الجزیره: په نږدې ورځو کې به د اسراییل لومړی وزیر نتنیاهو امریکا ته سفر وکړي
الجزیرې راپور ورکړی، چې په روان کال کې واشنګټن ته د اسراییل لومړی وزیر بنیامین نتنیاهو به د خپل دویم سفر په ترڅ کې د امریکا له ولسمشر ډونالډ ټرمپ سره د ایران د اټومي پروګرام په اړه هوکړې ته د نه رسېدو د پایلو په اړه خبرې وکړي.
د اسراییل لومړي وزیر د دفتر په وینا، د دواړو هېوادونو مشران به په غزه کې د جګړې د دوام او د یرغمل شویو بندیانو د خوشې کولو، پر اسراییلي توکو د نویو تعرفو او د ایران د اټومي پروګرام په اړه سره خبرې کوي.
اسراییل او امریکا په پام کې لري، چې د اټومي پروګرام په اړه د خبرو د نه پیل پیلېدو په صورت کې د دواړو هېوادونو پر ګډې تګلارې خبرې وکړي.
اکسوس وېبپاڼې د اسراییلي سرچینو په حواله ویلي، نتنیاهو په دې نظر دی چې د ایران د اټومي پروګرام په اړه د امریکا او اسراییل ترمنځ د یوې هوکړې احتمال لږ دی.
له همدې کبله به د خبرو اصلي موضوع د ایران پر اټومي تاسیساتو د پوځي برید په اړه وي.
په تېرو څو اوونیو کې ټرمپ او نورو امریکايي سیاستوالو په وار وار ویلي، چې اسلامي جمهوریت یوازې دوه اختیارونه لري؛ یا به مذاکرات ومني او د اټومي پروګرام په اړه به هوکړه وکړي او یا پوځي برید.
د ځینو رسنیو د راپورونو له مخې، ایران د مستقیمو خبرو اترو مسله منلې؛ خو د ټرمپ لیک ته د ایران رسمي ځواب لاهم له امریکا سره غیر مستقیم مذاکرات دي.
