روبیو: امریکا د سوریې د هیلهمن راتلونکي لپاره د دغه هېواد د خلکو ملاتړ کوي
د ډونالډ ټرمپ په مشرۍ د متحدهایالتونونو حکومت د بهرنیو چارو وزیر مارکو روبیو وايي چې د سوریې د پرمختګ لپاره د بندیزونو لرېکېدل ډېر مهم دي.
د ډونالډ ټرمپ په مشرۍ د متحدهایالتونونو حکومت د بهرنیو چارو وزیر مارکو روبیو وايي چې د سوریې د پرمختګ لپاره د بندیزونو لرېکېدل ډېر مهم دي.
نوموړي د جمعې ورځ ناوخته (مې ۲۳مه) د خپل اېکسپاڼې له لارې په یوه بیان کې زیاته کړې له سوریې د بندیزونو د لرېکېدو موخه، په دغه هېواد کې پانګهوالو ته د پانګونې زمینې برابرېدل دي.
روبیو وايي چې امریکا د سوریې د یوه ښه او هیلهمن راتلونکي د جوړېدو لپاره د دغه هېواد د خلکو د هڅو ملاتړ کوي.
روبیو دا څرګندونې داسې مهال کوي چې شاوخوا دوه اوونۍ مخکې د امریکا ولسمشر ډونالد ټرمپ په ریاض کې اعلان وکړ چې د سعودي عربستان له وليعهد محمد بن سلمان او د ترکیې له ولسمشر سره تر خبرو وروسته، پر سوریې بندیزونه پای ته رسوي. د هغه په وینا، متحدهایالاتونو له سوریې سره د اړیکو عاديکېدو لپاره لومړني ګامونه اخیستي دي.
د دې ترڅنګ ټرمپ قطر ته له سفر مخکې د سعودي عربستان په پلازمېنه ریاض کې د سوریې د لنډمهالي حکومت له مشر احمد الشرع سره ولیدل.
