ټرمپ او مېرمن یې د کاتولیکانو نوي پاپ ته د سپينې ماڼۍ بلنه ورکړه
د سپینې ماڼۍ ویاندې کارولین لیوېټ وايي، چې د امریکا ولسمشر مرستیال جيډي ونس د کاتولیکانو له نوي پاپ سره د لیدنې پرمهال نوموړي ته د ډونالډ ټرمپ او میلانیا ټرمپ بلنهلیک وړاندې کړ، څو سپینې ماڼۍ ته سفر وکړي.
تر دې مخکې د امریکا ولسمشر ډونالډ ټرمپ پر خپلې اېکسپاڼې لیکلي و: «دا ډېر لوی ویاړ دی چې هغه لومړنی امریکایی پاپ دی. زه له څوارلسم پاپ لیو سره لیدنې ته بېصبرانه په تمه یم. دا به یوه ډېره مانالرونکې شېبه وي.»
جي ډي ونس چې تر دې مخکې له پاپ فرانسیس سره د نوموړي د کډوالۍ پر سختو سیاستونو یې توندې نیوکې لرلې، د غويي په ۱۸مه روم ته د رسمي لوړې مراسمو کې د ګډون په موخه د امریکایی پلاوي مشري کړې ده.