عباس ستانکزي د ناروې له شارژدافير سره لیدنه کې د خبرو له لارې د موضوعاتو د حل هیله کړې

د سرچینو په خبره، همدا لامل دی چې تر دې دمه د طالبانو تر واک لاندې د نورم او سټنډرډ ملي اداره په دې نه ده توانېدلې ترڅو به مکمل ډول د بې کیفیته نفتي توګو مخه ونیسي.

په همدې حال کې د طالبانو د نیمروز ولایت مقام رسنیز دفتر د یوې خبرپاڼه په خپرولو سره لیکلي چې د بې کيفيته نفتي توکو د مخنيوي لپاره يو لوړ پوړی پلاوی نيمروز ته راغلی دی.

د نيمروز ولایت لپاره د طالبانو والي محمد قاسم خالد له ياد پلاوي او د تېلو له يو شمېر سوداګرو سره په ګډه غونډه کې وويل:« چې تر ډېره حده د نیمروز له لارې د بې کیفیته تېلو مخنیوی شوی او هېچا ته د دې اجازه نه ده ورکړل شوې، چې بې کیفیته تېل را وارد کړي.»

په دغه پلاوی کې د طالبانو د ډلې مشر ملا هبت د احکامو او فرامینو عمومي رییس چې د پلاوي مشري کوي په دې غونډه کې وويل؛« بې کیفیته تېل نه یوازې وسایلو او وسايطو ته زیان رسوي، بلکې د هېوادوالو روغتيا ته هم لوی زيان ده او د بېلابېلو ناروغیو سبب ګرځي.»

د غونډې په پای کې طالبانو یوځل بیا له سوداګرو وغوښتل چې د بې کیفیته نفتي توګو په واردولو په برخه له دوی سره مرسته وکړي.

په همدې حال کې په پلازمینه کابل کې د تېل پمپونو ځینو مالکانو نن افغانستان انټرنشنل ته وویل، چې شرکتونه او سوداګر له ایران بې کیفیته نفتي توګي د زیاتې ګټې په موخه افغانستان ته واردوي.

ځیني تېل پلورونکي بیا نیوکه کوي چې طالبان د ډیرو کمو بی کیفیته نفتي توکو مخه نیسي، خو د تېلو سوداګر د نېمروز او هرات ولایتونو په ګمرکونو کې طالب مسوولانو ته بډې ورکوي ترڅو یې افغانستان ته داخل کړي.

طالبانو بیا بیا په خپلو اعلاميو کې د نيمروز او فراه ولایتونو پر پوله ایران ته د بې کيفيته تيلو د ورګرځولو خبر ورکړی.

خو هغه مهال ایراني چارواکو د افغانستان په سرحدي ادارو کې د تېلو د کیفیت معلومولو معیارونه د پوښتنې وړ بللي وو.

ایراني چارواکو ویلي وو، چې طالبان د کیفیت معلومولو ماشینونو پر بنسټ نه؛ بلکې په خپل زړه او خپله خوښه ورته معیارونه ټاکي.

د طالبانو تر واک لاندې ملي ټلویزيون د شنبې په ورځ د امربالمعروف وزارت د ویاند سیف الاسلام خیبر له قوله ویلي، چې وزارت يې په بېلابیلو ولایتونو کې يوازې په تېرو شپږو مياشتو کې ۱۸۰ کسان د جادوګرۍ او کوډګرۍ په تور نیولي دي.

سیف الاسلام خیبر وویل چې «جادو په اسلام کې لویه ګناه ده» او عاملین به یې ونیول شي.

د نوموړي په خبره، په دې برخه کې هیچا ته د فعالیت اجازه نه ورکوي او د وزارت محتسبان په ټول هېواد کې هڅه کوي، چې د جادو او کوډو مخه ونيسي.

د طالبانو د امربالمعروف وزارت تر دې مخکې اعلان کړی و، چې په ټول افغانستان کې «تعویذ لیکل، جادو او کوډې» منع دي.

د افغانستان په لیرو پرتو سيمو کې يو شمېر کورنۍ په خاص ډول ښځې د کورنیو ستونزو د حل په موخه تعويذګرو، جاودګرو او کوډګرو ته ورځي، چې هغه بیا د پيسو په بدل کې تعویذونه او څاښتونه ورکوي.

ډېری په دې باور دي، چې دا ډول کړنې د کورنيو د جنجال لامل کېږي.

سرچينې زياته کړې، چې تېره اوونۍ طالبانو د سرينا هوټل مديريت د اغا خان د پراختيايي شبکې او افغان حکومت ترمنځ د پخواني تفاهم پر خلاف په خپل لاس کې واخيست.

طالبانو تر اوسه په دې اړه څه نه دي ویلي.

افغانستان انټرنشنل د اغا خان د پراختيايي شبکې له مسوولينو د سرينا هوټل د اوسني وضعيت په اړه وپوښتل، خو ويې ويل چې په دې اړه څه نه وايي.

کابل ته د طالبانو له راتګ وروسته د کابل سرینا هوټل د لوړ پوړو بهرنیو چارواکو او میلمنو شخصیتونو لکه د پاکستان د استخباراتو د ادارې «ای ایس ای» مشر فیض حمید او د امریکا د مرکزي استخباراتو د ادارې مشر ویلیم برنز کوربه و.

دا هوټل چې د کابل ښار په مرکز کې جوړ شوی او ښکلي باغونه ترې چاپېر دي، په افغانستان کې د بیارغونې له مهمو پروژو شمیرل کیږي.

د اغا خان پرمختیايي شبکې د دغه هوټل د جوړولو لګښت ۲۵ میلیونه ډالره اعلان کړی دی.

د روسیې تاس خبري اژانس د خبر له مخې، د کابل ـ کندهار پر عمومي سړک د خونړۍ ترافیکي پیښې په تړاو د روسیې د بهرنیو چارو وزارت په اعلامیه کې لیکلي«مسکو په ډیرې خواشنۍ سره د افغانستان د کابل ـ کندهار لویې لارې په اوږدو کې غمجنې ترافیکي پیښې په اړه خبر ترلاسه کړ، د ډیسمبر د ۱۹ نیټې په لومړنیو ساعتونو کې کڼ شمېر خلګ ووژل شول. د معلوماتو له مخې د سپرلۍ بسونو او د تیلو د ټانکر ترمنځ ټکر له ۵۰ خه ډیر کسان مړه او له ۷۰ ډیر یې ټپیان کړل.»

د روسیې د بهرنیو چارو وزارت په دغه اعلامیه کې د افغانستان له خلګو او په یاده ترافیکي پیښه کې د مړو کسانو کورنیو سره خپله خواخوږي او د ټپیانو د ژر غیدو هیله څرګنده کړې ده.

درې ورځې وړاندې د کابل ـ کندهار پر لویه لاره په غزني ولایت کې په دوو جلا جلا پېښو کې تر ۵۰ ډیر کسان مړه او شاوخوا ۸۰ نور ټبیان شول.

د پېښې په ورځ طالبانو د کابل- هرات اړوند د دوو ټرانسپورټي شرکتونو د فعالیت ځنډولو خبره وکړه.

بل خوا د لیندۍ په ۲۹مه نېټه کابل کې د ایمرجنسي روغتون د یوه راپور په خپرولو سره وویل، چې پر افغانستان د طالبانو له واکمنېدو وروسته دغه هېواد کې د ټولو ترافیکي پېښو شمېر ۵ برابره شوی.

د ایمرجنسي روغتون د شمېرو له مخې، د ۲۰۲۲ کال له مارچ د ۲۰۲۴ کال تر مارچ پورې ثبت شویو شمېرو کې په افغانستان کې د ترافیکو پېښو ۷۸،۵ سلنه زیاتوالی ښیي.

په راپور کې ویل شوي، چې په دې موده کې د ترافیکې پېښو شمېر له ۲زره ۶۶۲ څخه ۵زره ۵۲۰ ته لوړ شوی دی.

د ايمرجنسي د مالوماتو له مخي، د سړکونو د خراب حالت او تېز سرعت سره د ځمکې ښويېدو او د سړکونو د مقرراتو د نه مراعت له امله هم ډېرې پېښې کېږي.

په راپور کې راغلي، چې په افغانستان کې مسافرین نقلیه وسایل نه لري او د پراخې بې وزلۍ معنا دا ده، چې ډېر خلک د اوږد واټن سفر لپاره په یوه موټر کې تګ راتګ کوي

پښتون سیاستوال او د پاکستان د مشرانو جرګې پخواني غړي افراسیاب خټک د تېرې جمعې په ورځ «د لیندۍ ۳۰مه» د افغانستان انټرنشنل پښتو په سپېس کې په پيښور کې په پښتو ژبه کې د داعش لپاره د کتابونو له چاپېدو پرده پورته کړه.

افراسیاب خټک وايي:« مونږ دې پیښور کې لیدلي چې په ۸۰م کال کې د مجاهدینو لپاره کتابونه چاپېدل، بیا په ۱۹۹۰ کال کې د طالبانو لپاره د ادبیاتو کتابونه چاپېدل، او اوس د داعش لپاره کتابونه چاپېږي»

ښاغلی خټګ وايي چې خپله یې په پښتو کې د داعش کتابونه لیدلي چې ډېر خطرناکې خبرې په کې لیکل شوې دي.

افراسیاب خټګ وايي چې داعش د ډیورنډ په فرضي کرښې په شاوخوا کې فعالیت لري او په جمهوري حکومت کې هم داعش د افغانستان ختیځو ولایتونو کې حضور درلود؛ نو دوی ته د پښتونخوا اکمالات کېدل.

دغه پښتون سیاستوال په دې باور دی چې داعش د سیمې لپاره یو نوی لوبغاړی دی او دا ډېر خطرناک دی چې نړیواله پرمختللې ټیکنالوژي په اختیار کې لري.

که څه هم ښاغلي خټګ د کومو هېوادونو نومونه په ډاکه نه کړل خو وویل چې داعش ته نړیوالې مرستې را روانې دي.

خټک وايي چې د دې حالتو د کنټرول لپاره یوازینۍ لاره د حکومتونو لپاره د ملت راټولول دي، چې ترڅو د دې راروانو خطرناکو لوبو مقابله وکړي.

د طالبانو د بهرنيو چارو وزير امیرخان متقي په پکتيا کې د خلیل الرحمان حقاني د جنازې په مراسيمو کې وویل، چې په تېرو ۷ مياشتو کې داعش ډلې په افغانستان کې ۷ بريدونه کړې، چې ۶ يې د افغانستان څخه بهر پلان شوي وو.