راشد خان د ای سي سي د ۲۰۲۴ کال د شل اوریزې غوره لوبډلې غړی اعلان شو AP ۱۴۰۳ سلواغه ۶ ۱۲:۵۸ GMT تازه شوی: ۱۴:۴۶ GMT
د کرېکټ نړیوالې شورا د ۲۰۲۴ کال د شل اوریزو لوبو غوره لوبډله اعلان کړه، چې له افغان لوبډلې پکې راشد خان غوره شوی دی.
ای سي سي دغه لوبډله د روهیت شرما په لوبډلمشرۍ اعلان کړې ده.
د دې وېبپاڼې ټول قانوني حقونه د وولنټ میډیا دي
د کرېکټ نړیوالې شورا د یک شنبې په ورځ د ۲۰۲۴ کال د شل اوریزو لوبو غوره لوبډله اعلان کړه.
په دې لوبډله کې له افغانستان نه راشد خان، له هند نه روهیت شرما، هارډیک پانډیا، بومرا، ارشدیپ سینګ، له اسټرالیا نه ټریویس هیډ، له زېمبابوې نه سکندر رضا، له بریټانیا نه فهیل سالټ، له وېسټ اینډیز نه نیکولاس پوران، له سریلانکا نه هاسارانګا او له پاکستان نه بابر اعظم غوره شوي دي.
د کرېکټ نړیواله شورا وايي، یادو لوبغاړو په ۲۰۲۴ کال کې د لوبو په ګټلو سره نړۍ متاثره کړې ده.
ای سي سي د ۲۰۲۴ کال د شل اوریزو لوبو د غوره لوبدلې د لوبغاړو د غوره لوبو معلومات هم خپاره کړي دي.
ای سي سي په خپل راپور کې خان په ۲۰۲۴ کال کې د افغانستان په لوبډله کې یوځل بیا غوره بریدګر توپ اچوونکی یاد کړی او وايي، یوازې په ۱۴ لوبو کې یې په ۹،۵۸ اوسط سره ۳۱ ویکټې اخیستې دي.
د کرېکټ نړیواله شورا وايي، د نړیوال شل اوریز جام پر مهال د راشد خان د لوبې انداز غوره و او په دوامداره توګه د نړۍ هر توپ وهونکي ته یې لوبول ستونزمن دي.
د ۲۰۲۴ کال شل اوریز نړیوال جام کې د راشد خان په لوبډلمشرۍ په لومړي ځل افغان لوبډله تر نیمه پایلوبې ورسیده.
همدارنګه ای سي سي د راشد خان په اړه ویلي، چې هغه یو جادوګر توپ اچوونکی دی او د نړۍ د پیاوړو لوبډلو پر وړاندې یې د افغانستان په بري کې مهم رول لوبولی دی.
د افغانستان د شل اوریزه ملي لوبدلې لوبډلمشر ای سي سي د روهیت شرما په اړه په خپل راپور کې ویلي، چې ۲۰۲۴ کال د نوموړي لپاره د یوه تاریخي کال په توګه یادیږي، ځکه شرما له څه باندې یوې لسیزې وروسته په خپلې لوبدلمشرۍ د هند لپاره د شل اوریزو لوبو جام وګاټه.
روهیت شرما په ۲۰۲۴ کال کې یوازې په ۱۱ لوبو کې د ۴۲ په اوسط سره ۳۷۸ منډې جوړې کړې.
روهیت شرما په شل اوریز نړیوال جام کې یو له غوره توپ وهونکو شمېرل کیږي او د دغه جام د لوبو پرمهال یې په مهم وخت کې درې نیمې سلیزې جوړې کړې.
هند د ۲۰۲۴ کال د شل اوریزو لوبو نړیوال جام د روهیت شرما په لوبډلمشری وګټی د اسټرالیا لوبډلې د منځنۍ لیکې توپ وهونکی هیډ د یادې لوبډلې د ملا د تیر په توګه یاد شوی او نوموړي په ۲۰۲۴ کال کې د خپلو لوبو پر مهال په پاور پلې کې په نږدې ۱۸۰ سټرایک رېټ سره منډې جوړې کړې دي.
نوموړي په ۱۵ لوبو کې ۳۵،۵۰ په اوسط ۵۳۹ منډې کړې دي چې په دې کې څلور نېمې سلیزې هم شاملې دي.
د اسټرالیا کرېکټ لوبډلې د منځنۍ لیکې توپ وهونکی ټریویس هیډ نوموړيي په ۱۷ لوبو کې د یوې سلیزې په ګډون ۴۶۷ منډې کړې دي.
سالټ د بریټانیا د لوبډلې د توپ وهنې لپاره د مهمې شتمنۍ په توګه یاد شوی او نوموړی د کرېکټ نړیوالې شورا د توپ وهونکو په نوملړ کې په دویم مقام کې دی.
د انګلینډ کرېکټ ملي لوبډلې توپ وهونکی سالټ د پاکستان پیلیز توپ وهونکي بابر اعظم په ۲۴ لوبو کې د شپږنیمو سلیزو په ګډون ۷۳۸ منډې جوړې کړې دي.
ای سی سي وايي، ۳۰ کلن بابر اعظم په لوبه کې د فشار پر مهال د لوبې د کنټرولولو وړتیا لري او نوموړی د کرېکټ نړیوالې شورا د شل اوریزو لوبو د توپ وهنې په نوملړ کې په شپږ مقام کې ځای لري.
د پاکستان د کرېکټ لوبډلې پیلیز توپ وهونکی بابر اعظم پوران په ۲۱ لوبو کې ۲۵،۷۷ په اوسط د دوو نیمه سلیزو په ګډون ۴۶۴ منډې کړې دي.
ای سي سي نیکولاس پوران د منډو جوړولو او ښې ډګر ساتنې ترڅنګ دویسټ انډیز په ځوانه لوبډله کې اړین او اغیزناک بللی دی.
رضا په ۲۴ لوبو کې ۵۷۳ منډې جوړې کړې او ۲۴ ویکټې یې اخیستې دي.
ای سي سي وايي، په ۲۰۲۴ کال کې سکندر رضا د توپ وهنې او توپ اچونې په برخه کې د زېمبابوې لوبډلې لپاره ډیريې لاسته راوړنې لرلې او نوموړی د کرېکټ نړیوالې شورا د شل اوریزو لوبو د الراونډرانو په نوملړ کې په ۷ مقام کې ځای لري.
په ۱۷ لوبو کې په توپ وهنه کې ۳۵۲ منډې کړې او په توپ اچونه کې یې ۱۶ ویکټې اخیستې دي.
په ۲۰۲۴ کال کې نوموړي په خپلو غوره لوبو سره د کرېکت نړیوالې شورا د الراونډرانو ډله کې په لومړي مقام کې دی او ای سي سي نوموړی د ۲۰۲۴ کال شل اوریزو لوبو جام کې د هند لپاره تاثر لرونکی لوبغاړی یاد کړی دی.
په ۲۰ لوبو کې ۱۷۹ منډې جوړې کړې او ۳۸ ویکټې یې اخیستې دي.
ای سي سي وايي، ۲۰۲۴ کال د هسرنګا لپاره غوره کال و او ځان یې د سریلانکا په لوبډله کې د خورا باوري لوبغاړي په ډله کې شامل کړی دی.
هسرنګا د کرېکټ نړیوالې شورا د شل اوریزو لوبو توپ اچوونکو په نوملړ کې په درېیم او د الراونډرانو په نوملړ کې په شپږم مقام کې ځای لري.
د هند تیز توپ اچوونکی بومرا په ۸ لوبو کې ۱۵ ویکټې اخیستې دي او په یوه لوبه کې د ۷ منډو په زیان درې ویکټې ترلاسه کول یې له غوره توپ وهنې څخه یاده شوې ده.
ای سي سي وايي، له شل اوریزو لوبو ور ها خوا نوموړی د کرېکت په ټولو ډولونو کې یو له غوره لوبغاړو شمېرل کیږي.
ارشدیپ په ۱۸ لوبو کې ۳۸ ویکټې اخیستې دي او په یوه لوبه کې د ۹ منډو په زیان سره ۴ ویکیټې اخیستل یې له غوره توپ اچونې ګڼل کیږي.
ای سي سي ویلي، ارشدیپ په وروستیو اورونو کې د هند لپاره غوره توپ اچونه کړې او ډیری وختونه یې لوبې د هند په ګټه اړولې دي.
کرېکټ نړيوالې شورا د جمعې په ورځ د ۲۰۲۴ کال د یو ورځنيو سياليو غوره لوبډله اعلان کړه.
په دې لوبډله کې څلور سريلانکايي، درې افغان، درې پاکستاني او یو د ویسټ انډيز لوبغاړي غوره شوي دي.
کرېکټ نړيوالې شورا دغه لوبغاړي په یو ورځنيو لوبو کې د غوره ځليدو له کبله ټاکلي دي.
په دې لوبډله کې د هند، اسټراليا، انګلنډ، بنګله دېش، سویلي افریقا او نیوزيلنډ لوبغاړي ځکه نه دي غوره شوي، چې دغو هېوادونو په تېر کال کې لږ یو ورځنۍ سیالۍ تر سره کړې.
کريکټ نړيواله شورا د هر کال په وروستيو کې د کرېکټ په ټولو فارمټونو کې غوره لوبډله اعلانوي، چې د نړۍ ستوري ورته ټاکل کيږي.
د کرېکټ د ۱۹ کلنو ښځو د شل اوره نړيوال جام د ۲۳مې سيالۍ پچه کوربه لوبډلې ماليزيا وګټله او ويسټ انډيز ته یې د ټوپوهنې بلنه ورکړه.
ویسټ انډيز په شلو اورونو کې د خپلو ۷ لوبغاړو په سوځېدو ۱۱۲ منډې جوړې کړې.
د ماليزيا د ۱۹ کلنو ښځو کرېکټ لوبډلې په ۱۸م اور کې د خپلو ټولو لوبغاړو په سوځېدو ۵۹ منډې جوړې کړې او دغه سیالي یې د ۵۳ منډو په توپير وبایلله.
د همدې جام په ۲۴مه سيالۍ کې سریلانکا د هند په مقابل کې د لوبې پچه وګټله او لومړۍ يې د توپ اچونې پرېکړه وکړه.
د هند لوبډلې په شلو اورونو کې د خپلو ۹ لوبغاړو په سوځېدو ۱۱۹منډې هدف وټاکه.
سريلانکا دغه هدف پوره نه کړ او د خپلو ټولو لوبغاړو په سوځېدو یې ۵۸ منډې جوړې کړې او د ۶۰ منډو په توپير يې ماتې وخوړه.
د ۱۹ کلنو ښځو دشل اوره نړیوال جام د مالیزیا په جوهر کې روان دی.
د برېتانیا د پارلمان څه باندې ۱۶۰ غړو د انګلستان او ویلز کرېکټ بورډ اجراییوي رییس ته لیکلي، چې د افغانستان پر وړاندې سیالۍ تحریم کړي.
په ۲۰۲۱ کال کې د طالبانو له واک ته رسېدو وروسته، ښځې په سپورټ کې له ګډون څخه منع شوې او د افغانستان د ښځو د کرېکټ ملي لوبډله اړ شوه، چې له هېواده ووځي.
د برېتانوي رسنیو د راپورونو له مخې، هغه وویل: "د یوه لوبغاړي په توګه داسې سیاسي مسایلو په اړه هڅه کېږي، چې د امکان تر کچې پوه اوسئ.»
د برېتانیا د کلتور رسنیو او سپورټ وزیرې لیزا نندي د دې لوبې د ترسره کېدو غوښتنه کړې ده. هغې بي بي سي ته وویل: "زه د سپورټي ټیمونو د تحریم کولو په اړه ډېره محتاطه یم، فکر کوم دغه تحریمونه معکوسه پایله لري."
د دوی په وینا، د افغان کرېکټ لوبډلې تحریم کول به د افغان ښځو په وړاندې د طالبانو پالیسۍ بدلې نه کړي.
د کرېکټ نړيوالې شورا د مالوماتو له مخې د پاکستان او ويسټ انډيز کرېکټ لوبډلو ترمنځ د لومړۍ ټېسټ سيالۍ پچه کوربه هېواد پاکستان وګټله او لومړۍ يې د توپوهنې پرېکړه وکړه.
د پاکستان لوبډلې د لومړۍ ورځي تر پایه ۴ لوبغاړي سوځېدلي او ۱۴۳ منډې يې جوړي کړې دي.
پاکستاني توپوهونکو محمد رضوان په ۸۰ توپونو ۵۱ او سعود شکيل په ۱۰۰ توپونو ۵۶ ناسوځېدلې منډې کړې او سبا به دواړه خپلو کې توپوهنې ته دوام ورکوي.
دغه ټېسټ لړۍ نن جمعه د پاکستان په کوربتوب په ملتان کې پيل شوه.
افغان کرېکټ بورډ د یک شنبې په ورځ د ۲۰۲۵ کال د اتلانو جام(چمپېنز ټرافي) لپاره د حشمت الله شهیدي په لوبډلمشرۍ ۱۹ کسیزه لوبډله اعلان کړه.
کرېکټ بورډ وايي، د افغان ملي لوبډلې پیلز توپ وهونکی ابراهم ځدراڼ چې له تېرو څو میاشتو راهیسې د ښنګري د ټپ له امله له سیالیو بهر شوی و، اوس رغیدلی او له لوبډلې سره یوځای شوی، خو ورو توپ اچوونکی مجییب الرحمن ځدراڼ چې له تېرو څو میاشتو راهیسې د لاس د ګوتو د ټپونو له امله یې درملنه ترسره کېده، د ډاکټرانو د سپارښتنې له امله د یاد نوملړ برخه نه دی او پر ځای یي الله محمد غضنفر په لوبډله کې اخیستل شوی دی.
د ۲۰۲۵ کال اتلانو جام سیالیو لپاره د افغان لوبډلې په نوملړ کۍ حشمت الله شهیدي لوبډلمشر، رحمت شاه زرمتی مرستیال لوبډلمشر، رحمن الله ګربز او اکرام علي خېل ویکټ ساتونکي، ابراهیم ځدراڼ، صدیق الله اتل، عظمت الله عمرزی، محمد نبي، ګلبدین نایب، راشد خان، غضنفر، نور احمد، فضل الحق فاروقي، نوید ځدراڼ او فرید احمد ملک شامل دي. همدارنګه دروېش رسولي، بلال سمیع او ننګییال خروټی د یاد لوملړ په احتیاطي لوبغاړو کې دي.
د افغانستان کرېکټ بورډ عمومي رییس میرویس اشرف وايي، چې «افغان اتلانو په تېرو دوو نړیوالو جامونو کې خورا ښې لوبې وکړې او په ۲۰۲۴ کال شل اوریز نړیوال جام سیالیو کې یې نیمه پایلوبې ته لاره ومونده. په یادو سیالیو کې د هغوی غوره لوبو او د تېر کال په ترڅ کې د بېلابېلو هېوادونو پر وړاندې په دوه اړخیزو سیالیو کې د دوی بریاو ته په کتو موږ هیله من یو چې افغان لوبډله به په اتلانو جام سیالیو کې هم غوره لوبې وکړي.»
دا لومړۍ ځل دی چې افغانستان په اتلانو جام کې لوبیږی او په دې سیالیو کې افغانستان د فبروري میاشتې پر ۲۱مه نېټه د سوېلي افریقا پر وړاندې په کراچۍ کرېکټ لوبغالي کې، د فبروري پر ۲۶مه د بریټانیا پر وړاندې په لارهور کې او د فبروري پر ۲۸مه د اسټرالیا پر وړاندې په لاهور کې د سیالۍ ډګر ته ښکته کیږي.
