په اونۍ کې څومره ورزش وکړو چې خیټه مو کوچنۍ شي؟
تاسو هم د خیټې له غټوالي شکایت لري؟ ایا د خیټې کمولو ټولې لارې مو ازمایلي او ناکامه شوي یاست؟ غواړئ پوه شئ چې خیټه مو څنګه کمه کړئ؟ که ځواب مو هو وي دغه لیکنه حتماً ولولئ.
تاسو هم د خیټې له غټوالي شکایت لري؟ ایا د خیټې کمولو ټولې لارې مو ازمایلي او ناکامه شوي یاست؟ غواړئ پوه شئ چې خیټه مو څنګه کمه کړئ؟ که ځواب مو هو وي دغه لیکنه حتماً ولولئ.
هغه وازده چې د خیټې او ملا شاوخوا راټولیږي په طبي اصطلاح کې ورته ورسیکل وازده وایي. د بدن دا ډول وازده تر ټولو خطرناک ډول وازده ده ځکه چې مهم غړي پوښي.
بدن کې دا ډول وازده کولی شي د زړه، شکرۍ او نور جدي ناروغیو خطر ډېر کړي. مګر د خیتي وازدې کمول ډېر ګران ثابت شوي او ډېرې خلک نه پوهیږي چې څومره ورزش کولی شي د دغې برخې وازدې کمې کړي.
په اوبیسټي ژورنال کې خپرې شوې یوې څېړنې دا موندلې، چې په اونۍ کې دوه ځله ورزش کولی شي د خیتي په کوچنۍ کولو کې مرسته وکړي.
دا څېړنه پر ۹ زره او ۶۰۰ کسانو ترسره شوې چې عمرونه یې د ۲۰ او ۵۹ تر منځ وو.
له دغو کسانو وپوښتل شول، چې دوی څومره په فزیکي توګه فعال دي او څومره وخت یې په ناسته یا څملاستلو تېر کړی.
پایلې وموندله، هغه کسان چې په اونۍ کې لږ تر لږه ۱۵۰ دقیقې ورزش کوي نسبت هغو کسانو ته چې ورزش نه کوي د هغوی د خیټې وازده کمه ده.
څېړنې موندلې چې ورځني ورزش کوونکي د اونۍ پای کې د هغو کسانو په پرتله چې د فزیکي فعالیتونو څخه ډډه کوي د خیټي وازده یې کمه او وزن یې لږ وي.
د څېړنې له مخې، له دې ګټې هغه کسان هم برخمن دي کوم چې په اونۍ کې یو یا دوه ځله فزیکي فعالیت لري.
څېړونکي وایي، چې په اوسني عصر کې چاغښت د یوې وبا په څېر مخ په خپریدو ده مګر ډېری خلک د ورځې ورزش ته وخت نه لري.
دوی وویل، چې له همدې امله د څېړنې پایلې مهمې دي ځکه چې د یو یا دوه ورځو لپاره د یو نیم ساعت لپاره ورزش کول د بدن وزن دومره کمولی شي څومره چې د ټولې اونۍ لپاره د ۱۵۰ دقیقو ورزش یې کموي.
څېړونکو وویل، چې دا د هغو خلکو لپاره خورا ګټور دی چې ډېر بوخت دي یا کار یې په ناستې وي. د دوی په وینا، د اوږدې مودې لپاره ناست د چاغښت په شمول د مختلفو ناروغیو خطر زیاتوي.