د متحده ایالاتو سنا مجلس د پنجشنبې په ورځ جان راټکلېف ته د سي ای اې د رییس په توګه د تایید رایه ورکړه. راټکلېف د ولسمشر ډونالډ ټرمپ له خوا د امریکا د لومړۍ څارنې ادارې مشرۍ لپاره نوماند و او د سنا د تصویب ترلاسه کولو وروسته د هغه د کابینې دویم غړی شو.
راټکلېف د ټرمپ په لومړۍ دوره کې د ملي استخباراتو رییس و.
نوموړي د سنا له مجلس ۷۵-۲۵ رایه ترلاسه کړه او ډيموکراټانو رایه ور نه کړه.
د سي ای اې دغه نوی مشر تېره اونۍ د سنا مجلس ته ورمعرفي شوی وو، نوموړي د سنا مجلس ته په خپلو خبرو کې ویلي و، چې د روسیې او چین په ګډون د مخالېفینو سره د مقابلې لپاره د مصنوعي استخباراتو په څېر د ټیکنالوژۍ کارولو په اړه به کار وکړي.
هغه وویل چې متحده ایالات دې ته اړتیا لري چې خپل استخباراتي ظرفیتونه لوړ کړي او همدارنګه د امریکایانو د مدني حقونو ساتنه تضمین کړي.
راټکلېف وویل چې هغه به په سي ای اې فشار راوړي چې اې ای ( AI ) او کوانټم کمپیوټري ټېکنالوژۍ په څېر ټیکنالوژیو د کارولو لپاره ډیر څه وکړي.
