د کډوالۍ نړۍوال سازمان: د مئ تر ۱۲مې پورې له ۱۲۸ زرو ډېر کډوال افغانستان ته ستانه شوي دي
د کډوالۍ نړۍوال سازمان وایي، چې د روان کال د اپرېل له لومړۍ نېټې څخه د مئ تر ۱۲مې پورې له ۱۲۸۰۰۰ څخه ډېر افغانان له پاکستانه افغانستان ته ستانه شوي دي. دغه سازمان پر اېکس پاڼه لیکلي، چې ډېری دغه کډوال په جبري توګه ستانه کړای شوي دي.
دغه سازمان زیانه کړې، چې له دې ډلې یې تر ۶۸۰۰۰ ډېرو راستانه شویو کډوالو او په ځانګړې توګه د ښځو او ماشومانو سره د سرپناه، خوړو، روغتیایي پاملرنې او ساتنې په برخه کې مرسته کړې ده.
خو د پښتونخوا د کورنیو او قبایلي چارو ادارې شمېرې بیا ښیي، چې تر دې دمه یوازې د تورخم له لارې ۵۷۵۳۶۵ تنه افغان کډوال په جبري توګه افغانستان ته ستانه کړای شوي دي.