د سویلي کوریا څېړونکو یو پرمختللی روباټ جوړ کړی چې د شلو او معیوبو کسانو لپاره تخیل په حقیقت بدلوي. دا وسیله، چې د کوریا پرمختللي ساینس او ټکنالوژۍ انسټیټیوټ (KAIST) جوړه کړې، کاروونکو ته اجازه ورکوي چې تګ وکړي، له خنډونو تېر شي او پر زینو پورته شي.
واک ان سوټ F1 چې ۵۰ کیلو ګرامه (۱۱۰ پونډه) وزن لري، له المونیم او ټایټانیم څخه جوړ شوی؛ په ۱۲ بریښنایی موتورونو چلیږي او د انسان د مفصلونو حرکات تقلیدوي. په دې وسیله کې سینسرونه او په مصنوعي ځیرکتیا سمبالې سترګې نصب شوې چې د کاروونکي حرکات اټکل کوي او د خنډونو د مخنیوي لپاره د شاوخوا چاپېریال جاج اخلي.
د یاد انسټیټیوټ یو تن شل څېړونکی کیم سېنګ هوان، چې ددغه روباټ په جوړولو کې یې مرسته کړې، رویټرز ته وویل، چې «دا روبوټ هر ځای زما خوا ته راځي، حتا کله چې په ویلچیر کې ناست یم، زما په راپورته کولو کې مرسته کوي. دا یې یوه بېله ځانګړتیا ده».
نوموړي ددغه روباټ په مرسته په ساعت کې درې عشاریه دوه کیلومټره مزل وکړ او پر زینو پورته شو، په داسې حال کې چې د انډول ساتلو لپاره یې امساوې هم کارولې.
د ټیم بل غړي، پارک جونګ سو وویل، چې د دې روباټ الهام د مارول اتل «اوسپنیز سړي» څخه اخیستل شوی.
هغه زیاته کړه، « د اوسپنیز سړي فلم له لیدلو وروسته ما فکر وکړ چې که زه په حقیقي ژوند کې د یوه روباټ له لارې له خلکو سره مرسته وکړم، نو څومره به غوره وي».
د کیم لپاره، واک ان سوټ F1 یوازې د تحرک وسیله نه ده. هغه وايي، « ما غوښتل خپل زوی ته وښیم چې زه هم یو وخت کولی شم په پښو وګرځم او له ده سره مختلفې تجربې شریکې کړم».
د کوریا پرمختللي ساینس او ټکنالوژۍ انسټیټیوټ څېړونکي غواړي دا ټکنالوژي ورځني ژوند ته په اسانه ننوځي او د مرستندویه وسایلو لپاره په نړیواله کچه یو نوی معیار وټاکي.
۱. د لاسونو پاکوالي ته پام کول
د لاسونو پاکوالی د زکام د مخنیوي تر ټولو اغیزناکه لار ده. د لاسونو د مینځلو لپاره صابون او له ګرمو اوبو څخه ګټه واخلئ، په ځانګړي ډول وروسته له دې چې له خلکو سره په تماس کې شئ یا له عامه ځایونو څخه کور ته راستانه شئ. د الکولي لاس مینځونکو موادو کارول هم اغېزناک وي.
۲. د خولې او پوزې پوښل
په ژمي کې د زکام ویروسونه په ډېره اسانۍ د ټوخېدو، پرنجېدو یا خبرو کولو پر مهال د هوا له لارې خپرېږي. هڅه وکړئ چې د ټوخي او پرنجي پر مهال یو ټوکر خولې ته ونیسئ او یا که ټوکر مو نه لاره په خپلې څنګلې خپله خوله پټه کړئ او که ناروغ یاست، ماسک وکاروئ څو نور خلک خوندي پاتې شي.
۳. مناسب خواړه او د مایعاتو څښل
د ژمي په موسم کې هغه خواړه وخورئ چې ویټامین سي او انټي اکسیدنټونه ولري، لکه نارنج، لیمو، کینو، شنه سبزيجات او تازه مېوې.
سربېره پر دې، ګرم څښاک لکه؛ شیدې، چای، سوپ او ښوروا مو بدن ګرم ساتي او د زکام خطر کموي.
۴. کافي خوب کول
د روغ بدن لپاره مناسب خوب اړین دی. د شپې لږ تر لږه ۷ تر ۸ ساعته خوب وکړئ چې دفاعي سیستم مو پیاوړی پاتې شي. کم خوبي د ناروغیو پر وړاندې د بدن مقاومت کمزوری کوي.
۵. له ناروغانو فاصله ساتل
که څوک زکام وي، هڅه وکړئ چې له هغوی سره مستقیمه اړیکه ونه لرئ. د هغوی د استعمال شیانو لکه؛ ګیلاس، ټوکر، یا د کار ځای ته له لاس ور وړلو ډډه وکړئ.
۶. ځان ګرم ساتل
په ژمي کې د ګرمو جامو اغوستل او د کور دننه د خونې مناسب ګرم ساتل ډېر مهم دي. سړه هوا د زکام ویروسونو لپاره مناسبه ده، نو ځان ګرم وساتئ.
۷. واکسین اخیستل
د زکام ضد واکسین کولی شي ستاسې د ناروغېدو خطر کم کړي. که مو روغتیایي مرکز کې د واکسین کولو فرصت وي، دا ګام واخلئ څو ځان او خپله کورنۍ خوندي وساتئ.
پایله
زکام د ژمي یوه عامه ناروغي ده، خو په ساده تدابیر د دې ناروغۍ خطر ډېر کمولی شئ.
د لاسونو پاکوالی، مناسب خواړه، کافي خوب او له ناروغانو فاصله ساتل هغه مهم اقدامات دي چې تاسې له زکام څخه ژغورلی شي.
د دې تدابیرو په عملي کولو سره به تاسې د ژمي په موسم کې روغ او تازه پاتې شئ.
