رويټرز خبري اژانس د میانمار دولتي رسنيو له قوله ويلي چې د جمعې په ورځ په میانمار کې د زورورې زلزلې له کبله د مړو شمېر ۱۴۴ کسان ته رسېدلی دی. د میانمار په مندالي کې د زيات وراني اټکل شوی. زلزلې د تایلنډ پلازمېنه هم لړزولې ده.
رويټرز خبري اژانس د جمعه په ورځ ويلي، چې زورولې زلزلې د میانمار ترڅنګ د ټايلنډ پلازمېنه بنکاک کې هم لړزولی، چې یوه څو پوړيزه تر کار لاندې ودانۍ هم نړېدلې او په زيات شمېر خلک ترې لاندې شوي دي.
د بنکاک د ژغورنې عملياتو ډله وايي، چې د ودانۍ د نړېدو له کبله ۵ کسان مړه شوي او ۱۱۷ نور لادرکه دي.
د امریکا د ځمکپوهنې سازمان (یو اس جي اس) ویلي، چې زلزله غرمه مهال شوې او د ریشتر په مقیاس يې شدت ۷.۷ وو.
دغې ادارې ويلي، چې د زلزلې مرکز له مندالې ۱۷ کيلومتره لرېد ځمکې له سطحې ۱۰ کيلومتره لاندې و.
د لرغونې شاهي پلازمينې او د بودايي زړه د مرکز ميانمار اوسېدونکي وايي، چې د زلزلې له کبله ودانۍ، پلونه او سړکونه هم ویجاړ شوي دي.
دولتي ایم ار ټي وي د ټيلیګرام په چینل کې ویلي، چې په میانمار کې شاوخوا ۱۴۴ کسان مړه شوي او ۷۳۲ نور ټپيان شوي دي.
د میانمار د پلازمېنې یو شمېر اوسېدونکو او مرستندویه ډلو رويټرز ته ویلي، چې ډېر جسدونه يې له ویجاړو ودانیو را ایستلی او په زيات شمېر خلک لا هم بند پاته دي.
