حماس او امریکا د غزې د اوربند په اړه خبرې کوي
د حماس ډلې یو لوړپوړي چارواکي رویټرز ته ویلي، چې په غزه کې د اوربند په اړه د دوی او د امریکا د حکومت ترمنځ مستقیمې خبرې اترې روانې دي.
د حماس ډلې یو لوړپوړي چارواکي رویټرز ته ویلي، چې په غزه کې د اوربند په اړه د دوی او د امریکا د حکومت ترمنځ مستقیمې خبرې اترې روانې دي.
رویټرز خبري اژانس ته دغه چارواکي د نوم نه ښودلو په شرط ویلي، د امریکا له حکومت سره خبرې اترې له څو ورځو راهیسې روانې دي او موخه یې هم غزې ته د بشري مرستو داخلېدل او د غزې په تړانګه کې د څه باندې یو نیم کال راهیسې د روانې جګړې درېدل دي.
هاخوا بیا د اسراییل ورځپاڼې معاریو راپور ورکړی، چې د اسراییل امنیتي کابینه به نن ماښام غونډه وکړي؛ ترڅو منځني ختیځ ته د امریکا د ولسمشر سفر څخه وړاندې د اوربند هوکړې ته د رسېدو لپاره روانې هڅې وڅېړي.
