د امریکا ولسمشر ډونالډ ټرمپ د چارشنبې په ورځ یو ځل بیا د جوبایډن پر ادارې نیوکه وکړه چې په افغانستان کې یې د امریکا وسلې پرېیښې دي. ټرمپ وویل، «هغه په میلیاردونو ډالره [د متحده ایالاتو تجهیزات] افغانستان ته ور کړل».
ټرمپ په سپینه ماڼۍ کې له ښځو سره په یوه غونډه کې وویل، « موږ خپل پوځ بیا ورغاوه، ډېره برخه مو افغانستان ته ورکړې. دغه سړي [بایډن] په میلیاردونو او میلیاردونو ډالر ترې افغانستان ته وبښل. ښايي اړ وځو چې بېرته یې واخلو، سره له دې چې اوس یوڅه زړې شوې دي. هغه ورو ورو زړیږي، موږ نوي تجهیزات جوړوو».
ټرمپ له دې مخکې هم په افغانستان کې د امریکايي وسلو د پرېښودو له امله د جوبایډن پر ادارې نیوکه کړې وه او ویلي یې و چې « دوی زموږ پوځي تجهیزات دښمن ته وسپارل».
هغه د تېر کال په کب میاشت کې د ډاګ په نوم یوه امریکايي چارواکي ته دنده وسپارله چې له طالبانو د امریکا پوځي تجهیزات بېرته واخلي.
ټرمپ له طالبانو سره د امریکا مرستې د امریکايي وسلو له سپارنې سره مشروطې کړې دي، خو دا لا روښانه نه ده، چې د طالبانو تر واک لاندې افغانستان ته امریکايۍ مرستې اوس هم ځي او که بندې شوې دي.
ټرمپ له دې وړاندې په تکرار ویلي، چې که په واک کې وای د بګرام پوځي اډه یې نه پرېښوده، چې چینایان یې په واک کې واخلي.
په دغه پيغام کې ملا هيبت الله د اسلام د پيغمبر يو حديث را نقل کړى، چې په هغه کې له اسلام څخه مخکې د رخصتيو پر ځاى خلکو ته د کوچني او د قربانۍ اخترونه ورپيژندل شوي دي.
د دغه حدیث په عربي متن کې له انس رضي الله عنه څخه روایت دی، چې رسول الله ص مدینې ته راغی، نو هلته د هغه ښار خلکو لره دوې ورځې وې چې لوبې به يې پکې کولې، وفرمایل: د دې دواړو ورځو پر ځای الله تاسو ته غوره ورځي در کړې دي، د قربانۍ ورځ (لوی اختر) او د فطر ورځ (د کوچني اختر ورځ).
د طالبانو مشر د دې حدیث په پښتو، فارسي او انګلیسي ژباړو کې د اریانا د لرغونو اخترونو، نوروز او مهرجان نومونه په قوسونو کې اضافه کړي دي، چې له «اسلام څخه مخکې د جاهلیت زمانې دوه اخترونه» یاد شوي دي.
دا ناسمه ادعا په داسې حال کې ده، چې نوروز د اریانا (اوسني افغانستان او ایران) له لرغونو جشنونو شمېرل کیږي او د شته اسنادو له مخې له بلخ څخه پیل شوی دی.
د نوروز مخالفانو دا نمانځنه د زردشت په پیروانو پورې محدوده کړې ده او د دوی په وینا، نوروز له اسلام څخه مخکې د «جاهلیت د وخت له رخصتيو» دی، چې دا هيڅ تاریخ نه لري.
طالب ډلې واک ته له ستنېدو وروسته د نوروز د نمانځنې په ګډون د افغانانو له لرغونو دودونو او جشنونو سره مخالفت کړی او هڅه یې کړې، چې د هېواد د خلکو هویت په سختو دیني عقایدو سره زیانمن کړي.
دا ډله د نوروز او یلدا په څېر جشنونه د اسلام خلاف بولي او د نوروز تفریح ځایونو ته د خلکو د ننوتو مخه نیسي.
له دې مخالفتونو سره سره د افغانستان انټرنشنل له خوا ترلاسه شوي لیکلي، غږیز او ویډیويي پیغامونه ښيي، چې د افغانستان د بېلابېلو ښارونو او ټبرونو خلکو په خپلو کورونو کې نوروز ونمانځه.