خلیلزاد: بریټانیا ته د «اسلام‌اباد قصاب» بلنې ناهیلی کړم

د پاکستان د بهرنیو چارو وزارت له‌خوا په خپرې شوې خبرپاڼه کې راغلي، چې محمد اسحاق ډار په نيويارک کې د ملګرو ملتونو له سرمنشي انتونيو ګوتريئ سره لیدلي دي.

په خبرپآڼه کې راغلي، چې ښاغلي ډار په دغې لیدنه کې د افغانستان دننه او بهر له ترهګرۍ سره د مبارزې په برخه کې د ملګرو ملتونو د ملاتړ غوښتنه وکړه.

خبرپاڼه زیاتوي، چې نوموړي دغه راز د افغانستان له لارې د منځنۍ اسیا او پاکستان تر منځ د نښلوونکو پروژو د پلي کولو په ګډون په افغانستان کې له مېلیونونو بې وزله خلکو سره د بشري مرستو د برابرولو او د دغه هېواد د اقتصادي پراختیا د ودې لپاره د پاکستان پر چمتووالي ټینګار وکړ.

د خبرپاڼې له مخې، ښاغلي ډار په دغې لیدنه کې د سولې، نړۍوال امنیت او اقلیمي بدلون په څېر لویو نړۍوالو ننګونو کې د ملګرو ملتونو په ونډه ټینګار کړی دی.

سربېره پر دې، هغه د ملګرو ملتونو د امنیت شورا د غیر دایمي غړي په توګه د نړۍوالې سولې او امنیت ته دې ودې ورکولو په برخه کې د پاکستان پر ژمنې ټینګار وکړ.

ښاغلي ګوترېش هم په ملګرو ملتونو کې د پاکستان د فعالې ونډې او د ملګرو ملتونو د امن ساتنې د مرستې په بڼه د نړۍوالې سولې او امنيت په ټينګښت کې د پاکستان د ونډې له امله له ښاغلي ډار څخه مننه وکړه.

د بارکهان ولسوالۍ د پولیسو مرستیال خادم حسین رسنیو ته ویلي، چې په یاده پېښه کې اوه مساپر وژل شوي چې ټول یې د پنجاب د بیلابیلو ښارونو سره تړاو لري.

خادم حسین زیاتوي، چې د دغې پېښې مړيیې روغتون ته لېږدولي او د پېښې سیمه کلابنده ده او د دوی پلټنې روانې دي.

د دغه بس د سپرو له ډلې د ذیشان په نوم یو کس وايي، چې په یاده پېښه کې د ده ورور وژل شوی، هغه له رسنیو سره په خبرو کې وویل: «له ۱۰ تر ۱۲ وسله والو بس ودراوه، د ټولو مساپرو پېژندپاڼې یې وکتلې، زما د ورور عدنان پېژندپاڼه یې هم ولیدله او له بس څخه یې کښته کړ، وسله والو زما د ورور په ګډون ټول اوه کسان په ډزو سره ووژل.»

د یادې پېښې یوې بلې ښځې چې وسله والو یې ورور وژلی، جیونیوز ته ویلي: «مونږ له کوټې څخه فیصل اباد ته روان وو، پټمخو وسله والو، زمونږ د سپرلۍ بس ودراوه، زما د ورور پېژندپاڼه یې وکتله او له بس څخه یې کښته کړ، موږ پټ پټ ورکتل، چې وروسته یې په ډزو وواژه.»

بل خوا د بلوچستان ایالت سر وزیر سرفراز بګټي په بارکهان کې د اوو مساپرو وژنه غندلې او زیاته کړې یې ده، «ترهګر بې ګناه خلک وژني، د امن او سولې د دښمنانو دا بزدلانه بریدونه د زغم وړ نه دي او موږ به کلک ځواب ورکړو.»

دا په روان میلادي کال کې د پنجاب او بلوچستان تر منځ پر لاره د دې ډول لومړنۍ پیښه ده.

تر دې وړاندې د ۲۰۲۴ کال په اګسټ میاشت کې پر همدې لاره پر ګاډو بريد کې ۲۲ تنه وژل شوي وو. چې له ډلې يې ۲۰ تنه د پنجاب د بیلابیلو سیمو اوسېدونکي وو.

پاکستاني پوځ په یوه بیان کې د سې شنبه په ورځ وویل، چې د استخباراتي معلوماتو پر بنسټ عملیات د سوېلي وزیرستان په ناامنه قبایلي ولسوالۍ کې ترسره شوي، چې له افغانستان سره ګډه پوله لري.

پاکستاني پوځ د دغو وسله والو په اړه نور جزییات نه دي وړاندې کړي چې کومې ډلې پورې تړلې دي.

دا په داسې حال کې ده، چې تازه د پاکستان د بهرنیو چارو وزیر اسحاق ډار ویلي، چې دا مهال په پاکستان کې وینه توېیدنه د هغو «ترهګرو» د بېرته راستنېدو او له زندانونو څخه د «قاتلانو» د خوشې کېدو پایله ده؛ چې له پولې هاخوا تښتېدلي وو.

اسحاق ډار چې تېره ورځ په نیویارک کې یوې غونډې ته وینا کوله پر طالبانو یو وار بیا غږ کړی، چې باید د پاکستان پر ضد د خپلې خاورې د کارولو مخه ونیسي.
اسحاق ډار زیاته کړه: «په تېرو دوو کلونو کې د ترهګرۍ څپه پراخه شوې ده. موږ باید وڅېړو، چې ولې دغه وضعیت پېښ شوی.»

طالبانو لا د پاکستان د بهرنیو چارو وزیر اسحاق ډار دغو خبرو ته غبرګون نه دی ښودلی.

پاکستان تل افغان طالبان په دې تورن کړي، چې ترهګرو ته اجازه ورکوي څو د افغانستان خاوره د پاکستان پر ضد وکاروي، خو افغان طالبانو دا تورونه تل رد کړی دی.

دغه بیان کې راغلي، د سیمې د پاکولو عملیات لا روان دي که چېرې کوم بل وسله وال ولیدل شي هغه به هم په نښه شي.

په دې وروستیو کې په پاکستان کې ترهګریزو بریدونو کې تر نورو کلونو زیاتوالی راغلی دی.

شمېرې ښیي، چې په ۴۴۴ ترهګریزو بریدونو کې لږ‌تر‌لږه ۶۸۵ کسانو ته مرګ ژوبله اوښتې، چې په تېرو دوو لسیزو کې ۲۰۲۴ کال د پاکستان د امنیتي ځواکونو لپاره تر ټولو خونړۍ کال و.

تحریک طالبان پاکستان د روان کال د جنورۍ په لومړۍ یوه اعلامیه کې ویلي و، چې په تېر ۲۰۲۴ کال کې یې په پاکستان کې ۱۷۵۸ بریدونه کړي، چې له امله یې ۱۲۸۴ پاکستاني سرتېري وژل شوي او ۱۶۶۱ نور ټپیان دي.

ټي ټي پي زیاته کړې وه، چې په دغو بریدونو کې یې د پوځي ودانیو تر څنګ ګڼ وسایط ویجاړ کړي دي.

نوموړي د سې‌شنبه په ورځ (د سلواغې ۳۰مه) د خېبرپښتونخوا په سرحدي سیمو کې امنیتي ستونزو ته په اشارې زیاته کړې، چې دا سیمه له ډېرې مودې راهیسې د ناامنیو شاهده ده.

هغه د افغانستان او پاکستان ترمنځ د ستونزو په حل کې د دوه‌اړخیزو خبرواترو پر مثبت رول ټینګار کړی او په وینا یې، جماعت اسلامي چمتو دی څو په دې برخه کې د رضاکاره منځګړي په توګه ګام پورته کړي.

ورته مهال، د جماعت اسلامي مشر د افغانستان او پاکستان ترمنځ اړیکو ته په اشارې ویلي، چې په افغانستان کې د جمهوري نظام تر پرځېدو وروسته هند وکولای شول، چې د دغه هېواد په کورنیو چارو کې لاسوهنه وکړي.

د ده په وینا، د هند دغو لاس‌وهنو په پاکستان کې د ترهګرۍ یوه نوې څپه پیل کړې او زیاتوي، چې له دې امله بلوچستان ایالات او قبایلي سیمې له ګواښ سره مخ دي.

هغه ​​د خېبرپښتونخوا په کورمه کې د پاکستان د امنیتي ځواکونو پر کاروان د وروستي برید په هکله ویلي، چې په دې سیمه کې امنیتي وضعیت تر بل هر وخته ناوړه شوی دی.

حافظ نعیم‌الرحمان ویلي، چې ایالتي حکومت د امنیت په برابرولو کې ناکام دی او د خېبرپښتونخوا له اعلی وزیر او والي څخه یې غوښتنه کړې، چې د امنیت د ټینګښت لپاره سملاسي او جدي اقدامات وکړي.

همداراز، د جماعت اسلامي مشر په خېبرپښتونخوا کې د زده‌کړو د وضعیت په تړاو پر ایالاتي حکومت نیوکه کړې چې د خپلې څو کلنې واکمنۍ په بهیر کې یې په دې سیمه کې د زده‌کړو د ښه‌والي لپاره کار نه دی کړی.

دې سره جوخت، حافظ نعیم‌الرحمان په پاکستان کې د رسنیو او د خبریالانو د وضعیت په تړاو ویلي، چې هغوی له مناسبو حقونو څخه بې‌برخې دي.

د پاکستان د جماعت اسلامي مشر دا څرګندونې داسې مهال کوي، چې اسلام‌اباد طالبان تورنوي چې ګواکې په افغانستان کې یې د ټي‌ټي‌پي په ګډون وسله‌والو ډلو ته پناه ورکړې ده، خو دغې ډلې بیا په وار - وار د پاکستاني چارواکو دا ادعاوې رد کړي دي.

په پاکستان کې د ملګرو ملتونو د کډوالۍ عالی کمېشنرۍ د سه شنبه په ورځ په يوه خبرتيا کې له هغو افغانانو، چې د اوسېدو قانوني اسناد نه لري، غوښتي، چې د همدې فبروري میاشتې تر ۲۸ مې نېټې له اسلام اباد او راولپنډۍ څخه ولاړ شي.

د کډوالو عالي کمېشنرۍ افغانانو ته د مشورې په ډول وړانديز کړی، چې د اوسېدو بديلې لارې ولټوي.

په دې خبرتيا کې د هغو کسانو اړوند چې نورو هېوادونو ته د تګ لپاره انتظار دي راغلي: «هغه کسان چي د بیا ميشتندنې یا نورو انتقالاتي پروګرامونو اړوند لیکونه لري د حکومتي لارښوونو له مخې د هغوی لپاره وروستۍ نېټه ۳۱ مارچ ټاکل شوې.»

له تېرو دوو میاشتو را په دېخوا په پاکستان کې د افغان کډوالو پر وړاندې سخت اقدامات تر سره شوي او لا هم روان دي.

د پاکستان په پلازمېنه اسلام اباد کې کور په کور په افغانانو د پولیسو چاپې روانې دي او زیات شمېر افغانان د پولیسو له خوا نیول شوي او افغانستان ته لېږل شوي دي.