشاره وکړي زیاته کړې چې نور په ورته شرایطو کې د احمد الشرع څخه زده کولی شي چې څنګه د نړۍوال نظام په اصلي بهیر کې شامل شي.د امريکا د بهرنيو چارو وزارت مرستيال وروسته له هغې چې په سوريه کې د تحرير الشام له مشر سره د امريکا د ډيپلوماتيک ماموريت کتنه مثبته وبلله وویل، چې امريکا پرېکړه کړې چې د احمد الشرع مشهور په محمد جولاني د نيولو لپاره ټاکل شوې انعام لغوه کړي.تېره ورځ په نیویارک کې د بهرنیو اړیکو په شورا کې د خبرو پرمهال د امریکا د بهرنیو چارو وزیر انتوني بلېنکن وویل، چې په دمشق کې واکمنه د تحریر شام ډله دې د ټولګډونه حکومت د جوړولو په برخه کې په خپلو ژمنو عمل وکړي او د طالبانو له حالته دې درس واخلي، چې څنګه څنډې ته شوي دي.
واشنګټن په ۲۰۱۳ کې د احمد الشرع نوم له القاعدې سره د تړاو په تور د ترهګرو په نوملړ کې شامل کړ.
د تحریر الشام مشر ابو محمد جولاني له بشري حقونو په سرغړونو تورن دی او امریکا د هغه د نیولو لپاره ۱۰ میلیونه ډالر انعام ټاکلی و.
د امریکا د بهرنیو چارو وزارت د جمعې په ورځ د(لیندۍ۳۰مه) وویل، چې د لوړ پوړو امریکايي ډیپلوماتانو یو پلاوی د سوریې پلازمینې دمشق ته تللی چې د تحریر الشام ډلې په مشرۍ د دغه هېواد له نویو واکمنو سره وګوري.
د بشارالاسد د حکومت له پرځېدو وروسته دا د واشنګټن او سوریې د نويو واکمنو ترمنځ لومړنۍ مخامخ ناسته او خبرې دي چې په سوریه کې د یو ټولګډونه حکومت او د بندیانو د خلاصون په اړه کیږي.
دغو کډوالو د دغې شپې په نمانځغونډو کې په افغانستان کې د واکمنو طالبانو د هغو لګول شویو بندیزونو او محدودیتونو پر ضد اعتراض وکړ، چې پر خلکو یې لګولي او دغه کړنې یې له بشري حقونو ښکاره سرغړونه وبلله.
په اسلام اباد کې سلګونو راټولو شویو مېرمنو او نارینه و د یوې سترې غونډې په جوړولو سره د یلدا شپه خپل لرغونی فرهنګي دود یاد کړ، او پر طالبانو یې نیوکه وکړه چې په لوی لاس د دغه دود او فرهنک د لمنځه وړلو هڅه کوي.
په دغې غونډه کې د طالبانو له زندانه ېو شمېر خوشې شویو مېرمنو هم خبرې وکړې او په زندانونو کې یې د طالبانو د ظلمونو او زور زیاتي او هغه بې عدالتيو په اړه چې هلته یې طالبان د بندیانو په تېره بیا د مېرمنو سره کوي رڼا واچوله.
له زندانه دغو خوشې شویو مېرمنو له نړیوالې ټولنې او نړیوالو بنسټونو وغوښتل چې طالبان دې د بشري ضد کړنو په پار محکمې ته راکاږي او په افغانستان کې دې د ښځو سره روان زور زیاتی د جنسیتي اپارتاید په توګه په رسمیت وپېژني.
دغه راز په دغې غونډه کې د طالبانو له بنده د ژولیا پارسي په ګډون یوولسو خوشې شویو مېرمنو ته ستاینلیکونه او سوغاتونه چې افغان کډوالو چمتو کړي و، هم ورکړل شول.
په یاده غونډه کې د مقالو، شعرونو او موسیقۍ تر څنګ ګډوانوالو ملي ترانې او اتڼونه وکړل او په افغانستان کې یې د سولې، ازادۍ،عدالت او برابرۍ لپاره دعاوې وکړې.
