محمود فضلي: افغانې نجونې هم له طبیعت او هم د تعلیم له انساني حق محرومې کړای شوې
د تېر جمهوري نظام د چارو ادارې پخواني رییس فضل محمود فضلي د طالبانو له لورې د نجونو پر زده کړو بندیز ته په اشاره د نوي کال په مناسبت پیغام کې ویلي، چې افغانې نجونې هم د خدای ورکړي طبیعت له احساسولو او هم د زده کړو د له انساني حق نه محرومې کړای شوې دي.
فضلي پر خپله اېکسپاڼه لیکلي، چې پسرلی د ښه طبیعت او تعلیم زېری ورکوي، خو افغانې نجونې هم د خدای ورکړي طبیعت له احساسولو او هم د تعلیم له انساني حق نه محرومې کړای شوې دي.
نوموړی وايي، افغانې نجونې د ناانساني سیاستونو له امله له زده کړو محرومې دي.
فضلي د طالبانو له خوا د نجونو او ښځو پرمخ د ښوونځي او پوهنتون د دروازو بندولو، د کار اجازې نه ورکولو او په ټولنه کې له هر ډول مشارکت څخه بې برخې کېدو ته په اشاره وايي:«دا کومه تصادفي پېښه نه ده، بلکې د تاریخ تکرار او یو تاریخي ظلم دی. دا د یوه ملت د راپورته کېدو او سیال کېدو پر وړاندې د خنډ جوړولو یوه زړه او تکراري استعماري پروژه ده چې په پوره بې رحمۍ او قساوت د حاکمې نیابتي ډلې په وسیله پلې کېږي.»
د تېر جمهوري نظام د چارو ادارې پخوانی ریس وايي، په افغانستان او کوزه پښتونخوا کې د پرمختللې افغاني مفکوري او زده کړو خلاف پروژه د پیړیو وړاندې پروژو دوام دی او نسلونه تباه کوي.
فضلي زیاتوي، «دا خبره د لمر په څېر نوره روښانه ده چې د افغان نجونو پر زده کړو بندیز نه زموږ د ټولنې له عقایدو سرچینه اخلي او نه هم زموږ له دودونو، بلکې دا یوازې د واکمنې نیابتي ډلې بهانې دي چې د خپلو بادارانو د خوښۍ لپاره یې زموږ د نسلونو تباهۍ ته کار ویلی دی».
دغه پخوانی چارواکی وايي، چې د افغانانو د پرمختګ لپاره باید مبارزه وشي، خو بهرنۍ "فیشني" پروژې نه یوازې له دې مبارزې سره مرسته نه شي کولای بلکې د مبارزې په لاره کې خنډونه جوړوي.
د دغو نجونو پلار چې موږ یې د عزیزالدین په مستعار نامه یادوو، له افغانستان انټرنشنل ـ پښتو سره په خبرو کې وویل:«زما لویه هیله داوه چې ټول اولادونه مې باسواده شي، د زامنو غم خو مې نه وو، ټول له مکتب څخه فارغه دي او دوهم اوس پوهنتون کې دی، خو لوڼې مې بېسواده پاتې کیږي».
نوموړی وايي، چې هیڅکله یې داسې تصور نه و کړی، چې کومه ورځ به طالبان بیا واکمنیږي او دده د لوڼو په ګډون به په میلیونونو نجونې له زده کړو او تعلیم را ګرځوي. هغه زیاته کړه، « ماته د یو پلار په توګه دا ډيره سخته ده.»
نوموړی وايي، طالبان د خپلې تېرې دورې واکمنۍ په شان داځل بیا د میلیونونو نجونو د زده کړو حق تر پښو لاندې کوي او د طالبانو دا کړنه نه بښونکې ده.
رویا د دغې کورنۍ مشره لور ده او لومړنۍ نجلۍ ده چې تر لسم ټولګي یې زده کړې کړې دي.
د نوموړې پلار وايي، چې رویا هغه کورني اصول مات کړي، چې له مخې یې تر دې وړاندې ښځینه نسلونو د ځینو قومي او سیمه ییزو دودونو له امله ښوونځي ته د تګ اجازه نه لرله.
