اروپايي اتحادیه وايي ګوګل او اپل د سیالانو څنډې ته کولو هڅې کوي

د ناسا دا ستورمزلي د سې‌‌شنبې په ورځ (د مارچ ۱۸مه) د امریکا د فلوریډا ایالت په تالاهاسي سواحلو کې له خنډونو او ننګونو سره مل سفر وروسته ځکمې ته رارسېدلي دي.

ویلمور او ویلیامز د تېرکال د جون په پنځمه فضايي سټېشن ته د بوینګ کمپنۍ د سټارلاینر کېپسول په مرسته الوتنه کړې وه، خو په لاره کې یو شمېر ستونزو له امله هغوی اړ شول چې بېرته ځمکې ته راوګرځي.

دا دوه ستورمزلي د فضايي ماموریت لپاره د ازمایښتي پېلوټانو په توګه غوره شوي وو، خو په لار کې د تخنیکي ستونزو له امله شاوخوا نهه میاشتې په فضا کې اېسار پاتې او ځمکې ته د راکښته‌کېدو لپاره د ناسا حل‌لارې ته په تمه وو.

د ناسا له پرېکړې وروسته ټاکل شوې وه، چې دواړه ستورمزلي اېکس‌سپېس کېپسول په مرسته ځمکې ته راستانه شي، خو په دغه کېسپول کې هم تخنیکي ستونزو هغوی له یو لړ ستونزو سره مخ کړي وو.

په وروستیو کې د ناسمې هوا د وړاندوینې له امله ناسا پرېکړه کړې وه، چې خپل دوه ستورمزلي له پلان شوې مودې څخه لږ مخکې ځکمې ته راکښته کړي او د هغوی د راکښته‌کېدو لپاره یې نېک‌هیګ او د روسیې ستورمزلي الکسانډر ګوربونوف ته د اېکس‌سپېس کېپسول په مرسته د فضايي سفر ماموریت وسپاره.

نېک‌هیګ او الکسانډر ګوربونوف وکړای شول، چې خپل ستورمزلي ملګري وژغوري او ځمکې ته یې په سلامتۍ سره راورسوي.

ځمکې ته د ویلمور او ویلیامز راستنېدل په وروستیو کلونو کې د ناسا یو ننګونکی او پېچلی فضايي ماموریت و، چې په بریالیتوب سره پای ته ورسېد.

ناسا او بوینګ اوس مهال د سټارلاینر کېپسول تخنیکي ستونزې څېړي، ترڅو په راتلونکو ماموریتونو کې د ورته پېښو مخنیوی وکړي.

هو، دا پېښه رښتیا هم د امریکا په ټینیسي ایالت کې شوې ده. د جیرډي کرک ووډ په نامه یو کس ځایي پولیسو ته خبر ورکړی چې له خپل سپي او ټوپک سره یوځای پر خپل تخت پروت و، خو کله چې سپی ویښ کیږي په ټوپک ډزې کوي او په دې پېښه کې دغه کس ټپي شو. مرمۍ د جیرډي په چپه پښه لګېدلې ده.

کیسه داسې ده چې د جیرډي سپی اوریو نومیږي او یو کلن دی، اوریو چې کله له تخت څخه پاڅیږي پښه یې په ټوپک کې بندیږي، کله چې د ځان د خلاصیدو هڅه کوي له ټوپک ډز کیږي او مالک یې پر پښه لګیږي.

د پېښې پر مهال د جیرډ کرک ووډ یوه ښځینه ملګرې هم هغه مهال په کور کې موجوده وه، چې د ټوپک له ډزو وروسته له کوره ووتله او ټوپک یې له ځانه سره یووړ.

ټپي شوی کس روغتون ته وړل شوی او د ډاکټرانو په وینا روغتیايي وضعیت یې د اندېښنې وړ نه دی.

په امریکا کې د وسلو عامه کارونه او له همدې امله ناڅاپي ډزې معمول دي.

جیرډ کرک ووډ لومړنی کس نه دی چې د سپي له‌‌خوا په ډزو ویشتل شوی بلکې ورته پېښه څو کاله وړاندې هم رامنځته شوې.

په ۲۰۱۸ کې، د ریچارډ رامي په نوم یو سړي راپور ورکړی و، چې د هغه سپي په ناڅاپي توګه په ټوپک ډزې وکړې او هغه یې ټپي کړ.

همدا ډول، په ۲۰۱۹ کې، د میټ برانچ په نوم یو سړي هم ورته تجربه درلوده.

خرما هډوکي پیاوړې کوي
د امريکا د نارت ډاکوټا ایالت پوهنتون څېړونکي وايي، خرما داسې مواد لري چې د هډوکو روغتیا ښه کوي.

دغو څېړونکو په یوې څېړنه کې موندلې چې په خرما کې فاسفورس، پوتاشیم، کیلشیم او مګنیشیم موجود دي، چې نه یوازې هډوکي پیاوړي کوي بلکې له بېلابېلو ناروغیو څخه هم ساتنه کوي.

د هاضمې سیستم ښه کوي
خرما په زیاته کچه فایبر لري، چې د هاضمې سیستم د روغتیا لپاره ډېر ښه دی.

فایبر د قبض مخنیوي کې مرسته کوي او د کولمو فعالیت ښه کوي.

یوې څېړنې موندلې، هغه کسان چې هره ورځ خرما خوري، د معدې روغتیا یې د هغو په پرتله چې دغه مېوه نه خوري ډېره ښه ده.

فشار او خپګان سره مبارزه کوي

خرما ویټامین بي۶ لري، چې بدن سره مرسته کوی تر څو سیروټونین او نوریپانیفرین په څېر کیمیکلونه تولید کړي.

دغه مادې ذهني روغتیا ښه کوي، طبیعت خوشحاله کوي او فشار سره مبارزه کوي.

همدا راز ویټامین بي۶ کمی په انسان کې د ډېپرېشن خطر زیاتوي.

د بدن انرژي زیاتوي

خرما د فایبر، پوتاشیم، مګنیشیم، وټامنونو او انټي آکسیډنټونو سره بډایه مېوه ده او د همدې لپاره دغه مېوه د بدن انرژۍ لپاره تر ټولو غوره ګڼل کېږي.

د دغې مېوې په خوړلو سره بدن تر ډېره با انرژي وي.

زړه له ناروغیو ساتي

څېړنې موندلې، چې د خرما خوړل د بدن دننه غوړ او اکسیډیټ فشار کموي ، دواړه د زړه ناروغۍ خطر عوامل زیاتوي.

خرما د پوتاشیم ښه سرچینه ده او دا مېوه د وینې فشار کموي، چې له همدې امله د زړه ناروغیو او فلج د خطر کمولو کې هم مرسته کوي.

د موسمي الرژۍ څخه ممکنه ساتنه کوي
یوې څېړنې موندلې، چې په خرما کې موجود انټي اکسیډنټونه د بدن پړسوب کموي، چې دا کار د موسمي الرژیو مخنیوي کې مرسته کولی شي.

د بدن د وزن کمېدل
خرما د بدن وزن کنټرول کې مرسته کولی شي.

په دې مېوه کې موجود فایبر د اوږدې مودې لپاره د مړښت احساس درکوي او همداراز د وینې د ګلوکوز کچه په چټکۍ سره نه لوړوي.

دا مېوه چې له انټي اکسیډنټونو څخه ډکه ده، د بدن زهرجن مواد خارجوي او د هاضمې سیستم ښه کوي، چې له دې امله میټابولیزم تېزوي او د بدن د وزن کمېدو کې مرسته کوي.

د وینې شکر کنټرول
خرما د وینې د شکر کچه کنټرولولو کې مرسته کولی شي.

دا ځکه چې خرما فایبر، انټي اکسیډنټونه او نور مهم غذایي مواد لري، چې د وینې د شکر توازن ساتي.

خو دا مهمه ده چې هره ورځ له درې څخه ډېرې خرما ونه خورئ، ځکه چې زیات خوراک یې روغتیا ته زیان رسولی شي.

دا اسټرالیایي یوټیوبر چې نورمي نومېږي، تر دې وړاندې یې د یوه بل رېکارډ د جوړولو هڅه هم کوله.

نوموړي غوښتل، چې د ډېرې مودې لپاره وېښ پاتې شي او د نړۍوالو رېکارډونو په کتاب ګېنس کې یې نوم ولیکل شي.

دا ریکارډ ځکه جوړ نه شو، چې د نړۍوالو رېکارډونو کتاب ګېنس ونه منله.

نورمي د ۲۶۴ ساعتونو لپاره ویښ پاتې شو او حتی هڅه یې وکړه، چې د دې حالت ویډیو په ژوندۍ بڼه خپره کړي، خو د یوټیوب له خوا یې ویډیو بنده شوه.

نورمي غواړي، چې خپل نوم د نړۍوالو رېکارډنو کتاب ته ورسوي او هغه تر یوې اندازې په دې بریالی شوی هم دی، چې د اوږدې مودې لپاره ولاړ او چوپ پاتې شي تر څو خپل هدف ترلاسه کړي. خو د اندېښنې وړ خبره دا ده، چې ګېنس کتاب پورې اړوند چارواکو تر اوسه نه ده تایید کړې.

یاد کس د ۳۸ ساعتونو لپاره ولاړ وو، سره له دې چې د لارویانو له خوا ځورول کېده، حتی پولیسو ته یې زنګ وهلو چې دا کس بې موجبه ولاړ دی.

د هغه دا ویډیو چې د سړک غاړې ته د ۳۸ ساعتونو لپاره ولاړ دی په ژوندۍ بڼه خپره شوې، چې د لارویانو له خوا ځورول کېږي او ملنډې پرې وهي.

په دې لارویانو کې داسې لارویان هم و، چې نورمي ته یې برېتونه جوړ کړل او یو شمېر لارویانو خو ورته په سر هګۍ ماتې کړې.

د خلکو له ځورولو سره سره هغه ۳۸ ساعته ولاړ و او ادعا یې وکړه، چې نوی ریکارډ یې جوړ کړی دی.

دا څرګنده نه ده، چې ایا نورمي د نړۍوال ریکارډ د رسمي ادعا کولو لپاره د نړۍوالو رېکارډونو کتاب ګېنس ته شواهد وړاندې کړي او که نه.

د ډاون ډیټیکټر د رپوټ له مخې، د دویم بندښت پر مهال له ۴۰ زرو زیات شکایتونه ثبت شوي، چې کاروونکي وايي دوی حتا داېکس ویب پاڼې ته هم لاسرسی نه لري او اوس د درېیم بندښت رپوټونه هم ډېر شوي دي.

سره له دې چې له لومړي بندښت وروسته سرویس څو ساعته فعال شو، خو ورپسې دویم بندښت راغی او اوس ددرېیم ځل لپاره په امریکا، اروپا او د نړۍ ګڼو نورو برخو کې له کاره لوېدلی.

که څه هم د بندښت دوام اټکل کول ګران دي، خو د نن ورځې پخوانیو بندښتونو ته په کتو سره، د حل لپاره نږدې ۴۵ دقیقې وخت ته اړتیا ده.

که چېرې دا هم د (DDOS ) برید وي، نو کیدای شي د حل وخت هم ورته وي، خو هر څه ممکن دي.

تر ټولو زیات بندښتونه په نیو یارک، شیکاګو او لاس اینجلس ښارونو کې ثبت شوي، خو په اروپا او د نړۍ په نورو سیمو کې هم دا ستونزې شته دي.

ځینې کاروونکي ګومان کوي چې اېکس د (Distributed Denial of Service) بریدونو ښکار شوی، چې دا ښايي د دې ټولنیزې شبکې د پرله پسې بندښتونو لامل وي.

انجنیران په اېکس کې کار کوي څو ستونزه حل کړي، خو داسې ښکاري چې بریدګر د نويو لارو چارو په موندلو سره اېکس بېرته له کاره غورځوي.

د اېکس خدمات لومړی نن سهار له ګډوډۍ سره مخ شول، چې له ۲۲ زرو زیاتو کاروونکو شکایتونه وکړل.

ډېره برخه شکایتونه، چې نږدې ۶۰ سلنه یې وو، د ایکس اپلیکیشن اړوند وو، په داسې حال کې چې تقریباً ۳۱سلنه رپوټونه د ویب سایټ د کارونې پر مهال وو. ستونزه ژر حل شوه او شکایتونه یوازې ۴۳۸ ته راټیټ شول، خو دویمه ګډوډی څو ساعته وروسته بیا پېښه شوه او شاوخوا ۳۷ زره کاروونکو شکایت کړی و، چې یاد پلاټفورم ته د لاسرسي په برخه کې ستونزې لري، خو یو ساعت وروسته د اېکس خدمات بېرته فعال شول، مګر مازیګر یوځل بیا اېکس له ورته ستونزې سره مخ شو چې له شاوخوا ۴۵ دقیقو وروسته دا ستونزه بېرته اواره شوه.