ناپېژانده وسله والو په زابل ولایت کې یو قومي مشر په ډزو وژلی دی
سرچینو افغانستان انټرنشنل - پښتو ته وویل، چې د زابل ولایت په میزانه ولسوالۍ کې د حاجې عبدالحلیم اخوندزاده په نوم یو قومي مشر نن د ناپېژانده وسله والو له خوا په ډزو ووژل شو.
سرچینو افغانستان انټرنشنل - پښتو ته وویل، چې د زابل ولایت په میزانه ولسوالۍ کې د حاجې عبدالحلیم اخوندزاده په نوم یو قومي مشر نن د ناپېژانده وسله والو له خوا په ډزو ووژل شو.
سرچینې همداراز ویلي، چې یاد وژل شوی کس د زابل ولایت له مخورو قومي مشرانو او د خپلو خلکو ترمنځ پېژندل شوی شخصیت و.
د سرچینې په وینا، ټاکل شوې چې د ښاغلي عبدالحلیم جنازه د چهارشنبې په ورځ د کلات ښار د باکرزو هدیره کې ترسره شي.
د یادولو ده، چې په زابل ولایت کې د طالبانو امنیتي ادارو تراوسه په دې اړه څه نه دي ویلي او نه هم کومې ډلې د دې پېښې مسوولیت منلی دی.
دا په داسې حال کې ده، چې پر افغانستان د طالبانو له واکمنېدو وروسته د هېواد په بېلابېلو ولایتونو کې په مرموز ډول د قومي مشرانو او د تېر حکومت د امنیتي ځواکونو د وژلو پېښې زیاتې شوې دي.
