ایا زلمی خلیلزاد د طالبانو او ټرمپ ترمنځ منځګړی کېدای شي؟
اېنډېپېنډیټ ورځپاڼې راپور ورکړی، چې ښایي زلمی خلیلزاد یو وار بیا د طالبانو سره د ډونالډ ټرمپ د منځګړي په توګه د بېرته راستنېدو په درشل کې وي.
اېنډېپېنډیټ ورځپاڼې راپور ورکړی، چې ښایي زلمی خلیلزاد یو وار بیا د طالبانو سره د ډونالډ ټرمپ د منځګړي په توګه د بېرته راستنېدو په درشل کې وي.
دغه راپورونه وروسته له هغه خپرېږي، چې تېره اونۍ خلیلزاد د یوه امریکایي پلاوي سره کابل ته سفر وکړ او له طالبانو سره یې تر خبرو اترو وروسته دغې ډلې یو امریکایی بندي جورج ګلیزمن له زندانه خوشې کړ.خلیلزاد هغه مهال د جورج ګلیزمن سره یوځای په هوایي ډګر کې راڅرګند شو.ګلیزمن د ۲۰۲۲ کال په ډسمبر میاشت کې د طالبانو لهخوا افغانستان ته د سفر پرمهال ونیول شو.راپور کز راغلي، په رسمي ډول ګلیزمن د قطري مذاکره کوونکو په منځګړیتوب د ټرمپ ادارې سره د یوې معاملې له مخې خوشې شو.خو د ګلیزمن د خلاصون پرمهال خلیلزاد هم کابل ته سفر وکړ، د طالبانو د بهرنیو چارو وزارت له چارواکو سره یې ولیدل او بیا له امریکایي پلاوي سره بېرته امریکا ته ستون شو او پر اېکس پاڼه یې د ګلیزمن خوشې کېدل ومنل او هغه یې "ښه ورځ" یاده کړه.په راپور کې د افغانستان د وضعیت د څارونکو کارپوهانو له حوالې راغلي، چې د ټرمپ اداره ښایي یو وار بیا له طالبانو سره د معاملې لپاره خلیلزاد ته مخه کړي.په دغه راپور کې په کابل کې د امریکا سفارت د بیا پرانستې لپاره د لومړنیو پړاوونو د خبرو اترو ته هم اشاره شوې او پکې راغلي، چې دا به د دغه وسلهوال رژیم لپاره چې په نړۍواله کچه د ښځو د حقونو پر سرغړونه تورن دي؛ د نړۍوالې په رسمیت پېژندنې په برخه کې یو لوی پرمختګ وي.د «لانګ وار» کتاب لیکوال ډیویډ لوین وایي، چې خلیلزاد پخوا هم د ټرمپ ادارې د دغه غلط باور «جوړوونکی» و چې طالبان بدل شوي دي.نومووی وایي:« داسې راپورونه هم شته، چې کېدای شي ټرمپ خلیلزاد د رسمي استازي په توګه کابل ته واستوي.»لوین زیاته کړې، که دوی اوس هم د خلیلزاد مشورې ته غوږ نیسي؛ نو د ټرمپ اداره «تېروتنه» کوي.خلیلزاد ته د ۲۰۱۸ کال په سپتمبر کې د هغه وخت د بهرنیو چارو وزیر مایک پومپیو لهخوا د طالبانو سره د خبرو اترو دنده ورکړل شوه.هغه له طالبانو سره په دوحه کې د څو پړاوونو خبرو اترو وروسته یوه هوکړه لاسلیک کړه، چې له امله یې امریکایي ځواکونه له شلو کلونو وروسته له افغانستانه ووتل.په راپور کې وړاندې راغلي، چې د بایډن ادارې یو شمېر چارواکو هغه مهال د خلیلزاد لهخوا په شوې هوکړې اندېښنه څرګنده کړه چې د امریکایي ځواکونو د بېړنۍ وتنې ته یې لاره هوار کړه او طالبانو ته یې اجازه ورکړه چې په چټکۍ سره پرته له کوم مخالفت څخه افغانستان ونیسي. د طالبانو د واکمنۍ ترټولو لوی قربانیان افغان ښځې دي، چې د زدهکړو او کار په څېر مسلو کې یې بنسټیز حقونه تروړل شوي دي.
په کندهار کې د طالبانو پاسپورټ ادارې د کابل د امر خلاف له خلکو غوښتي، چې د پاسپورټ لپاره په لیکلې بڼه د فورمو له لارې نوملیکنې وکړي.
طالبانو سیاحتي شرکتونو او عکسخونو ته خبرداری ورکړی، چې تر ۲۰ کلونو لوړ عمر لرونکو کسانو ته انلاین نوم لیکنې ونه کړي.
په دغه خبردراي کې لیکل شوي: «د کندهار پاسپورټ امریت ټولو عکاسخانو ته خبر ورکوي چې د انلاین فورمې لپاره مراجعین چې عمر يې تر ۲۰ کلونو زیات وي باید فورمې ورته ډکې نه شي ځکه چې اعتبار وړ نه دي.»
په کندهار کې د طالبانو د پاسپورت ادارې مسوولينو د انلاین نوم لیکنې د بنديدو لامل نه دی روښانه کړی.
د کندهار پاسپورټ اداره کې سرچينو افغانستان انټرنشنل ـ پښتو ته وویل، چې دغه اداره غواړي کاغذي فورمې د خپلو خاصو کسانو له لوري تر ټاکلې بيې لوړې پر خلکو وپلوري.
په کندهار کې طالبانو د پاسپورټ لپاره د کاغذي فورمې د ډکولو او عکسونو اخیستلو لپاره خاص ځايونه مشخص کړي، چې د دوی کسان يې په لوړه بيه دغه پروسه مخ ته وړي.
خلک د پاسپورټونو د ترلاسه کولو لپاره د یوې اسانې انلاین پروسې غوښتنه کوي او د طالبانو له دې پرېکړې نا خوښه دي.