برېتانوي حکومت د چاقو د انلاین پېر لپاره د سختو اقداماتو پرېکړه کړې ده. د برېتانوي رسنیو د راپور له مخې، انلاین شرکتونه باید د چاقو اخیستونکي کس هویت په بشپړه توګه وګوري.
د راپور له مخې، انلاین چاقو پلورونکي به د پېرودونکي د هویت سند، پاسپورټ او نور اسناد وګوري.
پېرودونکی باید د عمر د ثبوت لپاره ژوندۍ ویډیو هم ثبت کړي.
د راپور له مخې، د برېتانیا حکومت دا پرېکړه د تېر کال په جولای کې په ساوټ پورټ کې له پېښې وروسته وکړه.
برېتانوي رسنۍ وايي، چې په ساوټ پورټ کې یوې ۱۷ کلنې نجلۍ په چاقو درې نجونې ووژلې او هغې دا چاقو انلاین پېرلی وو.
د برېتانیا لومړی وزیر سر کییر سټارمر وايي، حیرانوونکې ده چې په دوو کلیکونو سره ماشومان وژونکو وسلو ته لاسرسی مومي.
هغه زیاته کړه، چې دا به نور دوام ونه کړي.
د برېتانیا لومړي وزیر د عمومي ټاکنو له ګټلو مخکې ژمنه کړې وه، چې کله واک ته ورسیږي، نو په هېواد کې د چاقو بریدونو د زیاتوالي د مخنیوي لپاره به اقدام وکړي.
