دغه لوبه چې پنځه ورځې وړاندې د زېمبابوې په کوربه توب پیل شوې وه، حشمت الله شهیدي پکې ۲۴۶، رحمت شاه زرمتي ۲۳۴ او افسر ځاځي ۱۱۳ منډې جوړې کړې او د لوبې غوره لوبغاړی لوبډلمشر حشمت الله شهیدي اعلان شو.
د زېمبابوې په کوربه توب دغه ټېسټ لوبه پنځه ورځې وړاندې د زېمبابوې په بولاوایو لوبغالې کې پیل شوه.
د لوبې پچه کوربه لوبډلې ګټلې وه او لومړی یې د توپ وهنې پرېکړه وکړه.
د زېمبابوې لوبډلې د لوبې په لومړۍ پاڼۍ کې د ټولو لو بغاړو په سوځېدو سره ۵۸۶ منډې جوړې کړې.
په توپ وهنه کې د زېمبابوې دریو لوبغاړو سلیزې هم وکړې.
د لوبې په دویمه پاڼۍ کې که څه هم د افغان لوبډلې د پیلیزو توپ وهونکو پیل ښه نه و او د ډیرو کمو منډو په جوړولو سره یې خپلې ویکټې له لاسه ورکړې، خو رحمت شاه زرمتي او لوبډلمشر حشمت الله شهیدي د لوبې پر درېیمه ورځ پر ویکټه د پاتې کېدو ریکارډ هم جوړ کړ.
افغانستان د توپ وهنې په برخه کې حشمت الله شهیدي ۲۴۶، رحمت شاه زرمتي ۲۳۴ او افسر ځاځي ۱۱۳ منډو په مټ ۶۶۹ منډې جوړې کړې.
د لوبې په وروستۍ ورځ د زېمبابوې لوبډله د افغانستان له لوري د ورکړي هدف پوره کېدو په موخه لوبغالې ته راښکته شوه، خو د لوبې په جریان کې د ورښت له امله کوربه لوبډلې ونه شوای کړای چې پاتې اورونه ولوبوي.
افغان کرېکټ بورډ د یادې لوبې په اړه پر خپل اېکس پاڼه لیکلي، چې لوبه د دواړو لوبډلو ترمنځ بې پایلې اعلان شوه.
د افغانستان او زېمبابوې ترمنځ دویمه ټېسټ لوبه د پنجشنبې پر ورځ ترسره کیږي.
