د پاکستان دفاع وزیر خواجه اصف ویلي، که هند خپلو بریدونو ته ادامه ورکړي، موږ بل پړاو ته هم چمتو یوو. خواجه اصف له جیو نیوز سره په مرکه کې وویل، په تېرو دو یا درېیو ورځو کې هند صحیح ده چې د سولې په اړه خبرې کړي، خو خپلو بریدونو ته یې هم دوام ورکړی.
خواحه اصف وویل:«موږ د دې امکان رد نشو کولی چې موضوع بلې کچې ته لاړه شي. که خبره نوره هم خرابه شي، موږ د بلې کچې لپاره چمتو یو.»
هغه وویل چې د هند د سولې خبرې په جیو نیوز کې اوریدلي، موږ په دې اړه محتاط یو، که نړیوال قوتونه مداخله وکړي، موږ هم ورته چمتو یو.
خواجه اصف همدراز وايي چې د دوو اتومي طاقتونو تر منځ جګړه د نړۍ لپاره د اندېښنې وړ خبره ده، که جګړه لویه شوه نو دا به یوازې تر دې سیمې محدوده نه وي،که اتومي حالت رامنځ ته شي نو تماشا کوونکي به هم په کې راګیر شي.
دفاع وزير زياته کړه، که چرې مونږ دغه ځواب نه واى ورکړى نو هند به دوه يا درې مياشتې وروستو بيا په مونږ بريد کړى واى، مونږ دهند مخه نيولې ده، هند بايد پوه شي چې پاکستان به دا نه زغمي.
