د طالبانو د عدلیې وزیر له یوې نیمې میاشتې وروسته سعودي عربستان کې په یوې ناسته کې څرګند شو
له تېرې یوې نیمې میاشتې وروسته د طالبانو د عدلیې وزیر عبدالحکیم شرعي په سعودي عربستان کې یوې ناسته کې راڅرګند شو.
له تېرې یوې نیمې میاشتې وروسته د طالبانو د عدلیې وزیر عبدالحکیم شرعي په سعودي عربستان کې یوې ناسته کې راڅرګند شو.
د طالبانو ویاند مرستیال حمدالله فطرت پر اېکس پاڼه کاږلي، چې نوموړی په مکې ښار کې د «اسلامي مذهبونو ترمنځ د پل جوړونې» تر عنوان لاندې یوې نړۍوالې دوه ورځنۍ ناسته کې د ګډون لپاره سعودي عربستان ته تللی دی.دا په داسې حال کې ده، چې (د کب په ۱۳مه) هم له کابله سرچینو افغانستان انټرنشنل ته ویلي و چې د طالبانو عدلیې وزیر عبدالحکیم شرعي تر اوسه په دوبۍ کې دی.د طالبانو عدلیې وزارت په وروستي ځل ۴۸ ورځې وړاندې د عبدالحکیم شرعي او په کابل کې د ترکیې سفیر جنګ اونال د لیدنې کتنې خبر ورکړی و او له هغه وروسته یې د کوم رسمي فعالیت په اړه څه نه و ویل شوي.تر دې وړاندې د طالبانو د عدليې وزارت ویاند د افغانستان انټرنشنل له راپور وروسته ویلي و، چې عبدالحکیم شرعي د هبت الله په اجازه د درملنې لپاره دوبۍ ته تللی او ژر به خپلې دندې ته ستون شي.دوبۍ ته د شرعي تر تګ څو ورځې وروسته افغانستان انټرنشنل د نوموړي غږیز فایل ترلاسه کړی و، چې پکې یې ویلي و د لاسوهنو له امله یې څو ځله له دندې استعفا کړې ده؛ خو استعفا یې نه ده منل شوې.
