د په غزه کې روغتيا وزارت رسنيو ته ويلي، چې د ۲۰۲۳ م کال د اکتوبر مياشتي څخه تر دې مهاله ۱۲۲ زره ۴۰۰ فلسطينیان د اسراييل په بریدونو کې ټپيان شوي دي. چارواکو ویلي، چې په تېرو ۲۴ ساعتونو کې ۶۰ جسدونه او ۱۸۵ ټپيان روغتون ته ور وړل شوي دي.
د ترکيې اناډولو خبري اژانس د جمعه په ورځ (د غبرګولي ۲مه) د فلسطين د روغتیا وزارت له قوله لیکلي، چې د ۲۰۲۳ کال د اکتوبر راهیسي د اسراییل په بریدونو کې ۵۳ زره ۸۲۲تنه وژل شوي او ۱۲۲ زره ۳۸۲ فلسطينیان ټپیان شوي دي.
دغه وزارت په یوه خبرپاڼه کې ویلي، چې ډېری کسان لا هم تر خاورو لاندې او په سړکونو کې بند پاتې دي او ژغورنکي نشي کولی دوی ته ورسيږي.
د اسرایيلو پوځ د مارچ په ۱۸ مه په غزه کې یو ځل بیا خپل بریدونه پېل کړل او هغه راهسي يې ۳۶۷۳ کسان وژلي او له ۱۰۳۰۰ څخه ډېر نور يې ټپيان کړي دي.
یاده دې وي چې اسراییل د عدالت په نړیواله محکمه کې د نسل وژنې له قضیې سره مخ دی.
