ډیپیکا په دې خبره چې په بالیوډ کې تر ټولو ډېرې پیسې اخلي، خفه شوه
هندي رسنیو د ډیپیکا یوې مرکې ته په اشارې سره راپور ورکړی، چې نوموړې په دې خبره خفه شوې چې ویل شوي و، هغه په بالیووډ کې تر ټولو ستورو زیاتې پیسې اخلي.
هندي رسنیو د ډیپیکا یوې مرکې ته په اشارې سره راپور ورکړی، چې نوموړې په دې خبره خفه شوې چې ویل شوي و، هغه په بالیووډ کې تر ټولو ستورو زیاتې پیسې اخلي.
ډیپیکا پډوکون په دې اړه ځواب کې وویل: " هیله لرم چې یوه داسې ورځ راشي چې موږ ته د دې ډول خبرو اړتیا نه وي او موږ ته دا اړتیا نه وي چې ووایو چې زه تر ټولو زیاتې پیسې اخلم.»
له دې خبرو وروسته ډیپیکا خپلې مرکې ته دوام ورکړ او د خپل شخصي ژوند په اړه یې وویل، چې په یوې ورزشکاره کورنۍ کې لویه شوې ده، چېرې چې هغې ته د فلمونو د لیدلو لږ فرصت وو، خو ځیني فلمونه و چې پر دې یې اغیزې کولې.
دې زیاته کړه: "کله چې زه سینما ته د فلمونو لیدلو تلم، نو له ښځینه اداکارانو څخه به ډېره متاثره کېدم او ما ته په ماشومتوب کې دا احساس شوی وو، چې اداکاري زما شوق دی."
ډیپیکا پډوکون د بالیووډ مشهور اداکار رنویر سینګ سره د ۲۰۱۸ کال په نومبر کې واده وکړ او یو ماشوم هم لري.
ډیپیکا او رنویر په ۲۰۱۲ کال کې په لومړي ځل په رام لیلا فلم کې سره ولوبېدل او د مینې تار یې له هماغه وخت څخه پیل شو، چې تر ۲۰۱۶ کاله پورې دا اړیکه له خلکو پټه ساتل شوې وه.
یادې جوړې بیا تر هغه وروسته د خپلې اړیکې اعلان وکړ.
په دې خو پوهیږئ چې خټکی (خربوزه) په اوړي کې پېدا کیږي او د افغانستان د شمال خټکي خو دومره خوندور دي چې ساری نه لري. هغوی چې له افغانستان څخه بهر هېوادنو کې اوسیږي د وطن د خټکیو په خوند ښه پوهیږي او په ارمان یې دي.
دغه جوس لرونکې میوه نه یوازې د خولې خوند ښه کوي بلکې دېرې زیاتې روغتیايي ګټې هم لري.
تاسو به په کلیو کې روایتي خبرې اورېدلي وي، د مثال په توګه د خټکي په اړه په یو شمېر سیمو کې خلک په دې باور دي چې د سلو کالو زخم بیاځلې تازه کوي، خو تر اوسه طبي څېړنو دا نه ده ثابته کړې چې دا خبره رېښتیا ده او که یوازې یوه خبره ده چې په خلکو کې عامه شوې.
خټکی د ویټامین اې او سي ترڅنګ، نور ویټامینونه لکه B1، بي۶ او کې (K) هم لري او همدا ډول پوتاشیم، فولیټ، مسو، مګنیزیم او غذايي فایبر هم د دوی په خوړلو سره بدن ته رسیږي.
د دغې مېوې په خوړلو بدن ته څه ګټې رسیږي:
د بدن اوبو پوره کولو کې مرسته کوي
خټکی یا خربوزه په زیاته اندازه اوبه لري چې په ګرم موسم کې د بند د اوبو په پوره کېدو کې زیاته مرسته کوي. د خټکي خوړل بدن د تودوخې په وړاندې ژغوري.
د وینې فشار کنټرول ساتي
دا مېوه په خپل جوړښت کې پوتاشیم لري چې د وینې د فشار په کنټرولولو کې مرسته کوي.
د سترګو لید لپاره ګټور دی
خټکي د ویټامین اې او بیټا کیروټین په څیر عناصر لري چې ویټامین اې د لید لپاره خورا مهم دی او کمښت یې د لید بېلابېلو ستونزو ګواښ زیاتوي.
د بدن وزن کموي
موږ تل فکر کوو چې د خټکي ډېر خوړ به مو وزن زیات کړي چون په زیاته انداره خوږوالی لري خو دلته برعکس څېړنو ښودلې که تاسو غواړئ د بدن وزن کم کړئ، د خټکي مصرف درته ډېر ګټور تمامېدای شي.
دا مېوه له غوړ څخه پاکه ده پداسې حال کې چې طبیعي خواږه یې د شکرې لېوالتیا کموي، کوم چې د وزن کمولو کې مرسته کوي.
خو زه خپله تجربه تاسو سره شریکه کړم، کله چې ۱۹ کلنه وم زما خټکي ډېر خوښیدل او په زیاته اندازه مې دغه مېوه خوړله د دې مېوې خوړل د دې باعث شول چې زما وزن له ۵۵ کیلو څخه په یوه میاشت کې ۶۰ کیلو ته ورسیږي. د دې خبرې موخه مې داده چې په زیاته اندازه خوړل یې د وزن زیاتیدو باعث هم کیږي.
د شکرې ناروغۍ کنټرول هم امکان لري
په خټکي کې موجود مواد د وینې شکر د ژر لوړیدو مخه نیسي. همدا لامل دی چې دا مېوه د شکرې ناروغانو لپاره ښه ګڼل کیږي، مګر دوی باید د ډاکټر په مشوره خټکی وخوري.
د معافیت سیسټم پیاوړی کوي
ویټامین سي د قوي معافیت سیسټم لپاره مهم ګڼل کیږي او خټکي په دې ویټامین کې بډایه دي.
ویټامین سي د وینې د سپینو کورویاتو تولید هڅوي او دا حجرې د مختلفو ناروغیو لکه موسمي زکام سره مبارزه کې مهم رول لوبوي.
د قبض په وړاندې محافظت
فایبر یو غذایي توکی دی چې د عامو ستونزو لکه قبضیت په وړاندې د ساتنې په برخه کې رول لوبوي.
خټکي په زیاته اندازه فایبر لري او له همدې امله د قبض په مخنیوي کې مهم رول لري.
قبض اکثرا په بدن کې د اوبو د کمښت له امله رامینځته کیږي او پدې میوه کې د اوبو مقدار خورا لوړ دی.
د پښتورګو د تیږو په وړاندې محافظت
د پښتورګو تیږو اکثراً د کافي اوبو د نه څښلو یا په بدن کې د اوبو د کموالي په پایله کې رامنځته کیږي.
خربوزه یا خټکي په زیاته اندازه اوبه لري او له همدې امله د هغوی مصرف د پښتورګو د تیږو په وړاندې محافظت برابروي.
ښه خوب
د خټکي خوړل عضلات اراموي. له همدې امله د دې خوړل کولی شي د بې خوبۍ شدت کمولو کې مرسته وکړي.
د فشار کمول
د دې میوې خوړل دماغ ته د اکسیجن جریان زیاتوي، کوم چې فشار کموي او ارام بدن ته ورکوي.
زه مطمینه یم چې د خټکي د ګټو په پوهیدو به دغه مېوه حتماً د خوړلو په مهال ویش کې اضافه کوئ.
اکثره خلک فکر کوي، چې د روژې په میاشت کې د وزن کمول اسانه کار دی او هڅه کوي، چې په دې میاشت کې وزن کم کړي، خو له ډېرو هڅو سره - سره وزن یې نه کمېږي.
پوهیږئ چې ولې مو وزن نه کمېږي؟
زه یې وایم چې ولې مو له ډېرو هڅو سره - سره وزن نه کمېږي.
که څه هم په روژې میاشت کې د وزن کمول اسانه کار نه دی، مګر ناممکن هم نه دی.
دې لیکنه کې به تاسو د هغو عامو عادتونو یا تېروتنو په اړه پوه کړو چې د وزن کمولو هڅې ناکاموي.
ټوله ورځ په ناسته تېرول
که تاسو په دفتر کې ډېر ناست یاست، یا تلویزیون ډېر ګورئ، نو د وزن کمول به درته ستونزمن شي.
کله چې یو کس ټوله ورځ ناست وي او ډېر وخت په ناسته تېروي بیا د روژه ماتې او پېشلمي وخت کې ډېره ډوډۍ خوري، دا کار د وزن د زیاتوالي سبب کېږي.
د پېشلمي نه کول
که پېشلمې د دې لپاره ونه کړئ، چې وزن مو کم شي، نو تاسو ته باید ووایو چې تاسو په غلطه روان یاست او دا کار مو د وزن کمولو پر ځای وزن زیاتوي.
که پېشلمی ونهکړئ، نو د لوږې احساس مو زیاتېږي، چې پایله یې دا وي چې روژه ماتې یا شپې پر مهال له اړتیا زیاته ډوډۍ وخورئ.
ډېره اندېښنه
اندېښنه خلک دې ته هڅوي، چې ډېر کالوريلرونکي او غوړ خواړه انتخاب کړي.
سربېره پر دې، هغه کسان چې زیات فشار یا اندېښنه لري د خیټې او ملا شاوخوا غوړ یې زیاتزږي.
په کافي اندازه خوب نه کول
د خوب کمښت د وزن کمول ستونزمن کوي، ځکه چې د میټابولیزم سرعت کمېږي او کالورۍ ژر نه سوځي.
همداراز د کافي خوب نشتوالی د بدن انرژي کموي، چې له امله یې ورزش کول سختېږي.
پر دې سربېره، هغه کسان چې د کمخوبۍ له امله ستړي وي، معمولا ناسمه غذا خوښوي، چې دا هم د وزن د زیاتوالي سبب کېږي.
د خوږو مشروباتو ډېر څښل
په خوږو مشروباتو کې ډېره کالوري وي، خو زموږ ذهن یې سم نه درک کوي، نو له همدې امله د وزن کمولو هڅې ناکامېږي.
لږه اندازه اوبه څښل
هو، د اوبو څښل د وزن کمولو کې مرسته کوي.
که د روژه ماتي او پېشلمي ترمنځ لږې اوبه وڅښئ، بدن به مو د اوبو د کمښت احساس وکړي، چې دا د میټابولیزم پر فعالیت اغېزه کوي.
په ناسمه توګه د خواړه استفاده
که تاسو د روژه ماتي پر مهال ډېر مالګین او غوړ خواړه وخورئ، نو د وزن کمولو هیله مه لرئ.
که تاسو د وزن کمولو هڅه کوئ، نو باید دا عادتونه اصلاح کړئ، تر څو د روژې میاشتې ګټې مو لا زیاتې شي.
امریکايي خصوصي فضايي شرکت فایر فلای ایرسپیس د یکشنبې په ورځ اعلان وکړ، چې د ابي یا نیلي اروا (Blue Ghost) په نامه فضايي بیړۍ یې په بریالۍ توګه پر سپوږمۍ ښکته شوې ده. دا دوه اونیز څېړنیز ماموریت د خصوصي فضايي شرکتونو ترمنځ د سپوږمۍ مزل د نړیوالې سیالۍ یوه مهمه برخه ده.
د موټر په کچه دې فضايي بېړۍ، چې څلور پښې لري، لس ساینسي وسایل له ځان سره لېږدولي او په مار کریسیم سیمه کې، چې ځمکې ته د سپوږمۍ د مخامخ برخې په شمال ختیز کې پرته ده، د سهار درې نیمې بجې په بریالي ډول کښېناستلې ده.
په ټکزاس کې دفایرفلای د ماموریت د کنټرول مرکز کې د فضايي بېړۍ د ښکته کېدو پر مهال سکوت خپور و، خو کله چې د نیلي اروا مشر انجنیر ویل کوګن تایید کړه چې فضايي بېړۍ د سپوږمۍ جاذبې ته داخله شوې، د ماموریت کنټرول خونه د شور او خوشالۍ ځوږ په سر واخېسته.
فایر فلای (Firefly) دویم خصوصي شرکت دی چې په سپوږمۍ کې بریالۍ ناسته کوي.
تر دې دمه پنځو هیوادونوپخواني شوروي اتحاد، امریکا، چین، هند او جاپان په سپوږمۍ کې بریالۍ نرمې ناستې کړې دي.
امریکا او چین غواړي د دې لسیزې تر پایه خپل تشیالغاړي سپوږمۍ ته واستوي او دواړه هېوادونه د خصوصي شرکتونو په مرسته د دې هدف لپاره چټک ګامونه اخلي.
نیلي ارواد ځمکې پر شاوخوا درې ځله چکر وواهه او ۲.۸میلیونه مایله واټن یې وواهه چې سپوږمۍ ته ورسېږي.
په داسې حال کې چې د امریکا فضايي صنعت د نوي سیاسي بدلون له امله نامعلوم راتلونکی لري، د ناسا موقتي مشر جانت پیټرو ټینګار وکړ، « سپوږمۍ د امریکا د فضايي ستراتېژۍ برخه ده او موږ باید فضا کنټرول کړو!».
نیلي اروا فضايي بېړۍ د سپوږمکۍ خاوره او د هغې تودوخه مطالعه کوي اوناساله دې معلوماتو څخه د ارټیمیس پروګرام لپاره د سترو ماموریتونو په چمتووالي کې ګټه اخلي.
په یوې طبي څېړنه کې دا ثابته شوې، چې په نړۍ کې زیات شمېر خلک د قبض له ستونزې سره مخ دي. که څه هم په پاخو عمرلرونکو خلکو کې دا ستونزه عامه ده، مګر هر عمر لرونکي خلک ترې اغېزمن کېدلی شي.
د قبضیت نښې، شدت او لاملونه د هر انسان لپاره توپیر لري.
د بدن د اوبو کموالی، ناسم خوراک، ځانګړي درمل، بېلابېلې ناروغۍ، عصبي ستونزې یا ذهني فشار د قبض لامل کېدلی شي.
ښه خبره داده، چې د دغې ستونزې د حل لپاره یوه داسې مېوه موجوده ده ،چې په هر موسم کې یې پیدا کولی او خوړلی شئ، چې د دغې ستونزې کمولو کې ډېره ګټوره ثابته شوې ده.
په فوډ ان فنکشن ژورنال کې خپره شوې څېړنه ښیي، چې وچ الوبخارا د هاضمې په سیسټم کې شته باکتریاوو او د التهابي موادو پر ضد مثبته اغېزه لري.
څېړنه وايي، چې دا مېوه فایبرهم لري، چې د قبض د مخنیوي او له منځه وړلو کې مرسته کوي.
په دغې څېړنه کې د ۵۵ او ۷۵ کلونو ترمنځ ۱۸۳ مېرمنې شاملې وې، چې درې ډلو ته وېشل شوي.
یوې ډلې ته هره ورځ ۵۰ ګرامه وچ الوبخاره ورکړل شول، دویمې ډلې ته ۱۰۰ ګرامه ورکړل شول او درېیمه ډله له دې مېوې بې برخې پاتې شوه.
د ۱۲ میاشتو څېړنې وروسته د ګډونوالو د معدې روغتیا وڅېړل شوه.
پایلې وښودله، چې د وچو الوبخارا خوړونکو مېرمنو په معده کې د ګټورو باکتریاوو شمېر زیات شوی و، چې د هاضمې لپاره مهمې وي.
څېړونکو وویل، چې د دې مېوې "اینټي اکسیدانټونه" د معدې التهاب کموي.
دوی زیاته کړه، چې کله د معدې روغتیا ښه شي، نو د قبض خطر هم کمېږي، ځکه قبض اکثر د هاضمې د خرابوالي له امله رامنځته کېږي.
څېړونکو وویل، چې وچ الوبخارا کافي فایبر لري، چې د کولمو فعالیت ته ګټه رسوي او له همدې امله د قبض خطر کموي.
بلخوا، د وچې الوبخارا هره ورځ خوړل هډوکي پیاوړي کوي.
په ۲۰۲۲ کې یوې څېړنې ښودلې، چې دا مېوه د هډوکو د کمزورتیا او حجم له کمېدو څخه مخنیوی کولی شي.
دا مېوه د "اینټي اکسیدانټونو" بډایه سرچینه ده، چې د وینې د شکر او کلسټرول کچه او د زړه ناروغیو خطر کموي.
خو باید پام وشي، چې د دې مېوې ډېر خوراک د نس ناستې یا د هاضمې نورو ستونزو لامل کېدای شي.
د نړۍ په بېلابېلو هېوادونو کې لسګونه کسان د مصنوعي زیرکتیا د (AI) په مټ په ماشومانو د جنسي تېري جوړ عکسونو د پلور په تور لسګونه کسان نیول شوي دي. ویل کیږي چې نیول شوي کسان په نورو جنایي پېښو کې هم لاس لري.
د رسنیو د راپورونو له مخې، په ټوله نړۍ کې د بېلابېلو عملیاتو په ترڅ کې ٢٥ شکمن کسان نیول شوي، چې زيات شمېر يې د جنايي ډلو سره تړاو لري.
د ډنمارک هېواد په مشرۍ پلټنه چې د عملیاتو کمبرلینډ نومېږي، د میټرو پولیټن پولیس، کینټ پولیس، ویسټ مرسیا پولیس، نارتمپټونشایر پولیس، اېسکس پولیس، د سکاټلینډ پولیس، هرټفورډشیر کانسټبلري او لنکنشیر پولیس پکې شامل دي.
ویل کېږي، چې په دغو عملیاتو کې اسټرالیا، اتریش، بلجیم، فنلنډ، فرانسه، جرمني، نیوزلینډ او هسپانیا هم ګډون کړی وو.
د عملیاتو په ترڅ کې په ۱۹ هېوادونو کې ۲۷۳ شکمن کسان پېژندل شوي، ۳۳ کورونه تلاشي شوي او ۱۷۳ توکي نیول شوي.
تر اوسه ددغه عملیاتو په ترڅ کې ۲۵ کسان نیول شوي، خو لا هم پلټنې روانې دي.
راپورونه وایي، چې اصلي شکمن یو ډنمارکي وګړی دی چې د نومبر په میاشت کې د انلاین پلیټ فارم چلولو پرمهال نیول شوی و.
دغه پلېټ فارم باندې د AI له خوا د ماشومانو د جنسي تېري عکسونه پلورل کېدل او کاروونکو د انځورونو لپاره پلیټ فارم ته پیسې ورکوي.
له بلې خوا، د یوروپول له خوا په خپره شوې اعلامیه کې راغلي، چې د AI له خوا رامنځته شوي د ماشومانو د جنسي تیري موادو نمونې په پراخه کچه شتون لري او په چټکۍ سره رامنځته کېږي.
دا مواد اصلي موادو ته ورته دي، چې له امله یې په مصنوعي ډول رامنځته شوي موادو پېژندل ستونزمن کوي او همدا لامل دی، چې لوړ پوړي چارواکي د قربانیانو په پېژندلو کې له لویو ننګونو سره مخ دي.