په باجوړ کې د قاري عبادالله ډله له ټي‌ټي‌پي سره یو ځای شوه

منظور پښتین پر خپلې فېسبوک پاڼې لیکلي، چې په جاني خېلو کې له وړاندې هم د پوځ له خوا د یوه ځای مشر د وژنې له امله لاریون روان و، چې یاده پېښه رامنځته شوه.

نوموړي د پاکستان پوځ تورن کړی، چې په پښتنو باندې یې ظلم دوام لري. او همدا ډول یې په بنو کې د ولسي پاڅون خبرداری هم ورکړی.

پښتین لیکلي: «یوازې بنو نه، بلکې ټانک، جنوبي او شمالي وزیرستان، تېراه او باجوړ کې هم د عامو پښتنو خلکو پر وړاندې د پاکستاني پوځ ظلم او بربریت دوام لري.په بنو کې د لادرکه ښوونکي "عرفان" د موندلو لپاره سبا د خلکو عام ولسي لاریون (ولسي پاڅون) ترسره کېږي.»

نوموړي همداراز یو شمېر پښتانه سیاسي مشران او خبریالان تورن کړي، چې په پښتنو د روان ظلم په اړه نه یوازې دا چې چوپ دي، بلکې د پاکستان د پوځ ملګرتیا هم کوي.

د پي ټي اېم مشر منظور پښتي لیکلي: «د پښتون ژغورنې غورځنګ (PTM) او عام پښتون ولس د خپلې وسې او توان تر بریده د دې ظلم پر وړاندې خپل مقاومت او اعتراض روان ساتلی دی، خو له بلې خوا د پښتنې سیمو ځینې سیاسي ډلې، ټولنیزې څېرې او خبریالان نه یوازې دا چې پر دې ظلم چوپ دي، بلکې برعکس د پوځ ترڅنګ ولاړ دي، ریلیانې کوي او کمپاینونه ورته چلوې.»

نوموړي همدا راز له پښتون ملت او ټولو انسان‌دوستو کسانو او سازمانونو هیله کړې، چې لږترلږه د دې ظلم پر وړاندې خپل غږ پورته کړي او د روانو لاریونونو ملاتړ وکړي.

د پښتون ژغورنې غورځنګ دغه مشر تېره ورځ هم ویلي و، چې هند پر پاکستان بریدونه کړي دي خو پاکستان ددغه بریدونو غچ له پښتنو اخیستی او په پښتو سیمو کې هوایي بریدونه کړي دي.

دغې ډلې د یکشنبې په ورځ د یوې خبرپاڼې په خپرولو سره ویلي، چې د بلوچستان ایالت د پښین یو شمېر خلکو د تحریک طالبان پاکستان یو غړی د سیمې د یوه پولیس افسر زین الدین د وژل کېدو په غبرګون کې، وژلی دی.

د ټي ټي پي په خبرپاڼه کې د پښین خلکو ته ویل شوي، چې د یادې ډلې جګړه «یوازې د پاکستان د امنیتي ادارو» پر وړاندې ده او دوی دې ددې جګړې برخه نه ګرځي.

ټي ټي پي خلکو ته د طرف ګرځېدو په صورت کې د بدو عواقبو خبرداری ور کړی.

تېره یکشنبه سیمه ییزو پاکستاني رسنیو د پولیسو له قوله راپور ورکړی و، چې د زین الدین په نوم د پولیسو افسر چې په چمن کې یې دنده ترسره کوله، پښین ته په رخصتي تللی و او هلته د نامعلومو وسله والو په ډزو کې ووژل شو.

د پښتون ژغورنې غورځنګ مشر منظور احمد پښتین د جمعې په ورځ د (غویي ۱۹مه) په يوې خبرتيا کې له خپلو ولسونو او پښتنو غوښتي، چې له باجوړه تر خیبر تیراه، بنو، ټانک او وزیرستان پوري پر پښتنو د پاکستاني پوځ د ظلم په اړه ږغ پورته کړي.

نوموړي خپلو ملاتړو ته په پیغام کې ویلي:« د لسیزو راهیسې په پښتنو وحشتونه کوونکې پاکستاني ادارې که هر څومره هم دروغجنې پروپاګنډې خپروي، ظلم، جبر، وحشتونه او کمپاینونه کوي. د خپل مظلوم پښتون ولس سره ودریږئ، د ظلم پر وړاندې روان لاریونونو او احتجاجي پرلتونو کې برخه واخلئ. که دا درته ممکن نه وي، نو په رسنیو کې ورته کمپاین وکړئ، او که دا هم ممکن نه وي، نو لږ تر لږه د ظالم او ظلم ملاتړي مه جوړیږئ.»

د پښتین د معلوماتو له مخي، چې د شمالي وزيرستان په مرعلي کې پاکستاني پوځ پر ځايي کلیو د ډرون بریدونه کړي، یوه ښځه په کې ټپې شوې، همدا ډول په خیبر کې د پوځ په توغنديو کې یوه بله مېرمن وژل شوې او پاکستاني پوځ يو شمېر پښتانه ځوانان او مشران له ځان سره وړي او لادرکه دي.

منظور پښتين زياتوي، چې په خپلو ملګرو باور لري: «پاکستاني پوځ ټولنیز رسنیز کسان، او په پښتنو کې د هغوی ملاتړي، نه یوازې دا چې پښتانه د پردیو ملاتړ ته هڅوي، بلکې د پي ټي ایم خلاف دروغجنه پروپاګنډ هم خپروي، تر څو پښتون ملت د پي ټي ایم له ملګرتیا څخه لیرې کړي او د نورو وطنونو په کیسو پسې يې ملګري کړي.»

نوموړي ټينګار کړی، چې په هر وخت او حالت کې به د خپلو خلکو غږ پورته کوي او د حق اخیستلو لپاره به یې هڅې کوي.

ټي ټي پي د (غوايي ۱۹مه) په یوې خبرپاڼه کې ویلي، د‌ پاکستاني پوځیانو پوسته یې د سپکو او درنو وسلو تر اور لاندې راوستې وه.

خبرپاڼه زیاتوي، په پوسته کې د شپږ عسکرو تر وژل کیدو وروسته یې د پوځیانو هغه کتار هم په نښه کړ، چې د مرستې لپاره سیمې ته راروان و.

پاکستاني طالبانو ادعا کړې، چې په دغو دواړو بریدونو کې یې د ۲۰ پاکستاني عسکرو د وژل کیدو تر څنګ دوه پوځي موټرې هم له منځه وړي دي.

همدا راز ویل شوي، چې له دغو وژل شویو کسانو څخه سپکې او درنې وسلې هم نیول شوي دي.

خبرپاڼه کې د «ټي ټي پي» د یوه جنګیالي‌ د وژل کیدو یادونه هم شوې ده.

تر اوسه پورې د‌ پاکستان پوځ او ځايي امنیتي ادارو په دې تړاو څه نه دي ویلي.

دغه وسله واله نښته داسې مهال کېږي چې د هند او پاکستان ترمنځ کړکېچ هم اوج ته رسیدلی او پر یو بل یې هوایي بریدونه کړي دي.

هم مهاله د پښتون ژغورنې غورځنګ په ګډون یو شمېر نورو بنسټونو نیوکې کړي، چې پاکستان د یاد کړکېچ سره سره د پښتنو په سیمو کې هوایي بمبارۍ جاري ساتلې دي.

په پښتونخوا او بلوچستان کې نا امنۍ ورځ تر بلې پراخیدونکي دي. په دغو ایالتونو کې د «ټي ټي پي» وسله والې ډلې سربېره بلوڅ بېلتون پالې ډلې هم پراخ فعالیتونه لري.

پاکستان ادعا لري، چې د دغو وسله والو ډلو ترشاه هم د هند پوځي او مالي‌ ملاتړ دی.

په تورخم کې له سهار راهیسې دواړه غاړو ته سلګونه کسان د تګ راتګ په موخه په انتظار ولاړ دي‌ او لا هم څرګنده نه ده چې لاره به کله پرانېستل شي.

هم مهاله یوه سرچینه وایي، د لارې د بندښت له کبله د افغان کډوالو د ایستل کیدو بهیر کې هم ځنډ راغلی دی.