مصري هلک په یوه وخت له درېیو نجونو سره په واده کولو ټول حیران کړل
عربي رسنیو راپور ورکړی، چې یوه ځوان له درېیو نجونو اسما، بوسي او امیره سره واده کړی او درې واړه له دې واده خوشحاله دي.
عربي رسنیو راپور ورکړی، چې یوه ځوان له درېیو نجونو اسما، بوسي او امیره سره واده کړی او درې واړه له دې واده خوشحاله دي.
د راپورونو له مخې، د ځوان تر څنګ درې واړه ناویانو ته هم د سینګار سالون یو ځای غوره شوی و.
د دغه واده ویډیو پر ټولنیزو رسنیو خپره شوې او په ویډیو کې لیدل کېږی، چې درې واړه ناویانو سپینې جامې په تن کړي دي.
دغه ځوان وایي، چې له درې واړو نجونو سره یې په مینه واده کړی.
هغه زیاتوي: «امیره زما ګاونډۍ وه چې زما لومړۍ مینه ده، بیا مې له بوسي سره مینه پیدا شوه او بیا هم اسما سره. بیا ما درې واړه د واده لپاره راضي کړې.»
جالبه ده، ما اورېدلي، چې مینه یو ځل کېږي، خو زه چې د یوې نجلۍ له لید څخه ورته ګورم مینه په یوه وخت یو انسان سره کېږي.
تاسو څه فکر کوئ ایا په یوه وخت له یوه انسان څخه ډېرو انسانانو سره مینه کېږي؟
انسان څو ځله میین کېدلی شي؟
تاسو واده په خپله خوښه کړې یا د کورنۍ؟
څو ودونه مو کړي؟
دغه پوښتنې د دې لپاره کوم چې ډېری خلک له یوه څخه زیات ودونه کوي او له دوو یا درېیو مېرمنو سره ژوند کوي، خو داسې ډېر کم رامنځته شوي چې مېرمنې دې له دې وضعیت څخه خوشحاله وي او یا دې هم رضایت ولري.
ایا پوهېږۍ په خوب کې خرېدل یوازې ستاسو د کورنۍ خوب نه ګډوډوي بلکې د مختلفو روغتیایي ستونزو ګواښ هم زیاتوي. د خوندورو خوړو په خوړولو سره کولی شئ چې د خرېدو ستونزه تر ډېره کنټرول کړئ.
باید ووایم، چې دا زما خبره نه ده بلکې د سلېپ میډيسن په نامه ژورنال یوه طبي څېړنه خپره کړې چې دا موضوع یې په ډاګه کړې ده.
دغه څېړنه ښیي، چې د پنیر خوړل د سلیپ اپنیا په نوم د تنفسي ناروغۍ د رامینځته کېدو ګواښ کموي. د خوب د اپنیا په ناروغانو کې ترټولو عام نښه په خوب کې خرېدل دي.
هغه خلک چې د خوب په اپنیا ناروغۍ اخته وي د خوب په وخت کې د دوی په تنفس کې پرله پسې وقفې تجربه کوي، کوم چې د خرېدو ګواښ او همدارنګه یو شمېر طبي پیچلتیاوې زیاتوي.
څیړنې څرګنده کړې، چې د پنیر خوړل په بدن کې په ځینو هورمونونو او مرکباتو اغیز لري. په ځانګړې توګه، پنیر په یوریا او ټسټورسټون باندې اغیزه کوي، چې دواړه د خوب د اپینا سره تړاو لري.
څیړنې دا نه دي په ډاګه کړي چې کوم ډول پنیر او څومره خوراک یې ډېر ګټور دی.
یوازې همدومره په ډاګه شوې چې د پنیر خوراک روښانه او مثبتې اغیزې لري. مګر د هر څه ډېر خوړل په دې مانا نه ده چې ډېره ګټه به لري. هر څه باید په اندازه وخوړل شي.
د څېړونکو په وینا، د خوړو او د خوب د اپینا ترمنځ د اړیکو د پوهېدو لپاره لا زیاتو څېړنو ته اړتیا ده.
د دوی په وینا، دا څیړنه په ځینو برخو کې محدوده وه ځکه چې په دې کې یوازې اروپایان شامل وو.
څېړنکو ویلي چې پنیر به سمدلاسه ستاسو د خرېدو یا د خوب اپنیا درملنه ونه کړي ،مګر تاسو باید انتظار وکړئ.
د څېړنو له مخې، پنیر د کیفیت لرونکي پروټین، کلسیم، شحمي اسیدونه، ویټامینونه او نورې برخې لري چې د روغتیا لپاره ګټې لري.
څیړنې ښودلې چې د زړه شیریانونو او میټابولیک کمزورې روغتیا د خوب د ناروغۍ خطر زیاتوي، مګر په پنیر کې موجود ویټامینونه کولی شي چې د دغه ناورغیو مخه ونیسي.
په یاد مو وي چې څېړونکو ویلي چې له زیات پنېر خوراک ځکه باید ډډه وشي چې ډېره زیاته کالوري لري.
که تاسو ډیر پنیر وخورئ، نو په تاسو کې به د چاغۍ خطر ډېر شي او چاغي یو له هغو مهمو فکتورونو څخه ده چې د خوب د ناروغۍ خطر زیاتوي.
تاسو هم کله داسې احساس کړی چې ولې بدرنګه یاست؟ یا مو شاوخوا کورنۍ او ملګرو کې درته شکایت کړئ ،چې بدرنګه دي او له دې اړخه ځوریږي؟
زه ولې بدرنګه یم یا زه ولې ښکلې/ ښکلی نه یم احساس ډېر ځورونکی، دروند او دردونکی دی. دغه ډول احساسات کولی، شي زموږ باور او خوشالۍ ته زیان ورسوي.
الله (ج) هېڅ انسان بدرنګ نه دی پیدا کړی او هېڅ انسان بدرنګه نه دی.
د ښکلا تعریف یوازې د ظاهري بڼې پورې محدود نه دی، بلکه هغه ټول خصوصیات او ځانګړتیاوې چې موږ یې په ځان کې لرو، د هغه یوه پراخه او ژوره انځور جوړوي.
که چېرې موږ ځان بدرنګه احساسوو، باید ځان د خپلې کورنۍ د غړو، دوستانو او هر هغه چا له نظره وګورو، چې موږ ورسره په ورځنیو چارو کې سر و کار لرو.
ډېری وخت موږ بدرنګه نه یوو، خو یوازې احساسوو یې چې بدرنګه یوو.
زه یوه نجلۍ پېژنم چې تل له ځان څخه شکایت کوي.
هغه تل وایي، چې زه ښکلې نه یم، بدرنګه یم، یوه بریالۍ مېرمنه نه یم، په ژوند کې هېڅ نه لرم، زه چاغه یم، هېڅوک راسره مینه نه لري او د هېچا نه یم خوښه، ان کله کله وژاړي چې ولې داسې ده، خو په حقیقت کې چې ورته وګورې هم ښکلې ده، هم یې وزن مناسب دی، هم ښه کورنۍ لري، هم ښه دنده لري، هم ښه دوستان لري چې په هر چا ګرانه ده.
خو اساسي پوښتنه دا ده، چې ولې دغه نجلۍ او دې ته ورته نور خلک له داسې یو حس سره مخ دي چې ځورونکی دی؟
که تاسو داسې احساسوئ، چې بدرنګه یاست او تل له دې اړخه ځوریږئ، ښایي دا رواني او ذهني عوامل ولري.
دلته یې څو عامو لاملونو ته اشاره کوو:
د ټولنیزو فشارونو اغېزه:
په هره ټولنه کې د ښکلا معیار توپیر لري.
په کوم چاپیریال کې چې موږ ژوند کوو، ښایي ځانګړي د ښکلا او بدن معیارونه په کې موجود وي او کله چې موږ ځان له هغو معیارونو سره پرتله کوو، ګورو چې ترې توپیر لرو ،
د "ښکلا" د یوې ځانګړې بڼې د ترلاسه کولو فشار زموږ په ذهن کې رامنځته کوي او همدا ده، چې ښایي دا احساس وکړئ چې تاسو بدرنګه یاست.
د ځان پرتله کول:
ځیني وختونه له نورو سره د ځآن پرتله کول، په ځانګړې توګه د ټلویزیون خبریالانو، فلمي ستورو، سندرغاړو په ټولنیزو شبکو کې له ځینو خلکو سره د ځان پرتله کول موږ ته داسې احساس راکوي، چې موږ ډېر کمزوري یوو.
دغه پرتله کول باعث د دې کېږي، چې ذهن کې مو منفي فکرونه ځای پیدا کړي او نتیجه یې دا شي، چې موږ داسې احساسوو چې ډېر بدرنګه یوو.
د بدن ډیسمورفي:
بدن ډيسمورفي (body dysmorphia) یو رواني حالت دی، چې انسان د ځان په اړه غلط فکرونه او قضاوتونه کوي او په ځان کې مثبت څه لیدل د ځان په اړه منفي خبرې او فکرونه کوي.
که دا ډول احساسات دوام وکړي، باید رواني مرستې او یا هم مشورې ترلاسه شي.
ځان په اړه ټیټ قضاوت:
کله چې انسان د خپل ځان د ښکلا په معیار کې کم ارزښته ارزوي دا د هغې د ټولنیزو فشارونو یا د تېرو تجربو په بنسټ رامنځته کیږي.
دا ډول باورونه زموږ د ذهن په ځینو برخو کې پاتې کېږي.
څنګه له دې حالت څخه راووځو؟
په ځان مهربانه اوسئ:
هڅه وکړئ چې خپل منفي فکرونه لرې کړئ، له ځان سره په مینه او درنښت خبرې وکړئ.
د ځان ستاینه وکړئ، چې کله کومه لاسته راوړنه لرلې او که ډېره وړه هم وي ځان خپله په یوې ډالۍ ونازوئ، دا ستاسو ذهن ته مثبت پیغام رسوي.
مثبت فکرونه تمرین کړئ:
هره ورځ د ځان په اړه یو مثبت فکر خپل کړئ.
د دې فکرونو تکرار به ستاسو ذهن ته مثبت انځورونه ورکړي.
لکه «زه یوه ځانګړې انسان یم، زه هغه څه یم چې د نړۍ لپاره ځانګړی ارزښت لرم. زه ډېره مهربانه/ مهربان یم، زه ډېره ښکلې یم، نړۍ باید خوشاله وي چې زما په څېر ښکلې/ ښکلی انسان په کې ژوند کوي، زه د هر کار د ترسره کولو ځواک و ړتیا لرم.»
د بدن د تصویر مثبت پوهه:
د بدن شکل یوازې یوه لنډمهاله برخه ده، چې د وخت او عمر له تېرېدو سره بدلېږي.
د بدن د هرې برخې یا شکل سره مینه وکړئ، ځکه چې ستاسو بدن یوازې ستاسو فزیکي اړخ نه دی، بلکې ستاسو ځواک، انرژي او ستاسو د ژوند برخه ده.
د ټولنیزو معیارونو څخه ازادي:
هڅه وکړئ، چې د نورو سره د خپل ځان پرتله کول بند کړئ.
هر انسان خپل ځانګړی شکل، شخصیت، ژوند او ښکلا لري.
ستاسو ښکلا یوازې ستاسو ځانګړتیاوو، شخصیت او د نورو سره د اړیکو له مخې ټاکل کېږي.
د منفي فکرونو مقابلې لپاره ملاتړ ترلاسه کړئ:
که چیرې دا احساسات دوام وکړي، له یوه مشاور یا روان پوه سره خبرې وکړئ.
د دوی ملاتړ او لارښوونه ستاسو ذهن ته یو نوی لید درکوي او د ځان په اړه منفي افکارو سره مبارزه کې مرسته کوي.
زما په اند هېڅ انسان بدرنګه نه دی او هر انسان ښکلی دی.
د ښکلا مفهوم پراخ دی او یوازې د ظاهري بڼې پورې تړاو نه لري. ستاسو شخصیت، اخلاق، وړتیاوې، او داخلي ښکلا هغه څه دي، چې تاسو ته ځانګړې او مکمله ښکلا درکوي.
له ځان سره مهرباني، د مثبت فکرونو تمرین، او د ټولنیزو فشارونو څخه ازادي ستاسو د داخلي او ظاهري ښکلا پیاوړي کولو کې مرسته کولی شي.
له یاده مه باسه، چې ته ډېره ښکلې/ ډېر ښکلی یې.
د ازبکستان په یوه ژوبڼ کې یوه سړي د خپلې کوژدنې د خوشحاله کولو لپاره د زمريو پنجرې ته له ننوتلو وروسته د زمريو خوراک شو.
د بهرنیو رسنیو د راپورونو له مخې، ۴۴ کلن اېف اېرسکولو تېره میاشت د ازبکستان په یوه ژوبڼ کې د ساتنونکي په توګه کار کاوه.
هغه د خپلې کوژدنې د متاثره کولو لپاره د درېیو زمریو پنجرې ته داخل شو، خپل ټلیفون یې راواخیست او د ریکارډ لپاره یې چمتو کړ، چې په همدې وخت کې زمریو پرې برید وکړ.
له دې سره اېرسکولو د زمریو خوراک شو او وروستۍ چیغې او ویر یې په ګرځنډه ټلیفون کې وروستي ثبت شوي غږونه شول.
هغه ویډیویې کلیپ کې چې د اېرسکولو له ټلیفون څخه ترلاسه شوی ښيي، چې هغه د شپې د زمریانو پنجرې ته ننوځي، زمري خلاصوي او خپلې کوژدنې ته په خطاب کې له زمریو سره خبرې کوي.
مګر اېرسکولو ته د وږو زمریانو خلاصول ګران تمام شول او د هغه د مرګ لامل شو.
د اېف ایرسکولو پاتې شونې څلور ساعته وروسته د زمريانو له پنجرې څخه واېستل شول او د ژوبڼ مدیریت تایید کړه، چې درې زمریان د ژوبڼ پر ساتونکي له برید وروسته له ژوبڼ څخه تښتیدلي، چې یو یې له تعقیب وروسته په ډزو وویشتل شو.
د پولیسو په وینا، د ژوبڼ ساتونکی د زمریو یو تجربه لرونکی ساتونکی و.
ناسا د جمعې په ورځ اعلان وکړ، چې په پرله پسې توګه تېرو دوو کلونو د نړۍ د تودوخي ریکارډونه مات کړي دي. د دغې ادارې څېړنو موندلي، چې ۲۰۲۴ لږترلږه له ۱۸۸۰کال راهیسې د بل هر کال په پرتله ګرم کال و. تر دې مخکې ۲۰۲۳ کال د سیارې تر ټولو ګرم کال په نښه شوی و.
اقلیمي ساینس پوهانو خبرداری ورکړی، چې د نمونوي وړاندوینو له مخې په پرله پسې توکه د تودوخې مرحلې د دوامداره تګلارې برخه ګرځېدلې.
د ناسا مدیر بل نیلسن وویل: "یو ځل بیا، د تودوخې ریکارډ مات شو ۲۰۲۴ کال تر ټولو ګرم کال و.»
نوموړي زیاته کړه:"د ریکارډ ماتولو تودوخې او د ځنګلونو اورونو ترمنځ چې اوس مهال په کالیفورنیا کې زموږ مرکزونه او کاري ځواک ګواښي، دا زموږ د بدلېدونکي سیارې په اړه پوهیدل."
د ناسا ساینس پوهانو اټکل کړی و، چې په ۲۰۲۴ کې، ځمکه د ۱۹ پیړۍ له نیمایي څخه د اوسط په پرتله شاوخوا ۲.۶۵ درجې فارنهایټ (۱.۴۷ درجې سانتي ګراد) ګرمه وه.
د ۲۰۲۳ د جون څخه تر اګست ۲۰۲۴ پورې، سیارې د میاشتنۍ تودوخې ۱۵ پرله پسې میاشتنې ریکارډونه ثبت کړي، چې د ناسا ساینس پوهانو د "بې ساري تودوخې لړۍ" بللې.
د اروپایي اتحادیې کوپرنیکس د اقلیم بدلون د جمعې په ورځ اعلان وکړ چې د هغوی د څېړنو له مخې، ۲۰۲۴ لومړی بشپړ کال و چې د نړۍ تودوخه د ۱.۵ درجې سانتي ګراد څخه لوړه وه.
یاده دې وي چې هېوادونو د ۲۰۱۵ کې په پاریس تړون کې موافقه وکړه، چې د نړۍ تودوخې ۱.۵ درجې سانټي ګرېټ څخه (۲.۷درجې فارنهایټ) ته محدود کړي ترڅو د اقلیم د بدلون ترټولو ناوریني پایلو مخه ونیسي.
قهوه په نړۍ کې تر ټولو مشهور څښاک ګڼل کېږي او د روغتیا لپاره هم ډېره ګټوره ده، خو ایا پوهېږئ چې د ورځې کوم وخت کې د قهوې څښل د روغتیا لپاره ډېره ګټه لري؟ ستاسو قهوه خوښه ده؟ کوم ډول قهوه مو خوښه ده؟ د ورځې څو پیالې قهوه څښئ؟ قوه د خوښې له مخې څښئ یا د عادت له مخې؟
که زه دغې پوښتنې ته ځواب وویم نو زه کافي د خوښې له مخې څښم. په ځانګړې توګه د ژمي په سړې هوا کې ګرمه ترخه کافي، پلي تګ او زما د خوښې د سندرو لېست اوریدل یو بیل کیفیت لري او دا ټول زما د قهوې خوند څو چنده کوي.
نه غواړم چې د خپلې خوښې ټول داستان باندې مو ستړي کړم . راځم دې ته چې د ورځې کوم وخت کې د قهوې څښل د روغتیا لپاره ډېره ګټه لري. په امریکا کې یوې طبي څېړنه ښیي چې د سهار له خوا د دې ګرم څښاک څښل د ورځې د نورو وختونو په پرتله د روغتیا لپاره ګټوره ده.
په متحده ایالاتو کې د (Tulane) پوهنتون یوې څېړنې په ۴۰،۰۰۰ خلکو باندې د قهوې اغیزې څېړلي کړي.
څیړنو موندلې چې د سهار قهوه څښونکي د هر لامل (یا ناروغۍ) له امله د وخت څخه مخکې د زیږون خطر ۱۶ فیصده کموي او د فالج په ګډون د زړه د ناروغیو له امله د مړینې خطر ۱۳ فیصده کموي.
څېړونکو ویلي، پرته له دې چې قهوه څښئ یا نه، خو د څښاک وخت هم د روغتیا لپاره مهم دی.
په څېړنه کې د شاملو کسانو غذايي عادتونه له ۱۹۹۹ څخه تر ۲۰۱۸ کلونو پورې څېړل شوي، چې ۳۶ سلنه یې د سهار له قهوې څښلو سره عادت شوي، په داسې حال کې چې ۱۶ سلنه یې د ورځې په نورو وختونو کې له دې ګرمو مشروباتو خوند اخلي.
د څېړونکو په وینا، د سهار وختي قهوه څښونکي د وخت څخه مخکې د مړینې خطر کموي.
په هرصورت، پایلو دا هم په ګوته کړې، چې د ماښام په پرتله په سهار کې د قهوې څښل د زړه لپاره غوره دي، مګر دا یې نه ده څرګنده کړې چې ولې.
څیړونکي په دې باور دي چې د دې یو لامل کیدای شي دا وي چې د ماښام د قهوې څښل د بدن په داخلي حالت او خوب اغیزه کوي چې د وینې فشار او اذیما زیاتوي.
دا دواړه عوامل د زړه روغتیا ته زیان رسوي.
د دغې څېړنې پایلې د یوروپین هارټ ژورنال کې خپرې شوې.
بل خوا د ډسمبر په ۲۰۲۴ کې په پرتګال کې د کویمبرا پوهنتون څېړنو وموندله چې د قهوې منظم مصرف کولی شي اوسط عمر ۱.۸ کاله زیات کړي.
دې څېړنې د تېرو ۵۰ څېړنیزو راپورونو څخه د مالوماتو له مخې د خلکو په روغتیا باندې د قهوې څښلو اغیزې یې لیدلي.
څېړنو موندلې چې هره ورځ د قهوې څښل د انسان عمر زیاتوي او د ګڼو ناروغیو خطر کموي.
څیړنې ښيي چې د قهوې څښل د زړه ناروغۍ، د سږو ناروغۍ، پپوسانو، د سرطان ځینې ډولونه، د شکر ناروغۍ، ډیمنشیا او ډیپریشن خطر کموي.
همدا رنګه دا ګرم څښاک د عضلاتو او معافیت روغتیا لپاره هم ګټور دی.
د دې څیړنې موندنې د جرنل ایجنګ ریسرچ ریوو ژورنال کې خپرې شوې.
ښه، اوس تاسو ووایاست چې د ورځې څو پیالې قهوه او کوم وخت کې یې څښئ؟