د دولتي کارکوونکو د تنخواوو له ځنډېدو او د بېوزلۍ او وزګارۍ د زیاتېدو په اړه د اسلامي وحدت ګوند د مشر له نیوکې سره سم، طالبانو د دې ډلې د مشر اختریز پیغام په بامیان ولایت کې پر خلکو وېشلی دی.
د باميان د سيمه ييز ټلويزيون له خوا خپاره شوي انځورونه ښيي، چې د دغه ولايت په مرکز کې د لاسي کراچیو یو شمېر درلودونکي د کار موندلو په تمه ناست دي، څو د شپې له خوا خپلو ماشومانو ته ډوډۍ پيدا کړي.
په همدې حال کې په هرات کې طالبانو اعلان کړی، چې د دې ولایت په مرکز او ولسوالیو کې یې د هبت الله اخوندزاده ۹ زره اختریز پیغامونه وېشلي دي.
هبت الله اخوندزاده د اختر په مناسبت په خپل پیغام کې له خلکو غوښتي، چې د افغانستان د بې وزلۍ او اقتصادي ستونزو په اړه پر راپورونو باور ونه کړي.
هغه له هېوادوالو وغوښتل، چې د طالبانو له حکومت څخه مننه وکړي او قناعت او صبر وکړي.
په ورته وخت کې د طالبانو مشر د کندهار په عيدګاه جومات کې د کوچني اختر په مناسبت په خپله وينا کې وويل، چې بېوزلي د خداى د تقدير يوه برخه ده او بېوزلي بايد له خپل حالت څخه شکايت ونه کړي.
اخوندزاده وویل: «خدای پاک له پخوا پوهېده چې څوک صبر کوي، هغه خلک یې بېوزله پیدا کړي دي.»
هغه زیاته کړه، چې بېوزله کسان باید له خپل وضعیت څخه راضي وي او د خپلو اقتصادي ستونزو پړه پر نورو وانچوي.
پر افغانستان د طالبانو له واکمنېدو وروسته په ټول هېواد کې د بېوزلۍ او وزګارۍ کچه ډېره لوړه شوې ده.
د نړۍوالو بنسټونو شمېرې ښيي، چې په افغانستان کې لږ تر لږه ۲۳ میلیونه وګړي بشري مرستو ته اړتیا لري.
د بې وزلو کسانو د شمېر زیاتوالی او د کاري فرصتونو نشتوالی د سترې کډوالۍ لامل شوی دی.
د اسلامي وحدت ګوند مشر کریم خلیلي د افغانستان وضعیت کړکېچن وباله او ویې ویل، چې په هېواد کې تبعیض، استبداد او تاوتریخوالی خپل اوج ته رسېدلی دی.
هغه زياته کړه، چې د افغانستان اقتصادي بنسټونه سخت زيانمن شوي، بېوزلي او وزګارتیا په خپرېدو ده او خلک لومړنيو خدمتونو ته هم لاسرسى نه لري.
په بامیانو کې د طالبانو والي عبدالله سرحدي د کوچني اختر د لمانځه په مراسمو کې په خپله وینا کې له خلکو وغوښتل، چې د خدای شکر وباسي چې په افغانستان کې اسلامي نظام ټینګ شوی او په ټوله کې سوله تامین شوې ده.
هغه له خلکو وغوښتل، چې د طالبانو د "امارت " دایمي جوړولو لپاره هڅې وکړي.
سرچیني وايي، دا وسلې جومات په داخل، دیوالونو او شاوخوا کې اېښودل شوې وې.
د سرچینو د معلوماتو له مخې، په عیدګاه جومات کې عامو لمونځ کوونکو ته د مبایل د استعمال اجازه نه ورکول کېده او د طالبانو له لوري د تلفون د استعمال د مخنیوي لپاره کلکه څارنه کېده.
د سرچینو د معلوماتو له مخې، د کندهار په عیدګاه جومات او شاوخوا سیمو کې د تېرو څو ورځو راهیسي، د ملا هبت الله شخصي ساتونکو قطعه ځای پر ځای شوي وه او په یاده سیمه کې نږدې یې عامو خلکو ته د تګ راتګ اجازه نه ورکول.
د طالبانو مشر ملا هبت الله تر اوسه د رسنیو پر مخ نه دی راښکاره شوی او د خپلو ډیر محدودو کسانو سره ګوري.
سرچینو د معلوماتو له مخې په عیدګاه جومات کې ځای پر ځای شوي وسلې د له لویو جګړو کې استعمالیږي او ښايي طالبانو یادې وسلې د خپل قدرت ښودونې په موخه دلته ځای پر ځای کړي وي.
یوسف وفا وايي چې د دوی اوسنی نظام د وینو په زور راغلی او چاته یې د تخریب اجازه نه ورکوي.
په بلخ کې د طالبانو والي یوسف وفا چې ملا هبت الله له نژدې کسانو شمېرل کېږي.
نوموړي د تېر کب په ۶مه د طالبانو د بهرنیو چارو وزارت له سیاسي مرستیال شیر محمد عباس ستانکزي د طالبانو سترې محکمې ته شکایت کړی و، چې ولې یې د دې ډلې پر مشر هبت الله اخوندزاده نیوکه کړې ده.
د یوسف وفا له دفتر د سلواغې په لومړۍ نېټه د طالبانو سترې محکمې ته د لېږل شوي رسمي لیک له مخې، د بلخ والي غوښتنه کړې چې ستانکزی د طالبانو د مشر د "بې احترامۍ" په تور محاکمه شي.
