مولانا عبدالحق ثاني د جمعیت علماء اسلام ګوند نوی مشر ټاکل شوی

مودي له امریکا میشتي پاډکاسټر او د مصنوعي ځیرکتیا له څیړونکي لیکس فریډمن سره په مرکه کې وویل، چې پاکستان اوس یوازې د هند لپاره نه، بلکې د ټولې نړۍ لپاره د ګډوډۍ مرکز ګرځیدلی دی.

مودي د پاکستان او هند د راتلونکو اړیکو په اړه پوښتنې ته په ځواب کې وویل چې د دې اړیکو ښه کیدل یوازې د ذهنیت د بدلون او رغنده خبرو اترو له لارې ممکن دي.

هغه روښانه کړه چې د قوي ایډیالوژیکو توپیرونو او دولتي تمویل شوې ترهګرۍ ترمنځ باید توپیر وشي. مودي زیاته کړه، « دا مه ګډوئ چې دا اختلافات یوازې ایډیالوژیک دي. کوم ډول ایډیالوژي په وینې تویولو او ترهګرۍ صادرولو وده کوي؟ او موږ د دې ګواښ یوازیني قربانیان نه یو. هر ځای چې ترهګري کیږي پل یې پاکستان ته رسیږي».

مودي د ۲۰۰۱ کال د سپټمبر ۱۱مې بریدونه یاد کړل او ویې ویل، « د دغو بریدونو اصلي طراح اسامه بن لادن له کوم ځایه راښکاره شو؟ هغه په پاکستان کې پناه اخیستې وه».

مودي وویل چې نړۍ اوس دا حقیقت درک کړی، چې ترهګري او د ترهګرۍ ذهنیت په پاکستان کې ژورې ریښې لري.

هغه زیاته کړه، « پاکستان یوازې د هند لپاره نه، بلکې د ټولې نړۍ لپاره د ګډوډۍ مرکز دی. موږ تل ورته ویلي چې د دې لارې پایله څه ده؟ موږ ورته ویلي چې د دولتي تمویل ترهګرۍ څخه لاس واخلي. موږ پوښتلي چې تاسې په دې څه ترلاسه کوئ، چې خپل هېواد قانون نه منونکو ډلو ته سپارئ».

مودي وویل، « زه حتا شخصاً د سولې لپاره لاهور ته لاړم، خو زموږ د سولې هره هڅه له دښمنۍ او خیانت سره مخ شوه».

هغه هیله وښوده چې پاکستان به د سولې لاره غوره کړي، « زه باور لرم چې د پاکستان خلک هم د امن هیله لري، ځکه هغوی به هم له دوامداره ناورین، شخړو او ترهګرۍ ستړي شوي وي، هغوی به هم له دې ستړي وي چې ماشومان یې بې ګناه وژل کیږي او د خلکو ژوند تباه کیږي».

د شمالي مقدونیې دولتي خبري اژانس راپور ورکړی، چې د دغه هېواد د کورنیو چارو وزیر پانچ توشکوفسکي د یکشنبې په سهار په یوه خبري کنفرانس کې د تلفاتو خبر ورکړ.

هغه زیاته کړې، چې ټپیان د سکوپجي ښار روغتونونو او کلینیکونو ته وړل شوي دي.

د شمالي مقدونیې لومړي وزیر هریستیجان مېکوسکي وویل، چې دا یوه سخته او غمجنه ورځ ده.

هغه زیاته کړې، چې په دغه اورلګېدنه کې د ګڼو ځوانانو مړینه نه جبرانېدونکې ده.

سیمه‌ییزو رسنیو راپور ورکړی، چې اورلګېدنه د کوچاني په "پلس" شپني کلب کې شوې ده.

ویل کېږي، چې د اورلګېدنې پرمهال شاوخوا ۱۵۰۰ کسان د یوه کنسرت لپاره په دغه کلب کې راټول شوي وو.

سېنټکام زیاتوي، چې نیول شوې ام حسین د داعش ډلې د بهرنیو ترهګریزو عملیاتو مشر ابو خدیجه چې بشپړ نوم یې عبدالله مکي مصلح الرفيعي و؛ مېرمن ده.

سېنټکام ویلي، چې په دغو عملیاتو کې د داعش دوه نور غړي هم نیول شوي او دا یې د داعش شبکې د له منځه وړلو په برخه کې د عراق سره د ژمنتیا نښه بللې ده.

چیچنیایي ام حسین د عبدالله مکي مصلح الرفاعي مېرمن ده، چې د داعش تر ټولو په لوړه کچه پرېکړه کوونکی مشر او د نړۍوالو عملیاتو، لوژستیک او پلان جوړونې مسول و.

نوموړي د دغې ډلې د نړۍوال سازمان د مالي چارو د یوې مهمې برخې رهبري کوله، چې تېره ورځ په یوه هوایي برید کې د امریکایي ځواکونو له‌خوا په نښه او ووژل شو.

د عراق لومړي وزیر محمد شیعه السوداني وویل، مصلح الرفاعي په عراق او ټوله نړۍ کې یو له خورا خطرناکو ترهګرو څخه و.

متحده ایالاتو په۲۰۲۳ کال کې عبدالله مکي مصلح الرفاعي د داعش د مشر په توګه د نړۍوال ترهګر په توګه د ترهګرو په تور نوملړ کې شامل کړ.

د امریکا د مرکزي قوماندې قوماندان مایکل اېریک کوریلا وویل:« موږ به د خپل هېواد او د متحده ایالاتو د متحدینو او سیمه‌ییزو همکارانو د دفاع لپاره د ترهګرو لټون ته دوام ورکړو.»

قوماندان اېریک وویل، دا عملیات د امریکا او د هغې د سیمه‌ییزو ملګرو له‌خوا په عراق کې د ترهګرو ډلو سره د مبارزې او د متحده ایالاتو او متحدینو ګټو په وړاندې د بریدونو د خپرېدو د مخنیوي لپاره د پراخو هڅو یوه بېلګه ده.

د پاکستانۍ رسنۍ خراسان ډایري د راپور له مخې، د پاکستاني پوځیانو دغه کاروان چې پکې اوه ټرانسپورټي بسونه او دوه موټرې شاملې وې؛ له کوټې څخه د بلوچستان تفتان سیمې ته پر لاره و.

د راپور پر بنسټ، تر برید وروسته وسله‌والو د پاکستاني ځواکونو پر یو موټر توغندی وېشتی.

په پېښه کې د وژل شویو او ټپیانو د هویت په تړاو څه نه دي ویل شوي؛ خو زیاته شوې چې ټپیان یو سیمه‌ییز روغتون ته لېږدول شوي دي.

د بلوڅو ازادۍ غوښتونکي پوځ د دغه برید مسوولیت منلی او ادعا یې کړې، چې د دوی د مجید لېوا یوه ځانمرګي بریدګر دغه برید کړی دی.

بلوڅ بېلتون پاله وسله‌والو ادعا کړې، چې په دغه برید کې یې نږدې «۹۰ تنه پاکستاني پوځیان» وژلي دي؛ خو لا تر اوسه د پاکستان پوځ د دغه ادعا په تړاو څه نه دي ویلي.

د بلوڅ ازادۍ غوښتونکو پوځ څو ورځې وړاندې د بلوچستان په بولان ایالت کې د جعفر اېکسپرېس پر رېل ګاډي برید کې ۳۰۰ پاکستاني پوځیان تر برمته کېدو وروسته ووژل.

د‌ پاکستان پوځ بیا ویلي، چې ټول برید کوونکي یې وژلي وو او لسګونه مساپر یې هم د بلوڅ بېلتون پالو له منګولو ژغورلي.

بلوڅ بېلتون پالو په دې وروستیو کې خپل فعالیتونه پراخ کړي او د پاکستان پوځ ادعا لري، چې د رېل ګاډي د برید پر مهال د دغه ډلې بریدګر په افغانستان کې له خپلو مشرانو سره په اړیکه کې وو.

په بلوچستان کې بیا په یوې بله پېښه کې وسله‌والو یوه ښځه په ډزو وژلې ده.

د ځايي رسنیو د معلوماتو له مخې ناپېژانده وسله‌والو پر یو موټر ډزې وکړې او هڅه یې کوله یو ځایي وګړي وتښتوي؛ خو هغې مېرمنې یې مخنېوی کاوه، چې وسله‌والو په ډزو ووژله.

په بلوچستان او خېبر پښتونخوا کې په بې سارې توګه نا امنۍ مخ په پراخېدو دي او د پاکستان حکومت یې پړه پر افغان طالبانو ور اچوي.

په افغانستان کې واک ته دطالبانو له رسېدو وروسته داسې ښکاري، چې په سیمه کې وسله‌وال فعالیتونه مخ په ډېرېدو دي او «ټي‌ټي‌پي» بیا پښتونخوا کې خپل فعالیتونه پراخ کړي دي.

د حوثیانو تر واک لاندې سرچینو رویټرز ته ویلي، چې د امریکا په دغو تازه هوایي بریدونو کې لږ تر لږه ۳۱ کسان وژل شوي دي.

ټرمپ همداراز ایران ته چې د حوثیانو ستر ملاتړی ګڼل کېږي، خبرداری ورکړی چې په سملاسي توګه باید د دغه ډلې له ملاتړ څخه لاس واخلي.

نوموړي وویل:« که ایران امریکا ته ګواښ پېښ کړي، موږ به یې پوره مسوول وګڼو او دا ځل به زموږ چلند کې نرمښت نه وي».

یو امریکايي چارواکي رویټرز ته ویلي، چې دغه بریدونه ښايي څو اوونۍ دوام وکړي او دا د ټرمپ د واکمنۍ له پیله تر ټولو لوی پوځي عملیات ګڼل شوي دي.

د حوثیانو تر واک لاندې روغتیا وزارت ویلي، چې د امریکا په بریدونو کې « ۱۳ ملکي کسان وژل شوي او ۹ نور ټپیان» شوي دي.

د المسیره ټلوېزیون د راپور له مخې، په صعده ولایت کې هم د امریکا د هوايي بریدونو له امله ۱۱ تنه چې ۴ ماشومان او یوه ښځه پکې شامل دي هم وژل شوي او ۱۴ تنه ټپیان دي.

حوثي ډلې دغه بریدونه «جنگي جنایت» بللی او ویلي یې دي، چې د هر ډول تاوتریخوالي ځواب به په ورته ورکړي.

د حوثیانو غبرګون او د سره سمندر وضعیت

حوثیان چې د یمن ګڼې سیمې یې تر ولکې لاندې دي، له ۲۰۲۳ کال راهیسې د سوداګریزو بېړیو پر ضد یې لسګونه بریدونه ترسره کړي دي.

دغه بریدونو نړۍوالې سوداګرۍ ته جدي ګواښونه پېښ کړي او امریکا یې اړه کړې، چې د حوثیانو د توغندیو او بې‌پیلوټه الوتکو د مخنیوي لپاره پراخ پوځي عملیات وکړي.

د امریکا دفاع وزارت (پینټاګان) ویلي، چې له ۲۰۲۳ راهیسې حوثیانو « ۱۷۴ ځله د امریکا پر پوځي بېړیو او ۱۴۵ ځله پر سوداګریزو بېړیوو» بریدونه کړي دي.

د امریکا د دفاع وزیر پېت هګزت وویل: «موږ به د حوثیانو بریدونه ونه زغمو او ایران باید پوه شي چې موږ کرار ناست نه یو».

ټرمپ هم خبرداری ورکړی:« که حوثیان خپل بریدونه ودروي، ښه به وي که نه نو داسې اور به پرې خوشې کړو چې لا یې نه دی لیدلی».

د ایران غبرګون

د ایران د بهرنیو چارو وزیر عباس عراقچي د امریکا بریدونه غندلي او ویلي یې دي:« امریکا د ایران د بهرني سیاست د کنټرول صلاحیت نه لري.»

نوموړي پر اېکس لیکلي:« امریکا باید د اسراییل له ملاتړه لاس واخلي او د یمن د خلکو وژنه ودروي».

د ایران چارواکو اندېښنه ښودلې، چې د امریکا وروستي اقدامات به د ایران پر ضد کورني اعتراضونه هم زیات کړي.

بل خوا د امریکا د بهرنیو چارو وزیر مارکو روبیو د روسیې له وزیر سرګي لاوروف سره خبرې کړې، چې ښيي امریکا غواړي له روسیې سره اړیکې تنظیم کړي.

دا په په داسې حال کې ده، چې مسکو د اوکراین په جګړه کې د ایران وسلو ته په ځانګړې ډول توغندیو او د ډرون الوتکو مرستې ته اړتیا لري.