د بشري حقونو سازمان حال وش وايي، د ایران حکومت د دغه هیواد د مشهد په وکیل اباد زندان کې یو افغان وګړی په دار ځړولي دی. د ایران د بشري حقونو سازمان ویلي، چې د ایران حکومت یوازې په لیندۍ میاشت کې د افغانانو په ګډون ۱۳۱ تنه اعدام کړي.
د بشري حقونو سازمان حال وش نن پنجشنبه د (مرغومي شپږمه) د یوې خبرپاڼې په خپرولو سره ویلي، چې د ایران حکومت د مشهد په وکیل اباد زندان کې یو افغان وګړی اعدام کړی دی.
ویل کیږي دغه کسان د «مخدره توکو چاقاق» په تور په اعدام محکوم شوی و، په دار ځړول شوی.
د عبدالرحمان اسحاقزی په نوم دغه اعدام شوی کس د افغانستان د فراه ولایت اصلي اوسیدونکی دی چې د نشهيي توکو د قاچاقو په تور په دار شوی.
د دغه بندي د اعدام خبر د ایراني رسنیو او یا حکومتي سرچینو له لوري د دغه خبر تر لیکلو پورې نه دی خپور شوی.
د هغو بندیانو اعدامول چې د «مخدره توکو د قاچاقو» په تورونو اعدام شوي، له تېرو څلورو کلونو راهیسې په پرله پسې توګه او هر کال زیات شوي دي. د ۲۰۲۲ پرتله، چې ۲۵۶ کسان د «مخدره توکو قاچاق» په تور اعدام شوي، په ۲۰۲۳ کې ۸۴٪ زیاتوالی په کې راغلی او په دې لړ کې ۴۷۱ اعدامونه ثبت شوي.
د ایران د بشري حقونو سازمان ویلي، چې د دغه هیواد حکومت په تېره نومبر میاشت کې د ۱۲ افغانانو په ګډون ۱۴۴ زندانیان په ایران کې اعدام کړي دي. دغه سازمان وايي، په اعدام شویو کې څلور ښځې، یو یهودي-ایرانی وګړی او یو ذهني ناروغ هم شامل و.
د ایران د بشري حقونو سازمان ویلي چې ایران یوازې په اکتوبر میاشت کې د ۱۳ افغانانو په ګډون لږ تر لږه ۱۶۶ کسان اعدام کړي.
پر بشري حقونو د څار سازمان هم په ایران کې د اعدام سزا پر ډیروالي اندېښنه ښودلې او د دغې سزا د لغوه کېدو غوښتنه یې کړې.
