د کاناډا لومړی وزیر: د برېتانیې له پاچا سره د خپل هېواد د خپلواکۍ ساتنې پر سر خبرې کوم

اېرنا د یکشنبې په ماښام د (کب ۱۲مه) راپور ورکړ، چې ظریف خپله استعفا پزشکیان ته سپارلې ده.

دغه سرچینه زیاتوي، چې استعفا لیک پزشکیان ته رسېدلی؛ خو «نوموړي تر اوسه کوم غبرګون نه دی ښودلی».

ساعتونه وړاندې د سپاه پاسداران اړوند خبري اژانسونو فارس او تسنیم هم د ظریف د استعفا خبر ورکړ.

فارس په دې اړه لیکلي:« د ترسره شویو پلټنو له مخې، دوه سرچینو د ظریف د استعفا خبر تایید کړی؛ خو تر دې دمه د ولسمشر له‌خوا نه ده منل شوې».

د یکشنبې په ورځ ناصر همتي د ایران اقتصاد وزیر د پارلمان له‌خوا استیضاح او له دندې ګوښه شو.

د هغه د استیضاح لامل د تومان د ارزښت کمېدل او د بهرنیو اسعارو په ځانګړي ډول د ډالرو د بیې لوړوالی ښودل شوی.

فارس همداراز راپور ورکړی، چې د ظریف دوه زامن د امریکا تابعیت لري او د پزشکیان په حکومت کې یې د مرستیال په توګه حضور د «حساسو دندو د قانون ښکاره نقض» ګڼل کېږي.

تسنیم خبري اژانس هم راپور ورکړی، چې ظریف ته ځیني نږدې کسان د هغه د استعفا خبر تاییدوي.

دغه اژانس زیاته کړې، د ظریف استعفا «د عبدالناصر همتي د استیضاح پورې اړه نه لري». تسنیم ټینګار کړی، چې د پزشکیان په اداره کې د ظریف شتون «ناقانونه» و.

اېسنا خبري اژانس بیا راپور ورکړی، چې ظریف د یکشنبې په ماښام له «یوه لوړپوړي چارواکي» سره تر غونډې وروسته د استعفا پرېکړه وکړه.

اېسنا لیکلي: «هغه په خپل استعفا لیک کې ولسمشر ته د دولت د تأسیس له مهاله تر ننه د تېر شوي بهیر یادونه کړې او د درناوي له مخې یې پرېکړه کړې، چې د هېواد د خدمت لپاره به په پوهنتون کې خپل فعالیت ته دوام ورکړي».

اېسنا هم ټینګار کړی، چې د ظریف استعفا د اقتصاد د وزیر له استیضاح او ګوښه کېدو سره هېڅ تړاو نه لري.

تر دې وړاندې د (زمري په ۲۱مه) ظریف د پزشکیان د کابینې له جوړښت ناخوښي څرګنده کړې وه او له خپلې دندې یې استعفا ورکړې وه؛ خو د پزشکیان له مخالفت وروسته بېرته پر خپله دنده پاتې شوی و.

جواد ظریف تر دې دندې دمخه د ایران د بهرنیو چارو وزیر و او دی د ایران په ډېپلوماټیکه کړۍ کې هم یو له مهمو او ځیرکو کسانو ګڼل کېږي.

د جمعې په ورځ د همالیا ایالت په چمولي ولسوالۍ کې وروسته له هغه د لټون پراخ عملیات پیل شول، چې د واورې ښویېدنې له امله د سرحدي سړکونو سازمان ۵۰ کارګران په واورو کې ډوب شول.

د هند دفاع وزارت د یکشنبې په ماښام وویل، چې د وروستي ورک شوي کس مړی یې هم موندلی دی.

دغه وزارت په خپل اېکس کې لیکلي. " د مانا کلي د بیارغونې د کارګرانو د ژغورنې عملیاتو پای ته رسېدلي دي ،"

د هند پوځ دا هم ویلي، چې ژغورل شوي کارکوونکي تر درملنې لاندې دي او وضعیت یې د قناعت وړ دی.

عربي هېوادونو د غزې د کنټرول او د فلسطینیانو د بیا مېشتېدو په اړه د متحده ایالاتو د ولسمشر ډونالډ ټرمپ پلان رد کړ.

د ټرمپ پلان چې د فېبرورۍ په څلورمه په غزه کې د اسراییل او حماس تر منځ د یوه نازک اوربند په ترڅ کې اعلان شو، فلسطینیان او عربي هېوادونه یې په غوسه کړل او د امریکا د لسیزو ډېپلوماسي یې د دوو دولتونو په حل باندې متمرکزې کړې.

د مصر د بهرنیو چارو وزیر په وینا، د دغه هېواد د بیارغونې پلان به په بشپړ ډول مصري یا عرب نه وي، بلکې نړۍوال ملاتړ او تمویل به ترلاسه کړي، ترڅو بریالی پلی شي.

نوموړي د مدیترانې په برخه کې د اروپايي اتحادیې له کمیشنر دوبراوکا سویکا سره په یوه خبري ناسته کې وویل: "کله چې په راتلونکي عربي سرمشریزه کې دا پلان تصویب شي موږ به له لویو مرسته کونکو هېوادونو سره ژورې خبرې وکړو."

د اوربند د دویم پړاو په اړه د پوښتنې په ځواب کې د مصر د بهرنیو چارو وزیر وویل، چې دغه هېواد به د اوربند د ټینګښت او د دویم پړاو د خبرو اترو د پیل لپاره خپلو جدي هڅو ته دوام ورکړي.

هغه د جنورۍ په میاشت کې د لاسلیک شوي اوربند په خوندي توګه د عملي کولو پر اهمیت ټینګار وکړ او د هغې د سم تطبیق په برخه کې یې خپله ژمنه بیا تکرار کړه.

نوموړي همداراز زیاته کړه: "لومړنى پړاو په برياليتوب سره پاى ته ورسېد او اوس موږ بايد د دويم پړاو خبرو اترو ته ولاړ شو، چې د اوربند د دوام لپاره کليدي دی."

سټارمر په لندن کې د اروپا او نړۍ له نورو مشرانو سره د امنیتي سرمشریزې په پای کې په سپينه ماڼۍ کې د اوکراین د ولسمشر ولادیمیر زېلېنسکي او ډونالډ ټرمپ ترمنځ د توندو خبرو تبادلې ته په اشارې سره وویل، چې امریکا یو مهم متحد پاتې شوی دی.

سټارمر وویل: "متحده ایالات د څو لسیزو راهیسې د انګلستان لپاره د باور وړ متحد و او دوام لري." "هېڅ دوه هېوادونه دومره نږدې نه دي، لکه زموږ دوه هېوادونه."

سټارمر وویل، هغه پلان چې دی په اوکراین کې د سولې لپاره پرې کار کوي، موخه یې د متحده ایالاتو ملاتړ ترلاسه کول دي.

نوموړي وویل، چې انګلستان به د اوکرایین لپاره د ۵۰۰۰ هوایی دفاعي توغندیو د صادرولو لپاره ۱.۶ میلیارد پونډه (۲ میلیارد ډالر) ولګوي.

له دې سره، نوموړي خبرداری ورکړ چې اروپا باید د ځان په دفاع کې دروند بوج په خپلو اوږو پورته کړي.

دا غونډه دوه ورځې وروسته له هغه کېږي، چې د اوکراین لپاره د متحده ایالاتو ملاتړ له خطر سره مخ شو.

د متحده ایالاتو ولسمشر ډونالډ ټرمپ د اوکراین ولسمشر ولادیمیر زېلېنسکي په کلکه وغانده او ویې ویل، چې هغه د متحده ایالاتو له ملاتړ څخه منندوی نه دی.

هغه زیاته کړه: «دا ګاز به په لومړي کال کې یو نیم میلیون کورونو ته ووېشل شي او هڅه به وکړو چې د کال په پای کې د وارداتو کچه لوړه کړو.»

نوموړی وایي، چې په دې برخه کې د ۵ کلونو تمدید په لټه کې دي او له دې وروسته به د کاسپین سمندر له لارې د ګازو لېږد تعقیب او د منځنۍ او اوږدې مودې لپاره د ګاز لېږد پایپونو له لارې د داخلي مصرف سربېره اروپا ته ګاز صادر کړي.

د تركيې د انرژۍ وزير همداراز وويل: «موږ اوسمهال له ۱۴ سیمو څخه ګاز واردوو او همدارنګه په يونان او بلغاريا كې دوه ځایونو ته ګاز صادروو.»

الپ ارسلان زیاته کړه، د دې اونۍ په پای کې به د ترکیې له اګدیر څخه نخچیوان ته د ګازو د لېږد پروژه هم پیل شي او د دواړو هېوادونو د ولسمشرانو رجب طیب اردوغان او الهام علییف له خوا د یو لړ مراسمو په ترڅ کې به نخچیوان ته د ګازو د لېږد پروسه پیل شي.