کترینا کیف: یو وخت ما فکر کاوه چې اداکاري پرېږدم
د هندي سینما (بالیووډ) پېژندل شوې فلمي لوبغاړې کترینا کیف وايي، د خپل یوه فلم تر لیدو وروسته یې پرېکړه وکړه چې د یوې مودې لپاره په فلمونو کې کار کول پرېږدي.
د هندي سینما (بالیووډ) پېژندل شوې فلمي لوبغاړې کترینا کیف وايي، د خپل یوه فلم تر لیدو وروسته یې پرېکړه وکړه چې د یوې مودې لپاره په فلمونو کې کار کول پرېږدي.
نوموړې په یوې ټلوېزیوني خپرونه کې زیاته کړې، کله یې چې د لومړي ځل لپاره د «نمستې لندن» فلم ولید، ډېره وېرېدلې وه. هغې فکر کاوه چې اداکاري یې ښه نه وه او ښايي خلک به یې نور په سینما کې ونهګوري.
کترینا وویل: «د فلم تر لیدو وروسته زه کور ته لاړم، دروازه مې وتړله او هیچا ته مې ځواب ور نه کړ. ما فکر کاوه چې په سینما کې نور زما مسلک پای ته رسېدلی او باید د بل کار په لټه کې شم.»
خو د هغې د تمې پر خلاف، «نمستې لند فلم» په سینماګانو کې ډېر بریالی شو او خلکو د نوموړې اداکاري خوښه کړه. کترینا وايي چې دا بریا ددې لامل شوه چې خلکو او فلم جوړونکو د هغې په اړه ښه نظرونه ورکړل.
له دې فلم وروسته هغې په څو نورو مشهورو فلمونو کې لکه «ویلکم، ایک تها ټایګر او زندګي ننی ملیګي دوباره» چې ډېر بریالي فلمونه بلل کېږي، کار وکړ.
کترینا کیف به ډېر ژر له عالیه بهټ او پرینکا چوپړا سره یوځای په یوه نوي فلم «جي لې زارا» کې راښکاره شي.
سربېره پر دې، لا هم یو شمېر د لوړې بودیجې فلمونه پاتې دي چې باید خپاره شي.
د فلمي خبرونو مشهوره ویبپاڼې "کوئی موئی" د ۲۰۲۵ کال لپاره د هغو فلمونو لېست خپور کړی چې تر ټولو زیات عواید یې ترلاسه کړي دي.
چهاوا (Chhawa)
دا فلم په فېبرورۍ کې په سینما کې نندارې ته وړاندې شو او په دغه فلمي لوبغاړو ویکي کوشال او شمیکا منداناه مرکزي رول لوبولی.
دا فلم د مرهټا سلطنت د پاچا سامباجي مهاراج پر ژوند جوړ شوی او فلم د هغه د زړورتیا، قربانۍ او د خپل وطن لپاره د مبارزې کیسه وړاندې کوي..
ددې فلم بودیجه ۱۴۰ کروړه هندۍ کالدارې وې، چې ۶۱۵ کروړه هندۍ روپۍ یې تر اوسه ګټلي دي.
ریډ ۲ (Raid 2)
ریډ ټو فلم د مې په لومړۍ نېټه په سینما کې نندارې ته وړاندې شو.
مرکزي فلمي لوبغاړي یې اجی دېوګن، رتېش دېشموک او واني کپور دي.
د دې فلم کیسه د جرمونو او فساد پر وړاندې په مبارزه ولاړه ده، چې په ۴۵ کروړه هندۍ کالدارې جوړ شوی او تر اوسه ۱۴۳ کروړه هندۍ کالدارې یې ګټه کړې ده.
سکای فورس (Sky Force)
سکای فورس د جنورۍ په ۲۴ نېټه په هندي سینما کې نندارې ته وړاندې شو.
په دغه فلم کې مرکزي رول اکشي کُمار، سارا علي خان او نمرت کور لوبولي دي.
دغه فلم د ۱۹۶۵ کال هند-پاکستان جګړه او د سرګودې هوايي اډې باندې د هند برید ته کتنه کوي.
دغه فلم په ۱۶۰ کروړه هندي کالدارو جوړ شوی او تر اوسه یې نږدې ۱۳۴ کروړه هندۍ کالدارې ګټه کړې.
سکندر (Sikandar)
سکندر د بالیووډ دبنګ خان سلمان خان او رشمیکا مندانا هغه فلم دی، چې د مارچ په ۳۰مه نېټه نندارې ته وړاندې شوه.
په دغه فلم نږدې دوه سوه کروړه هندۍ کالدارې مصرف شوی، چې تر اوسه یې ۱۷۷ کروړه هندۍ کالدارې ګټلي دي.
فلم د یو ځوان د ژوند کیسه وړاندې کوي، چې د خپلو خوبونو لپاره مبارزه کوي.
کیسري چیپټر ۲ (Kesari Chapter 2)
کیسري چيپټر ټو د اپرېل په ۱۸مه نېټه نندارې ته وړاندې شوه.
په دغه فلم کې مرکزي رول اکشي کُمار، اننیا پانډې، ار مدهاون لوبولی.
د دې فلم کیسه د ۱۹۱۹ کال د جلیانوالا باغ د پېښې پر بنسټ ولاړه ده، چې فلم د دې تاریخي پېښې حقیقتونه وړاندې کوي.
کیسري چیپټر ټو په ۱۵۰ هندۍ روپیو جوړ شوی او تر اوسه یې ۸۲.۱ کروړ هندۍ کالدارې ګټلې دي.
جاټ (Jaat)
جاټ فلم کې مرکزي رول سُني ديول لوبولی دی.
په دغه فلم نږدې سل کروړه هندۍ کالدارې مصرف شوي او تر اوسه یې ۱۱۸ کروړه روپۍ ګټلي دي.
د دغه فلم کیسه د پنجاب د ځوانانو ژوند او مبارزې ته کتنه کوي.
دیوا (Deva)
دیوا هم په روان کال کې په هندي سینما نندارې ته وړاندې شو.
په دغه فلم کې مرکزي رولونه شاهد کپور او پوجا هېګډې لوبولي دي.
دغه فلم په اتیا کروړه هندي روپیو جوړ شوی او تر اوسه یې ۵۱.۷۳ کروړه هندي روپۍ ګټلي دي.
اېمرجنسي (Emergency)
اېمرجنسي فلم د ۶۰ کروړه هندي روپیو په ارزښت جوړ شوی او مرکزي رول پکې کنګنا راناوت لوبولی، چې تر اوسه یې ۲۱.۷۵ کروړه هندۍ روپۍ ترلاسه کړي.
فاتح (Fateh)
فاتح فلم هم د یو ځوان د ژوند په کیسه راټول دی، چې د خپلو خوبونو لپاره مبارزه کوي.
په دغه فلم کې مرکزي رول سونو سود او جاوېد جافري لوبولی دی.
فاتح فلم په پنځوس کروړه هندي کالدارو جوړ شوی، چې تر اوسه یې ۱۸.۵۰ کروړه روپۍ ترلاسه کړي.
مېرا هزبنډ کی بیوي (Mera Husband Ki Biwi)
میرا هزبنډ کې بیوي فلم هم په روان کال کې په هندي سینما نندارې ته وړاندې شو.
په دغه فلم کې مرکزي رول ارجون کپور، رکول پریت سینګ او بومي پډنیکر لوبولی.
دا فلم په ۶۰ کروړه هندۍ کالدارې جوړ شوی او تر اوسه یې نږدې ۱۲.۷۳ کروړه هندۍ کالدارې ترلاسه کړي.
دا د هندي سینما هغه فلمونه دي چې همدا اوس په سینما کې د نندارې په حال کې دي او تر اوسه پرېکړه نه شي کېدای چې کوم فلم به د نورو وړاندې شي.
د طالبانو د اطلاعاتو او کلتور وزارت د هنر او کلتور معينيت، نن یکشنبه، د غويي ۲۸مه، په کابل کې د ګڼ شمېر فرهنګیانو، لیکوالو او د کورنیو او بهرنیو فرهنګي بنسټونو د استازو په ګډون د موزيمونو د نړيوال پيوستون غونډه وکړه.
د طالبانو د اطلاعاتو او کلتور وزارت د هنر او کلتور معیين عتیق الله عزيزي غونډې ته په خبرو کې وویل چې د ملاهبت الله د فرمان پر اساس په تېرو کلونو کې د تاریخي ابداتو اړوند ټولې غصب شوې ساحې له غصب څخه خلاصې شوې دي.
د طالبانو د اطلاعاتو او کلتور وزارت د خپرونو چارو معیين مهاجر فراهي په خپله وینا کې وویل چې د طالبانو په بيا واکمنۍ سره، د هېواد تاريخي او کلتوري ميراثونو او ابدې ساتنې او پالنې ته ځانګړې پاملرنه شوې او له هېواده بهر ته د اثارو د قاچاق بشپړ مخنيوی شوی دی.
د طالبانو مشر په دغه فرمان کې چې د ۱۴۰۲ لمریز کال د چنګاښ میاشتې پر ۲۱مه صادر شوی د دغې ډلې اطلاعاتو او کولتور وزارت ته سپارښتنه کړې چې د تاریخي او کولتوري اثارو په تړاو هر ډول مسوولیت دوی ته راجع دی.
په دغه فرمان کې د طالبانو اطلاعاتو او کولتور وزارت ته سپارښتنه شوې، چې په لرغونو سیمو کې دې له ناقانونه کیندنو او د تاریخي اثارو له ویجاړولو ډډه وشي.
د طالبانو مشر په دغه فرمان کې له خپلو غړو غوښتي چې د تاریخي اثارو د بیارغونې په برخه کې دې اړونده ادارې اقدامات وکړي.
طالبان داسې مهال د تاریخي سیمو او ابداتو پر ساتنې ټینګار کوي، چې یادې ډلې د خپلې لومړۍ واکمنۍ پرمهال په بامیان کې د بودا مجسمه په راکېټونو وویشتله او په ترڅ کې یې د دغې مجسمې ډېرې برخې ونړېدې.